ബിഎസ്-VI ഹോണ്ട ലിവോ വിപണിയിൽ, പ്രാരംഭ വില 69,422 രൂപ

ലിവോയുടെ സ്പോർട്ടി സ്വഭാവത്തെ എടുത്തുകാണിക്കുന്ന ചീസിൽഡ് ടാങ്ക് ആവരണം, പുതുക്കിയ ഡിജിറ്റൽ അനലോഗ് മീറ്റർ, മോഡേൺ ഫ്രണ്ട് വൈസർ, ടാങ്ക് ഡിസൈൻ എന്നിവ ബൈക്കിലെ പുതിയ പുനരവലോകനങ്ങളിൽ ഉൾപ്പെടുന്നു.

മുമ്പത്തെ ഡ്യുവൽ ക്ലോക്ക് യൂണിറ്റിനെ മാറ്റിസ്ഥാപിച്ച തീർത്തും പുതിയ സെമി ഡിജിറ്റൽ മീറ്റർ കൺസോളിന്റെ രൂപത്തിൽ ഒരു പ്രധാന നവീകരണം കാണാം. ഏറ്റവും പുതിയ കൺസോളിന് ഇടതുവശത്ത് ഒരു അനലോഗ് സ്പീഡോമീറ്റർ ലഭിക്കുന്നു. വലതുവശത്ത് ഒരു ഡിജിറ്റൽ സ്ക്രീനാണ് ഹോണ്ട നൽകിയിരിക്കുന്നത്.

MOST READ: ഹോര്‍നെറ്റിനെ കൈവിടാതെ ഹോണ്ട; ബിഎസ് VI പതിപ്പിന്റെ അരങ്ങേറ്റം ഉടന്‍

ഫ്യുവൽ ലിവർ ബാറുകൾ, സമയം, സർവീസ് ഓർമ്മപ്പെടുത്തൽ, മൊത്തം യാത്ര എന്നിവയും അതിലേറെയും പോലുള്ള വിവരങ്ങളാണ് ഡിജിറ്റൽ സ്‌ക്രീൻ പ്രദർശിപ്പിക്കുന്നത്.

ഡിസി ഹെഡ്‌ലാമ്പ്, എഞ്ചിൻ സ്റ്റാർട്ട് / സ്റ്റോപ്പ് സ്വിച്ച്, ഇന്റഗ്രേറ്റഡ് ഹെഡ്‌ലാമ്പ് ബീം, പാസിംഗ് സ്വിച്ച് എന്നിവ പോലുള്ള പുതിയ സുഖസൗകര്യങ്ങളും സവിശേഷതകളും ബിഎസ്-VI ഹോണ്ട ലിവോയിൽ ഉൾക്കൊള്ളുന്നു.

MOST READ: ബിഎസ് VI നിരയിലേക്ക് എക്‌സ്‌ബ്ലേഡ് 160 എത്തുന്നു; അരങ്ങേറ്റം ഉടനെന്ന് ഹോണ്ട

5-ഘട്ടമായി ക്രമീകരിക്കാവുന്ന റിയർ സസ്പെൻഷൻ, ദൈർഘ്യമേറിയതും കൂടുതൽ സുഖപ്രദവുമായ സീറ്റ്, ഓപ്ഷണൽ ഡിസ്ക് ബ്രേക്ക് വേരിയന്റ് എന്നിവയും ഹോണ്ട നൽകിയിട്ടുണ്ട്. കോമ്പി-ബ്രേക്കിംഗ് സിസ്റ്റം എല്ലാ വേരിയന്റുകളിലും സ്റ്റാൻഡേർഡ് ഫിറ്റ്മെന്റാണ്.

പുതിയ ലിവോ ബിഎസ്-VI ന് ഹോണ്ട ഇക്കോ ടെക്നോളജിയുള്ള 110 സിസി PGM-FI HET എഞ്ചിൻ ലഭിക്കുന്നു. ഇത് മെച്ചപ്പെടുത്തിയ സ്മാർട്ട് പവർ (eSP) വാഗ്‌ദാനം ചെയ്യുന്നു.

MOST READ: ബിഎസ് VI ഗ്രാസിയ 125 അവതരിപ്പിച്ച് ഹോണ്ട; വില 73,336 രൂപ

അത്‌ലറ്റിക് ബ്ലൂ മെറ്റാലിക്, മാറ്റ് ആക്സിസ് ഗ്രേ മെറ്റാലിക്, ഇംപീരിയൽ റെഡ് മെറ്റാലിക്, ബ്ലാക്ക് എന്നീ നാല് കളർ ഓപ്ഷനുകളിൽ പുതിയ ലിവോ ലഭ്യമാകും. ലിവോ ബിഎസ്-VI കംപ്ലയിന്റ് പതിപ്പിൽ ഹോണ്ട പ്രത്യേക ആറ് വർഷത്തെ വാറന്റി പാക്കേജും വാഗ്‌ദാനം ചെയ്യുന്നുണ്ട്.

ബജാജ് പ്ലാറ്റിന 110 H-ഗിയർ, ഹീറോ സ്പ്ലെൻഡർ ഐസ്മാർട്ട്, ടിവിഎസ് സ്പോർട്ട്, ഹോണ്ടയുടെ സ്വന്തം സിഡി 110 ഡ്രീം എന്നിവയാണ് ഈ 110 സിസി വിഭാഗത്തിലെ മറ്റ് പ്രധാന മോട്ടോർസൈക്കിളുകൾ.