ആക്സസറികളുടെ നീണ്ടനിരയുമായി ജാവ, വിലവിവരങ്ങൾ അറിയാം

399 രൂപ മുതലാണ് ഇവയുടെ വില ആരംഭിക്കുന്നത്. നിരയില്‍ ഏറ്റവും മൂല്യമേറിയ ഘടകമായ ക്രോം ക്രാഷ് ഗാര്‍ഡിന് 1,599 രൂപയാണ് വില. ഇത് കൂടാതെ ജാവ ബൈക്കുകള്‍ക്കാവശ്യമായ റൈഡിംഗ് ഗിയറും കമ്പനി അവതരിപ്പിച്ചിരിക്കുന്നു.

ഹെല്‍മറ്റുകള്‍, റൈഡിംഗ് ജാക്കറ്റുകള്‍, ഗ്ലവ്വുകള്‍, ടി-ഷര്‍ട്ടുകള്‍ എന്നിവയെല്ലാം ഇതില്‍ ഉള്‍പ്പെടുന്നു. വിസറോട് കൂടിയ ഹെല്‍മറ്റാണ് കമ്പനി അവതരിപ്പിച്ചത്.

7,499 രൂപയുള്ള സ്റ്റീല്‍ത്ത് ജാക്കറ്റാണ് റൈഡിംഗ് ഗിയറിലെ മറ്റൊരാകര്‍ഷണം. താരതമ്യേന വില കൂടുതലാണിതെങ്കിലും തോള്‍ഭാഗം, കൈമുട്ട് എന്നിവയ്ക്ക് കൂടുതല്‍ സുരക്ഷ ഈ റൈഡിംഗ് ജാക്കറ്റ് നല്‍കുന്നു.

ആകര്‍ഷകമായ ടി-ഷര്‍ട്ട് 899 രൂപയ്ക്കാണ് കമ്പനി അവതരിപ്പിച്ചിരിക്കുന്നത്. കഴിഞ്ഞ നവംബറിലാണ് ജാവ, ജാവ ഫോര്‍ടി ടൂ ബൈക്കുകള്‍ ഇന്ത്യയിലെത്തിയത്. ജാവ ക്ലാസിക്കിന് 1.55 ലക്ഷം രൂപയും ജാവ ഫോര്‍ടി ടുവിന് 1.64 ലക്ഷം രൂപയുമാണ് വില.

Most Read: പുതിയ നിറത്തില്‍ ടിവിഎസ് എന്‍ടോര്‍ഖ് 125

ഇതിന് പുറമെ ബൈക്കുകളുടെ ഇരട്ട ചാനല്‍ പതിപ്പും കമ്പനി പുറത്തിറക്കിയിട്ടുണ്ട്. 1.64 ലക്ഷം, 1.73 ലക്ഷം എന്നിങ്ങനെയാണ് ഇരട്ട ചാനല്‍ പതിപ്പുകളുടെ വില.

Most Read: മാരുതി ബ്രെസ്സയുടെ വിപണി മോഹിച്ച് റെനോ, പുതിയ എസ്‌യുവി വരുന്നൂ

293 സിസി ഒറ്റ സിലിണ്ടര്‍ DOHC എഞ്ചിനാണ് ജാവ, ജാവ ഫോര്‍ടി ടൂ മോഡലുകളില്‍ തുടിക്കുന്നത്. ലിക്വിഡ് കൂളിംഗ് സംവിധാനവും ഈ എഞ്ചിനുണ്ട്. 27 bhp കരുത്തും 28 Nm torque ഉം കുറിക്കുന്നതാണീ എഞ്ചിന്‍. ആറ് സ്പീഡാണ് ഗിയര്‍ബോക്‌സ്. ARAI ടെസ്റ്റില്‍ 37.5 കിലോമീറ്റര്‍ മൈലേജ്ണ് ജാവ ബൈക്കുകള്‍ കാഴ്ചവെച്ചിട്ടുള്ളത്.