2020 ആഫ്രിക്കൻ ട്വിന്നിനെ ഹോണ്ട ആഗോള തലത്തിൽ അവതരിപ്പിച്ചു

പഴയ മോഡലിനെ അപേക്ഷിച്ച് ബിഎസ്-VI ലേക്ക് പരിഷ്ക്കരിച്ചതിന് പുറമെ പുതിയതും വലുതുമായ സമാന്തര-ഇരട്ട എഞ്ചിൻ വാഹനത്തിന് ലഭിക്കുന്നു. കരുത്തേറിയ പുതിയ 1,084 സിസി എഞ്ചിനാണ് അഡ്വഞ്ചർ ടൂറർ മോട്ടോർ സൈക്കിളിന് ഹോണ്ട നൽകിയിരിക്കുന്നത്.

പഴയ പതിപ്പിൽ 998 സിസി എഞ്ചിനായിരുന്നു കമ്പനി വാഗ്ദാനം ചെയ്തിരുന്നത്. പുതിയ നവീകരണങ്ങളിൽ ബൈക്ക് മെലിഞ്ഞതായി കാണപ്പെടുന്നു. കൂടാതെ പഴയ മോഡലിനേക്കാൾ കൂടുതൽ സാങ്കേതികവിദ്യയും പുതിയ കണക്റ്റിവിറ്റി സവിശേഷതകളും 2020 ആഫ്രിക്ക ട്വിന്നിൽ ഉൾക്കൊള്ളുന്നു.

ഹോണ്ട CRF1100L ആഫ്രിക്ക ട്വിൻ അഡ്വഞ്ചർ സ്പോർട്സ് പതിപ്പിലും കമ്പനി അടിമുടി മാറ്റങ്ങൾ വരുത്തിയിട്ടുണ്ട്. അതിൽ പുതുക്കിയ ഫെയറിംഗ്, ലൈറ്റർ ഫ്രെയിം, 25 ലിറ്റർ ഇന്ധന ടാങ്ക് എന്നിവ ഉൾപ്പെടുന്നു.

ഉയരം ക്രമീകരിക്കാവുന്ന വിൻഡ്‌സ്ക്രീൻ, സ്റ്റാൻഡേർഡ് എഞ്ചിൻ ബാഷ്‌പ്ലേറ്റ് എന്നിവയിലെ സംരക്ഷിത ബോഡി വർക്ക് തുടങ്ങിയവയാണ് സ്റ്റാൻഡേർഡ് ഹോണ്ട ആഫ്രിക്ക ട്വിൻ, അഡ്വഞ്ചർ സ്പോർട്സ് പതിപ്പ് എന്നിവയെ വ്യത്യസ്തമാക്കുന്നത്.

പുതിയതും വലുതുമായ എഞ്ചിനാണ് 2020 ഹോണ്ട ആഫ്രിക്ക ട്വിൻ ശ്രേണിയിലെ പ്രധാന വ്യത്യാസം. 1,084 സിസിയിലേക്കുള്ള സ്ഥാനചലനം, ഏഴ് ശതമാനം കൂടുതൽ ടോർക്ക്, ആറ് ശതമാനം കൂടുതൽ പവർ എന്നിവയും പുതിയ യൂണിറ്റിൽ ഹോണ്ട വാഗ്ദാനം ചെയ്യുന്നു. ഒപ്പം വരാനിരിക്കുന്ന യൂറോ 5 (ഇന്ത്യയിൽ ബിഎസ്-VI) ചട്ടങ്ങൾ പാലിക്കും.

എഞ്ചിന്റെ അടിസ്ഥാന ഡിസൈൻ നിലനിർത്തിയിട്ടുണ്ടെങ്കിലും സമാന്തര-ഇരട്ട എഞ്ചിനിൽ ഇപ്പോൾ 75.1 മില്ലീമീറ്റർ മുതൽ 81.5 മില്ലീമീറ്റർ വരെ നീളമുള്ള സ്ട്രോക്ക് ലഭിക്കുന്നു. പഴയ മോഡലിലെ അതേ 92 മില്ലീമീറ്റർ ബോറും ബൈക്ക് നിലനിർത്തിയിട്ടുണ്ട്. 1,084 സിസി, പാരലൽ-ട്വിന്നിൽ 10.1: 1 എന്ന കംപ്രഷൻ അനുപാതമുണ്ട്. കൂടാതെ 7,500 rpm-ൽ 101 bhp കരുത്തും 6,250 rpm-ൽ 105 Nm torque ഉം സൃഷ്ടിക്കും പുതിയ ആഫ്രിക്ക ട്വിൻ.

Most Read: കെടിഎം ഡ്യൂക്ക് 790 ഇന്ത്യയിൽ അവതരിപ്പിച്ചു- വില 8.63 ലക്ഷം

എഞ്ചിന് ഭാരം കുറഞ്ഞ അലുമിനിയം സിലിണ്ടർ സ്ലീവ്, പുനർരൂപകൽപ്പന ചെയ്ത എഞ്ചിൻ കെയ്‌സിംഗ് എന്നിവ ലഭിക്കുന്നതിനാൽ 2020 ആഫ്രിക്ക ട്വിന്നിന്റെ മാനുവൽ ട്രാൻസ്മിഷൻ എഞ്ചിൻ മുമ്പത്തേതിനേക്കാൾ 2.5 കിലോഗ്രാം ഭാരം കുറവാണ്.

