നിരത്തുകളിലെ രാജാവാകാൻ ഹോണ്ട ഹൈനസ് CB350; ഡെലിവറി ആരംഭിച്ച് ഹോണ്ട

ഹോണ്ടയുടെ ബിഗ് വിംഗ് പ്രീമിയം ഡീലർഷിപ്പുകളിലൂടെയാണ് ഹൈനസ് CB350-യുടെ വിൽപ്പന നടക്കുന്നത്. നിലവിൽ ഇന്ത്യക്കായി മാത്രം വികസിപ്പിച്ചെടുത്ത ഈ ക്രൂയിസർ മോട്ടോർസൈക്കിൾ ഭാവിയിൽ മറ്റ് വിപണികളിലേക്കും കയറ്റുമതി ചെയ്യുമെന്ന് കമ്പനി വ്യക്തമാക്കിയിട്ടുണ്ട്.

350-500 സിസി മോഡേൺ ക്ലാസിക് സെഗ്മെന്റിൽ റോയൽ എൻഫീൽഡ് ക്ലാസിക് 350, ജാവ മോട്ടോർസൈക്കിൾസ്, ബെനലി ഇംപെരിയാലെ 400 എന്നിവയ്‌ക്കെതിരെയാണ് ഹൈനസ് മാറ്റുരയ്ക്കുന്നത്. 1.85 ലക്ഷം മുതൽ 1.90 ലക്ഷം രൂപ വരെയാണ് ഹോണ്ടയുടെ ബൈക്കിന്റെ എക്സ്ഷോറൂം വില.

MOST READ: KUV100 NXT ഡ്യുവല്‍ ടോണ്‍ പതിപ്പ് അവതരിപ്പിച്ച് മഹീന്ദ്ര; വില 7.35 ലക്ഷം രൂപ

ബ്ലൂടൂത്ത് കണക്റ്റിവിറ്റി സവിശേഷതയും ഡ്യുവൽ ടോൺ പെയിന്റ് സ്കീമും ഉള്ള DLX പ്രോ വേരിയന്റിനായാണ് 1.90 ലക്ഷം മുടക്കേണ്ടി വരിക. പ്രോ പതിപ്പ് ഡ്യുവൽ-ടോൺ പെയിന്റ് ഓപ്ഷനുകൾ, ടു-യൂണിറ്റ് ഹോൺ, ഹോണ്ട സ്മാർട്ട്ഫോൺ വോയ്‌സ് കൺട്രോൾ സിസ്റ്റം എന്നീ പ്രധാന സവിശേഷതകളെല്ലാം വാഗ്‌ദാനം ചെയ്യും.

കൂടാതെ ഹോണ്ട അതിന്റെ മറ്റ് ഓഫറുകളെപ്പോലെ CB350 പതിപ്പിനും ആറ് വർഷത്തെ വാറന്റി കാലയളവ് വാഗ്ദാനം ചെയ്യുന്നുണ്ട്. അതിൽ മൂന്ന് വർഷത്തെ സ്റ്റാൻഡേർഡ് വാറണ്ടിയും മൂന്ന് വർഷത്തെ വിപുലീകൃത വാറണ്ടിയുമാണ് ഉൾപ്പെടുന്നത്.

MOST READ: ഹോര്‍നെറ്റ് 2.0 അടിസ്ഥാനമാക്കി ചെറിയ അഡ്വഞ്ചര്‍ ബൈക്ക് അവതരിപ്പിക്കാനൊരുങ്ങി ഹോണ്ട

പുതിയ 348 സിസി സിംഗിൾ സിലിണ്ടർ എഞ്ചിനാണ് ഹോണ്ട ഹൈനസിന് കരുത്തേകുന്നത്. ഇത് 20.78 bhp പവറിൽ 30 Nm torque ഉത്പാദിപ്പിക്കാൻ ശേഷിയുള്ളതാണ്. സ്ലിപ്പർ ക്ലച്ചും ജോടിയാക്കിയ അഞ്ച് സ്പീഡാണ് ഗിയർബോക്‌സ്.

പരിഷ്കരിച്ചതും സുഗമവുമായ സവാരി അനുഭവത്തിലേക്ക് വിവർത്തനം ചെയ്യുന്നതിനായി ഒരു കൗണ്ടർ ബാലൻസറുമായാണ് എഞ്ചിൻ വരുന്നത്. ഹോണ്ടയുടെ CB1100EX ൽ നിന്ന് പ്രചോദനമുൾക്കൊണ്ട ഡിസൈനാണ് ഹൈനസിന്റെ പ്രധാന ആകർഷണം.

MOST READ: പ്രതിമാസ വിൽപ്പനയിൽ ബജാജ് ചേതക്കിനും മുന്നേറ്റം

ഡ്യുപ്ലെക്സ് ഡബിൾ ക്രാഡിൾ ചാസിയെ അടിസ്ഥാനമാക്കി നിർമിച്ചിരിക്കുന്ന ക്രൂയിസറിന് വെറും 181 കിലോഗ്രാം ഭാരം മാത്രമാണുള്ളത്. മുൻവശത്ത് ടെലിസ്‌കോപ്പിക് ഫോർക്കുകളും പിന്നിൽ ഇരട്ട ഹൈഡ്രോളിക് ഷോക്കുകളുമാണ് സസ്പെൻഷൻ ഡ്യൂട്ടികൾ കൈകാര്യം ചെയ്യുന്നത്.

സ്റ്റാൻഡേർഡായി ഡ്യുവൽ-ചാനൽ എബിഎസ് ലഭിക്കുന്ന CB350 മോഡലിന്റെ ബ്രേക്കിംഗിനായി മുൻവശത്ത് 310 mm ഡിസ്കും പിൻവശത്ത് 240 mm ഡിസ്കും ഹോണ്ട ഉപയോഗിക്കുന്നു. 19 ഇഞ്ച് അലോയ് വീൽ മുൻവശത്തും പിന്നിൽ 18 ഇഞ്ച് യൂണിറ്റുമാണ് നൽകിയിരിക്കുന്നത്.