സ്മാർട്ഫോൺ നിർമാതാവ് ഷവോമിയുടെ സെൽഫ് ബാലൻസിങ് സ്കൂട്ടർ

‌നൈൻബോട്ട് എന്ന കമ്പനിയാണ് ഈ ഇലക്ട്രിക് സെൽഫ് ബാലൻസിങ് സ്കൂട്ടറിന്റെ നിർമാതാവ്. നൈൻബോട്ടിൽ സാരമായ ഒരു നിക്ഷേപമുണ്ട് ഷവോമിക്ക്. ഏതാണ്ട് 80 ദശലക്ഷം ഡോളറോളം.

ഏതാണ്ട് 1500 ഡോളറോളം വിലയിൽ ഈ സ്കൂട്ടർ വിപണിയിലെത്തിക്കാൻ സാധിക്കുമെന്നാണ് ഷവോമിയും സഖ്യക്കാരും കരുതുന്നത്. ഒരു സെഗ്‌വേ സ്കൂട്ടറിന് ആറായിരം ഡോളറിന്റെ പരിസത്ത് വിലവരും എന്നോർക്കുക.

നൈൻബോട്ട് മിനി എന്നാണ് ഷവോമി സ്കൂട്ടറിന് പേര്. ഈ സ്കൂട്ടറിന് ഹാൻഡിൽ ഇല്ല. റൈഡറുടെ ശരീരത്തിന്റെ നീക്കങ്ങളെ ശ്രദ്ധയോടെ ഡിറ്റക്ട് ചെയ്താണ് സ്കൂട്ടർ നീങ്ങുക.

ഷവോമിയുടെ ഒരു സ്മാർട്ഫോൺ ആപ്ലിക്കേഷനുപയോഗിച്ചും സ്കൂട്ടറിനെ നിയന്ത്രിക്കാൻ സാധിക്കുമെന്നാണ് പറയുന്നത്.

12.8 കിലോഗ്രാം ഭാരമാണ് ഈ സ്കൂട്ടറിനുള്ളത്. ഇലക്ട്രിക് മോട്ടോറാണ് വാഹനത്തിൽ ചേർത്തിട്ടുള്ളത്. ഒരുതവണ ചാർജ് ചെയ്താൽ 22 കിലോമീറ്റർ വരെ സഞ്ചരിക്കാൻ സാധിക്കും ഈ സ്കൂട്ടറിൽ.

15 ഡിഗ്രി വരെ ചെരിവിലൂടെ കയറാനുള്ള ശേഷി ഈ സ്കൂട്ടറിനുണ്ട്. മണിക്കൂറിൽ 16 കിലോമീറ്റർ വേഗത പിടിക്കാനും സാധിക്കും.

ലഭ്യമായ വിവരങ്ങൾ പ്രകാരം, ഷവോമി ഓട്ടോമൊബൈൽ മേഖലയിലേക്ക് ശ്രദ്ധാപൂർവം കടക്കുകയാണ് നൈൻബോട്ടിലൂടെ എന്ന് മനസ്സിലാക്കണം. യുൻമെയ്ക്ക് എന്ന സ്മാർട്ട് ബൈക്ക് നിർമാതാവുമായും സഖ്യത്തിലേർപെട്ടിട്ടുണ്ട് ഈ കമ്പനി. ഇലക്ട്രിക് കാറുകൾ നിർമിക്കാൻ ഇരുവർക്കും പദ്ധതിയുണ്ടത്രെ!

കൂടുതൽ

തകര്‍ന്നുപോയ അഞ്ച് അമേരിക്കന്‍ സ്വപ്നങ്ങള്‍

ടൊയോട്ട ഐ റോഡ് നിരത്തിലിറങ്ങാന്‍ തയ്യാറെടുക്കുന്നു?

ചിരിയുണര്‍ത്തുന്ന കണ്‍സെപ്റ്റ് കാറുകള്‍

ഫിയറ്റ് 500 ബീച്ച് കാറായപ്പോള്‍