Click it and Unblock the Notifications
പുതിയ അപ്രീലിയ സ്റ്റോം 125 വിപണിയില്, വില 65,000 രൂപ
ഇറ്റാലിയന് ഇരുചക്ര വാഹന നിര്മ്മാണ കമ്പനിയായ അപ്രീലിയ, പുതിയ സ്റ്റോം 125 -നെ ഇന്ത്യയില് വില്പ്പനയ്ക്കെത്തിച്ചു. 65,000 രൂപയെന്ന എക്സ്ഷോറൂം വിലയിലാണ് ബൈക്ക് വിപണിയിലെത്തിയത്. 2018 ഓട്ടോ എക്സ്പോയിലാണ് കമ്പനി സ്റ്റോം 125 -നെ ആദ്യമായി അവതരിപ്പിച്ചത്. ഓട്ടോ എക്സ്പോയില് അവതരിപ്പിച്ച മോഡലില് നിന്ന് ചില മാറ്റങ്ങള് വിപണിയിലെത്തിയ മോഡലില് കാണാം.
പോയ ആഴ്ചയില് തന്നെ സ്കൂട്ടര് അപ്രീലിയ ഡീലര്ഷിപ്പുകളില് എത്തിത്തുടങ്ങിയിരുന്നു. വിപണിയിലെത്തുന്നതിന് മുമ്പ് സമൂഹ മാധ്യമങ്ങളിലൂടെ സ്കൂട്ടറിന്റെ വില കമ്പനി പുറത്തുവിട്ടു.
അപ്രീലിയ SR -ല് കാണുന്ന 14 ഇഞ്ച് വീലുകള്ക്ക് പകരം 12 ഇഞ്ച് അലോയ് വീലുകളാണ് പുതിയ അപ്രീലിയ 125 -ല് കമ്പനി ഉള്പ്പെടുത്തിയിരിക്കുന്നത്.
കൂടാതെ മുന്നില് ഡിസ്ക്ക് ബ്രേക്കിന് പകരം ഇരു വശത്തും ഡ്രം ബ്രേക്കാണ് കമ്പനി സ്റ്റോം 125 -ന് നല്കിയിരിക്കുന്നത്. സിബിഎസ് നിലവാരമുള്ളതാണ് പുതിയ അപ്രീലിയ 125.
റെഡ് നിറമുള്ള അപ്രീലിയ ലോഗോയക്ക് പകരമായി വൈറ്റ് നിറമുള്ള ലോഗോയാണ് സ്കൂട്ടറിന് ലഭിച്ചിരിക്കുന്നത്. ഓഫ്റോഡിംഗിന് സഹായകമാവുന്ന ടയറുകളാണ് പുതിയ അപ്രീലിയ സ്റ്റോം 125 -ലുള്ളത്.
120/80 ആണ് മുന് ടയറളവ്. പിന് ടയറിന്റേതാവട്ടെ 130/80 -യും. കടും നിറങ്ങളിലുള്ള ഗ്രാഫിക്സാണ് സ്കൂട്ടറിനുള്ളത്. രണ്ട് നിറപ്പതിപ്പുകളില് പുതിയ അപ്രീലിയ സ്റ്റോം 125 ലഭിക്കും.
Most Read: ക്യാന്റീന് ഡിസ്കൗണ്ട് തീരും മുന്പേ ജീപ്പ് കോമ്പസ് വാങ്ങി നാവികസേനാ മേധാവി
SR 125 -ലേതിന് സമാനമായ ബോഡിവര്ക്കും, ലൈറ്റുകളും അനലോഗ് ഇന്സ്ട്രമെന്റേഷനുമാണ് പുത്തന് സ്റ്റോം 125 -ലുമുള്ളത്. SR 125 -ല് നിന്ന് തന്നെയാണ് എഞ്ചിന് കടമെടുത്തിരിക്കുന്നതും.
Most Read: ഇലക്ട്രിക് സ്കൂട്ടറുകൾക്കായി പ്രത്യേക ഡീലർഷിപ്പ് ശൃഖല സ്ഥാപിക്കാൻ ഹീറോ
7,500 rpm -ല് 9.3 bhp കരുത്തും 6,250 Nm torque ഉം പരാമവധി സൃഷ്ടിക്കുന്ന ഒറ്റ സിലിണ്ടര് മൂന്ന് വാല്വ് എയര്കൂളിംഗ് എഞ്ചിനാണ് സ്കൂട്ടറിന്റെ ഹൃദയം.
Most Read: എസ്യുവി വിപണി പിടിക്കാനുറച്ച് മഹീന്ദ്ര, നിക്ഷേപം 18,000 കോടി രൂപയുടേത്
SR 125 -നെക്കാളും 8,000 രൂപ കുറവാണ് പുതിയ സ്റ്റോം 125 എന്നതും ശ്രദ്ധേയം. വിപണിയില് ടിവിഎസ് എന്ടോര്ഖ്, ഹോണ്ട ഗ്രാസിയ എന്നിവയോടായിരിക്കും പുതിയ അപ്രീലിയ സ്റ്റോം 125 മത്സരിക്കുക.
Continue with Google