വില പരിഷ്ക്കരണം തുടരുന്നു, ഇത്തവണ വർധനവ് ബിഎസ്-VI ബജാജ് ഡൊമിനാറിന്

ബജാജ് ഓട്ടോ മോട്ടോർസൈക്കിളിന്റെ വില 3,000 രൂപയോളമാണ് ഇപ്പോൾ വർധിപ്പിച്ചിരിക്കുന്നത്. ബിഎസ്-VI ബജാജ് ഡൊമിനാർ 400 ഒരൊറ്റ വേരിയന്റിൽ മാത്രമാണ് വിൽപ്പനക്ക് എത്തുന്നത്.

ബജാജ് ഓട്ടോ മോട്ടോർസൈക്കിളിന്റെ വില 3,000 രൂപയോളമാണ് ഇപ്പോൾ വർധിപ്പിച്ചിരിക്കുന്നത്. ബിഎസ്-VI ബജാജ് ഡൊമിനാർ 400 ഒരൊറ്റ വേരിയന്റിൽ മാത്രമാണ് വിൽപ്പനക്ക് എത്തുന്നത്.

MOST READ: ടൈഗര്‍ 900 ടീസര്‍ ചിത്രം പങ്കുവെച്ച് ട്രയംഫ്; ബുക്കിങ് ആരംഭിച്ചു

എല്‍ഇഡി ഹെഡ്‌ലാമ്പ്, ടെയില്‍ലാമ്പ് കാസ്റ്റ് അലുമിനിയത്തിലുള്ള മിറര്‍ ഡിസൈന്‍, പുതിയ ടാങ്ക് പാഡ് ഡെക്കലുകള്‍,സ്റ്റീല്‍ സൈഡ് സ്റ്റാന്‍ഡ്, പാസഞ്ചര്‍ സീറ്റിനടിയില്‍ ബംഗി സ്ട്രാപ്പുകള്‍ എന്നിവയെല്ലാം ഡൊമിനാർ 400-നെ വിപണിയിൽ വേറിട്ടു നിർത്തുന്നു.

4 വാൽവുകൾ, DOHC സജ്ജീകരണം, 3 സ്പാർക്ക് പ്ലഗുകൾ, ഫ്യുവൽ ഇഞ്ചക്ഷൻ എന്നിവ ഉൾക്കൊള്ളുന്ന 373.3 സിസി സിംഗിൾ സിലിണ്ടർ എഞ്ചിനാണ് ബജാജ് ഡൊമിനാർ 400 ബിഎസ്-VI പതിപ്പിൽ ഇടംപിടിക്കുന്നത്.

MOST READ: ആദ്യ ഇലക്ട്രിക് മോട്ടോർസൈക്കിൾ പുറത്തിറക്കാനൊരുങ്ങി റീജന്റ്

ഇത് 8,650 rpm-ൽ‌ പരമാവധി 40 bhp കരുത്തും 7,000 rpm-ൽ‌ 35 Nm torque സൃഷ്ടിക്കാനും ശേഷിയുള്ളതാണ്. ആറ് സ്പീഡ് ഗിയർബോക്സുമായാണ് ഡൊമിനാർ 400-ന്റെ എഞ്ചിൻ ജോടിയാക്കിയിരിക്കുന്നത്. സ്ലിപ്പർ ക്ലച്ച് ബൈക്കിൽ ലഭ്യമാണ് എന്നതും ശ്രദ്ധേയമാണ്.

320 mm ഫ്രണ്ട് ഡിസ്കും 230 mm റിയർ ഡിസ്കുമാണ് ഡൊമിനാർ 400-ൽ ബ്രേക്കിംഗ് കൈകാര്യം ചെയ്യുന്നത്. മെച്ചപ്പെട്ട ബ്രേക്കിംഗിനായി ബജാജ് ഓട്ടോ ഇരട്ട-ചാനൽ എബിഎസും നൽകിയിട്ടുണ്ട്. സസ്‌പെൻഷനെ സംബന്ധിച്ചിടത്തോളം മുൻവശത്ത് ഒരു ജോഡി 43 mm അപ്സൈഡ് ഡൗൺ ഫോർക്കുകളും പിന്നിൽ ഒരു മൾട്ടി-സ്റ്റെപ്പ് അഡ്ജസ്റ്റ് ചെയ്യാവുന്ന മോണോഷോക്കും ഉണ്ട്.

MOST READ: ബി‌എം‌ഡബ്ല്യു F 900 R, F 900 XR മോഡലുകൾ മെയ് 21 ന് വിപണിയിലെത്തും

ബജാജ് ഡൊമിനാർ 400 ന്റെ വില വർധിപ്പിച്ചപ്പോൾ ശേഷി കുറഞ്ഞ ഡൊമിനാർ 250 മുമ്പത്തെപ്പോലെ 1.60 ലക്ഷം രൂപയ്ക്ക് വിൽക്കുന്നത് തുടരുന്നു. ഇതിന് ഉടൻ വില ഉയർച്ച ലഭിക്കില്ലെന്നാണ് കമ്പനി വൃത്തങ്ങൾ സൂചിപ്പിക്കുന്നത്. കാരണം ഈ വർഷം മാർച്ചിലാണ് മോഡൽ ക്വാർട്ടർ ലിറ്റർ ശ്രേണിയിലേക്ക് പ്രവേശിക്കുന്നത്.

മറ്റൊരു വാർത്തയിൽ ബജാജ് പൾസർ RS400 മോഡലിലും പ്രവർത്തിക്കുന്നുണ്ട്. നിലവിൽ ഇന്ത്യൻ വിപണിയിൽ ലഭ്യമായ RS200 പതിപ്പിന്റെ ശേഷി കൂടിയ മോഡലാണിത്. എന്നാൽ ഓഗസ്റ്റിൽ ഇന്തോനേഷ്യയിൽ ആയിരിക്കും മോട്ടോർസൈക്കിൾ ആദ്യം ഇടംപിടിക്കുക.