Click it and Unblock the Notifications
പുത്തന് സ്കൂട്ടര് ഗ്രാസിയയുമായി ഹോണ്ട; ഓക്ടോബര് 25 മുതല് ബുക്കിംഗ് ആരംഭിക്കും
ഈ വര്ഷം പുതിയ നാല് മോഡലുകളെ ഇന്ത്യയില് അണിനിരത്തുമെന്നാണ് ഹോണ്ട പ്രഖ്യാപിച്ചത്. ആഫ്രിക്ക ട്വിന് AT, ക്ലിഖ് സ്കൂട്ടര് എന്നിവയെ അവതരിപ്പിച്ച ഹോണ്ട, തങ്ങളുടെ വാഗ്ദാനം പകുതി നിറവേറി.
ഇപ്പോള് പുത്തന് അര്ബന്-സ്കൂട്ടര് ഗ്രാസിയയുടെ വരവിനുള്ള ഒരുക്കങ്ങളും ഹോണ്ട പൂര്ത്തീകരിച്ചിരിക്കുകയാണ്. പുതിയ ഗ്രാസിയ സ്കൂട്ടറിന്റെ ബുക്കിംഗ് 2017 ഓക്ടോബര് 25 മുതല് ആരംഭിക്കുമെന്ന് ഹോണ്ട അറിയിച്ചു കഴിഞ്ഞു.
രാജ്യത്തുടനീളമുള്ള ഹോണ്ട ഡീലര്ഷിപ്പുകളില് നിന്നും 2000 രൂപ മുന്കൂര് പണമടച്ച് ഉപഭോക്താക്കള്ക്ക് സ്കൂട്ടറിനെ ബുക്ക് ചെയ്യാം. അത്യാധുനിക അര്ബന് സ്കൂട്ടറാണ് ഗ്രാസിയ എന്നാണ് ഹോണ്ടയുടെ വാദം.
അര്ബന് ഉപഭോക്താക്കളെയാണ് മോഡല് ലക്ഷ്യമിടുന്നത്. ഡീലര്ഷിപ്പ് സ്റ്റോക്ക് യാര്ഡില് നിന്നും ക്യാമറ പകര്ത്തിയ പുതിയ ഗ്രാസിയ സ്കൂട്ടറിന്റെ ചിത്രങ്ങള്, വരവിലേക്കുള്ള സൂചന നല്കി കഴിഞ്ഞു.
അഗ്രസീവ് ഡിസൈനാണ് ഗ്രാസിയയുടെ മുഖമുദ്രയെന്ന് പുറത്ത് വന്ന ചിത്രങ്ങള് വെളിപ്പെടുത്തുന്നു. നവിയില് നിന്നും ക്ലിഖില് നിന്നും തികച്ചും വേറിട്ട ഡിസൈന് ശൈലിയാണ് ഹോണ്ട ഗ്രാസിയയ്ക്കുള്ളത്.
വലുപ്പമേറിയ V-Shaped ഹെഡ്ലാമ്പാണ് സ്കൂട്ടറിന്റെ പ്രധാന ഹൈലൈറ്റ്. ആക്ടിവയ്ക്ക് സമാനമായ വലിയ ഫ്രണ്ട് വീലും, ടെലിസ്കോപിക് ഫ്രണ്ട് ഫോര്ക്കുകളും, ഡിസ്ക് ബ്രേക്കുമാണ് ഗ്രാസിയയില് ഒരുങ്ങിയിട്ടുള്ളത്.
Recommended Video
ഒപ്പം, ഹോണ്ടയുടെ കോമ്പി-ബ്രേക്ക് ടെക്നോളജിയും ഗ്രാസിയയ്ക്ക് ലഭിച്ചിട്ടുണ്ട്. പിന്നിര യാത്രക്കാര്ക്ക് വേണ്ടി മെറ്റല് ഫൂട്ട്പെഗുകളും മോഡലില് ഇടംപിടിച്ചിട്ടുണ്ട്.
നിലവിലുള്ള 110 സിസി എഞ്ചിനില് തന്നെയാകും പുത്തന് ഗ്രാസിയയും അണിനിരക്കുകയെന്നാണ് സൂചന. ഒരുപക്ഷെ, അക്ടിവയിലുള്ള 125 സിസി എഞ്ചിന് പതിപ്പിനെയും ഗ്രാസിയയില് ഹോണ്ട നല്കിയേക്കും.
എന്തായാലും പ്രീമിയം ടാഗോടെയാകും പുതിയ സ്കൂട്ടറിനെ ഹോണ്ട നല്കുക. കൂടാതെ ഗ്രാസിയയുടെ വേറിട്ട ഡിസൈന് ഭാഷ, യുവ ഉപഭോക്താക്കളെ സ്വാധീനിക്കുമെന്ന പ്രതീക്ഷയിലാണ് ഹോണ്ട.
Trending On DriveSpark Malayalam:
ഇത് കഫെ റേസറായി മാറിയ എല്എംഎല് സ്കൂട്ടര്!
മച്ചാനെ ബൂസാ.. ക്ഷമിക്കണം ഇത് ഹീറോ കരിസ്മയാണ്!
ദുബായ് പൊലീസിന് കൂട്ടായി പറക്കും ബൈക്ക്; അമ്പരപ്പ് മാറാതെ ലോകരാജ്യങ്ങള്
Continue with Google