അമേരിക്കൻ കമ്പനി യുഎം ഓട്ടോ എക്സ്പോയിൽ ഇന്ത്യയിലെത്തും

റെനെഗേഡ് മോഡലായിരിക്കും രാജ്യത്ത് ആദ്യം പുറത്തിറക്കുക എന്ന് അനുമാനിക്കപ്പെടുന്നു. 400സിസി എന്‍ജിനാണ് വാഹനത്തില്‍ ഘടിപ്പിച്ചിട്ടുള്ളത്. പ്രതീക്ഷിക്കുന്ന വില 1,50,000 രൂപയാണ്.

ഓരോ ആറ് മാസം കൂടുമ്പോഴും ഓരോ മോഡല്‍ വീതം ഇന്ത്യയിലെത്തിക്കാനാണ് യുഎം മോട്ടോഴ്‌സിന്റെ പദ്ധതി. റൈനെഗേഡിന്റെ എന്‍ജിന്‍ ഇന്ത്യയ്ക്കായി പ്രത്യേകം നിര്‍മിച്ചെടുത്തതാണ്.

ബജാജ്, ഹ്യോസങ്, ബെനെല്ലി, റോയല്‍ എന്‍ഫീല്‍ഡ് എന്നിവരുടെ മോഡലുകളാണ് യുഎം മോട്ടോര്‍സൈക്കിളുകള്‍ക്ക് എതിരാളികളായി ഇന്ത്യയിലുള്ളത്.

ഇന്ത്യയിലേക്ക് ഘടകഭാഗങ്ങളെത്തിച്ച് അസംബ്ള്‍ ചെയ്യുകയാണ് യുഎം ചെയ്യുക. ഇതുവഴി വിലയില്‍ മത്സരക്ഷമത പുലര്‍ത്താന്‍ യുഎമ്മിന് കഴിയും. ഇന്ത്യയില്‍ നിന്ന് ഘടകഭാഗങ്ങള്‍ സോഴ്‌സ് ചെയ്യുവാനും സാധ്യതയുണ്ട്. രാജിവ് മിശ്രയാണ് യുഎം ഇന്ത്യയുടെ ഡയറക്ടര്‍.

മൂന്ന് എൻജിൻ പതിപ്പുകൾ റെനഗേഡ് സ്‌പോര്‍ടിനുണ്ട്

• 137.8സിസി (7000 ആര്‍പിഎമ്മില്‍ 10.97 കുതിരശക്തി; 5600 ആര്‍പിഎമ്മില്‍ 10.53 എന്‍എം ചക്രവീര്യം)
• 180.4 സിസി (8600 ആര്‍പിഎമ്മില്‍ 16.7 കുതിരശക്തി; 8000 ആര്‍പിഎമ്മില്‍ 13.68 എന്‍എം ചക്രവീര്യം)
• 196.4 സിസി (7500 ആര്‍പിഎമ്മില്‍ 15.22 കുതിരശക്തി, 6400 ആര്‍പിഎമ്മില്‍ 14.67 എന്‍എം ചക്രവീര്യം)



റെനഗേഡ് ഡ്യൂട്ടി

• 124 സിസി (8300 ആര്‍പിഎമ്മില്‍ 10.79 കുതിരശക്തി; 6500 ആര്‍പിഎമ്മില്‍ 9.15 എന്‍എം ചക്രവീര്യം)
• 124 സിസി (7773 ആര്‍പിഎമ്മില്‍ 11.85 കുതിരശക്തി; 6657 ആര്‍പിഎമ്മില്‍ 9.81 എന്‍എം ചക്രവീര്യം)
• 149 സിസി (7630 ആര്‍പിഎമ്മില്‍ 12.92 കുതിരശക്തി; 6360 ആര്‍പിഎമ്മില്‍ 11.32 എന്‍എം ചക്രവീര്യം)



റെനെഗെഡ് ലിമിറ്റഡ്

ഒരു ക്ലാസിക് ക്രൂയിസറിന്റെ ശൈലിയില്‍ നിര്‍മിക്കപ്പെട്ടതാണ് ഈ പതിപ്പ്. 175 സിസി എന്‍ജിന്‍ ഘടിപ്പിച്ചും 196 സിസി എന്‍ജിന്‍ ഘടിപ്പിച്ചും ഈ വാഹനം വരുന്നു.



റെനഗേഡ് കൊമാന്‍ഡോ

രണ്ടാം ലോകയുദ്ധകാലത്തെ ആര്‍മി മോട്ടോര്‍സൈക്കിളുകളുടെ ശൈലിയില്‍ നിര്‍മിക്കപ്പെട്ടതാണ് കൊമാന്‍ഡോ. 223 സിസി എന്‍ജിന്‍ ഘടിപ്പിച്ചിരിക്കുന്നു വാഹനത്തില്‍. 18 കുതിരകളുടെ കരുത്തും 15.5 എന്‍എം ചക്രവീര്യവും വാഹനത്തിനുണ്ട്.