Most Read: ലിയോൺസിനോ 250 ഇന്ത്യയിൽ അവതരിപ്പിക്കാൻ ഒരുങ്ങി ബെനലി

2020 ഹോണ്ട ആഫ്രിക്ക ട്വിന്നിന്റെ ഇലക്ട്രോണിക്സ് സ്യൂട്ടും പൂർണ്ണമായും പരിഷ്ക്കരിച്ചിട്ടുണ്ട്. ഹോണ്ടയുടെ ട്രാക്ഷൻ കൺട്രോൾ സിസ്റ്റത്തിന്റെ പതിപ്പായ ഹോണ്ട സെലക്ടബിൾ ടോർക്ക് കൺട്രോൾ (HSTC), ഇപ്പോൾ സിക്സ്-ആക്സിസ് ഇൻറേഷ്യൽ മെഷർമെന്റ് യൂണിറ്റ് (IMU) പ്രവർത്തിപ്പിക്കുന്നു. എഞ്ചിനിൽ ഇപ്പോൾ നാല് പവർ ലെവലും മൂന്ന് ലെവൽ ഇലക്ട്രോണിക് എഞ്ചിൻ ബ്രേക്കിംഗും ഉൾക്കൊള്ളുന്നു.

Most Read: കോളേജ് വിദ്യാര്‍ത്ഥികളെ ആകര്‍ഷിക്കുന്ന അഞ്ച് സ്‌കൂട്ടറുകള്‍

മൂന്ന് തലത്തിലുള്ള ഇൻപുട്ടിനൊപ്പം ആഫ്രിക്ക ട്വിന്നിന്റെ ഏറ്റവും പുതിയ മോഡലിലേക്ക് ഹോണ്ട വീലി നിയന്ത്രണവും ചേർത്തിട്ടുണ്ട്. വീലി കൺട്രോൾ സിസ്റ്റം പൂർണ്ണമായും ഓഫ് ചെയ്യാനും സാധിക്കും. ബൈക്കിന്റെ ലൈറ്റിംഗ് ഹെഡ്‌ലൈറ്റാണ്. പുതിയ ടച്ച്‌സ്‌ക്രീൻ ഇൻസ്ട്രുമെന്റ് പാനൽ ഇപ്പോൾ ബ്ലൂടൂത്ത് ഓഡിയോയും ആപ്പിൾ കാർപ്ലേ കണക്റ്റിവിറ്റിയും വാഗ്ദാനം ചെയ്യുന്നു.

ടൂർ, അർബൻ, ഗ്രേവൽ, ഓഫ്-റോഡ്, കൂടാതെ രണ്ട് അധിക ഉപയോക്തൃ മോഡുകൾ എന്നിങ്ങനെ നാല് റൈഡിംഗ് മോഡ് ഓപ്ഷനുകളും ലഭിക്കുന്നു. കൂടാതെ 2020 മോഡലിന്റെ സ്റ്റാൻഡേർഡ് മോഡലിന് 18.8 ലിറ്റർ ഇന്ധന ടാങ്ക് ശേഷിയുണ്ട്. ഭാരം 226 കിലോഗ്രാമാണ്. DCT പതിപ്പിന് 236 കിലോഗ്രാം ഭാരം ഉണ്ട്.

മുൻവശത്ത് ഷോവ 45 mm കാർട്രിഡ്ജ്-ടൈപ്പ് ഇൻവേർട്ടഡ് ടെലിസ്‌കോപ്പിക് 230 mm ഫോർക്ക് സസ്പെൻഷും പിന്നിൽ പ്രോ-ലിങ്കുള്ള മോണോബ്ലോക്ക് അലുമിനിയവും 220 mm ഷോവ ഗ്യാസ് ചാർജ്ഡ് ഡാംപറുമാണ് വാഗ്ദാനം ചെയ്യുന്നത്.

മുൻ വീലിൽ റേഡിയൽ ഫിറ്റ് 4-പിസ്റ്റൺ കാലിപ്പറുകളുള്ള 310 mm ഡ്യുവൽ വേവ് ഫ്ലോട്ടിംഗ് ഹൈഡ്രോളിക് ഡിസ്കുകളും പിൻവശത്ത് ഒരു പിസ്റ്റൺ കാലിപ്പർ ഉപയോഗിച്ചുള്ള 256 mm സിംഗിൾ ഹൈഡ്രോളിക് ഡിസ്ക്കുമാണ് ഉപയോഗിച്ചിരിക്കുന്നത്. ഒപ്പം ഡ്യുവൽ-ചാനൽ എബി‌എസ് സിസ്റ്റം ഓൺ-റോഡ്, ഓഫ്-റോഡ് ക്രമീകരണങ്ങളൊടൊപ്പം വാഗ്ദാനം ചെയ്യുന്നു. കൂടാതെ പിൻ ചക്രത്തിലെ എബി‌എസ് പൂർണ്ണമായും സ്വിച്ച് ഓഫ് ചെയ്യാം.

മാനുവൽ ട്രാൻസ്മിഷൻ പതിപ്പിന് 20.4 കിലോമീറ്റർ ഇന്ധനക്ഷമതയും ഓട്ടോമാറ്റിക് ഡിസിടി പതിപ്പിന് 20.8 കിലോമീറ്റർ ഇന്ധനക്ഷമതയുമാണ് പുതിയ ആഫ്രിക്ക ട്വിൻ അവകാശപ്പെടുന്നത്. 2020 അവസാനത്തോടെയായിരിക്കും മോട്ടോർ സൈക്കിളിനെ ഹോണ്ട ഇന്ത്യയിൽ അവതരിപ്പിക്കുക.