ഹൈനസിന്റെ ഔദ്യോഗിക ആക്സസറികൾ അവതരിപ്പിച്ച് ഹോണ്ട

ഹൈനസ് CB 350 -യുടെ അപ്പീൽ വർധിപ്പിക്കുന്നതിന് കമ്പനി ഔദ്യോഗിക ആക്‌സസറികളുടെ ഒരു ശ്രേണി ഇപ്പോൾ പുറത്തിറക്കിയിരിക്കുകയാണ്.

മോട്ടോർസൈക്കിളിനെ കൂടുതൽ പ്രായോഗിക ദീർഘദൂര ടൂററാക്കുകയെന്ന ലക്ഷ്യത്തോടെയാണ് ആക്‌സസറികൾ ഒരുക്കിയിരിക്കുന്നത്. അഭിനവ് ഭട്ട് അപ്പ്ലോഡ് ചെയ്തിരിക്കുന്ന വീഡിയോ ഹോണ്ട CB 350 -യുടെ എല്ലാ ഔദ്യോഗിക ആക്സസറികളും വിശദമായി വിവരിക്കുന്നു.

MOST READ: കൂടുതൽ പരിചയപ്പെടാം; പുതുക്കിയ ഹാരിയറിന്റെ പരസ്യ വീഡിയോ പങ്കുവെച്ച് ടാറ്റ

ആക്‌സസറീസ് ലിസ്റ്റിലെ ആദ്യ ഇനം 375 രൂപ വിലയുള്ള സൈഡ് സ്റ്റാൻഡ് കിറ്റാണ്, എന്നാൽ സ്റ്റോക്ക് ബൈക്കിൽ തന്നെ ഒരെണ്ണം സജ്ജീകരിച്ചിട്ടുണ്ടെന്ന കാര്യം ശ്രദ്ധിക്കേണ്ടതാണ്.

അത്യാവശ്യ ആക്‌സസറികളിലൊന്നായ ക്ലാസിക് ബട്ടർഫ്ലൈ-ടൈപ്പ് ക്രാഷ് ഗാർഡുകൾക്ക് 1,234 രൂപ വിലയുണ്ട്, അവ കറുത്ത നിറത്തിലാണ് പൂർത്തിയാക്കിയിരിക്കുന്നത്.

MOST READ: സോനെറ്റിന്റെ കയറ്റുമതിയും ആരംഭിച്ച് കിയ; ഇന്ത്യയിൽ ബുക്കിംഗ് കാലയളവ് 10 ആഴ്ച്ചയോളം

ഒരു ജോടി റബ്ബർ ഫോർക്ക് ഗെയ്‌റ്ററുകളുടെ വില 581 രൂപയാണ്. ടെലിസ്കോപ്പിക് ഫ്രണ്ട് ഫോർക്കുകൾക്ക് ഡസ്റ്റ് പ്രൊട്ടക്ഷൻ നൽകുന്നതിനൊപ്പം, മോട്ടോർസൈക്കിളിന്റെ ക്ലാസിക് ആകർഷണം വർധിപ്പിക്കുന്നതിന് ഇവ സഹായിക്കുന്നു.

പന്നിയേർസിനെ പിന്തുണയ്ക്കുന്നതിനുള്ള സാഡിൽ സ്റ്റേ ബാറുകൾക്ക് ഒരു വശത്തിന് 643 രൂപയും മറുവശത്തിന് 697 രൂപയുമാണ് വില. ഹോണ്ടയുടെ ഔദ്യോഗിക ആക്‌സസറീസ് പട്ടികയിൽ സാഡിൽ സ്റ്റേയ്‌ക്കൊപ്പം ബ്രാൻഡഡ് പന്നിയേഴ്‌സ് ഉൾപ്പെടുന്നില്ല എന്നതാണ് രസകരമായ ഒരു കാര്യം.

MOST READ: വരാനിരിക്കുന്ന നിസാൻ മാഗ്നൈറ്റിന്റെ അഞ്ച് സെഗ്മെന്റ ഫസ്റ്റ് ഫീച്ചറുകൾ

റബ്ബർ സർഫസുള്ള ഫ്യുവൽ ടാങ്ക് പ്രൊട്ടക്ടറിന് 309 രൂപയും എഞ്ചിൻ ലോവർ പൈപ്പ് ഗാർഡിന് 465 രൂപയുമാണ് വില. ഓപ്ഷണൽ ടു-പീസ് സീറ്റുകൾക്ക് ഏറ്റവും വിലകൂടിയ ആക്സസറിയാണ്, ഇവയ്ക്ക് 3,705 രൂപ വിലമതിക്കുന്നു. ബ്രൗൺ, ബ്ലാക്ക് കളർ ഓപ്ഷനുകളിൽ ഇവ ലഭ്യമാണ്, സ്പ്ലിറ്റ്-സീറ്റ് സജ്ജീകരണം പില്യൻ സീറ്റ് നീക്കംചെയ്യാൻ ഉടമകളെ അനുവദിക്കുന്നു.

ഹോണ്ട ഹൈനസ് CB 350 -ക്ക് 348.3 സിസി എയർ-കൂൾഡ്, സിംഗിൾ സിലിണ്ടർ എഞ്ചിനാണുള്ളത്, ഇത് 20.8 bhp കരുത്തും 30 Nm torque ഉം ഉത്പാദിപ്പിക്കുന്നതിന് ട്യൂൺ ചെയ്തിരിക്കുന്നു. സ്ലിപ്പർ ക്ലച്ച് വഴി എഞ്ചിൻ അഞ്ച് സ്പീഡ് ഗിയർബോക്സുമായി എഞ്ചിൻ ഇണചേരുന്നു. മോട്ടോർസൈക്കിളിന് 181 കിലോഗ്രാമാണ് ഭാരം.

MOST READ: ഇന്ത്യയില്‍ പരീക്ഷണയോട്ടം ആരംഭിച്ച് റെനോ സോയി ഇലക്ട്രിക്; സ്‌പൈ ചിത്രങ്ങള്‍

പരമ്പരാഗത ഫ്രണ്ട് ടെലിസ്‌കോപ്പിക് ഫോർക്കുകൾ, ട്വിൻ ഷോക്ക് അബ്സോർബറുകൾ എന്നിവ ക്ലാസിക് റോഡ്സ്റ്ററിൽ സജ്ജീകരിച്ചിട്ടുണ്ടെങ്കിലും എൽഇഡി ഹെഡ്ലൈറ്റുകൾ, ബ്ലൂടൂത്ത് പ്രവർത്തനക്ഷമമാക്കിയ ടേൺ-ബൈ-ടേൺ നാവിഗേഷൻ, സ്മാർട്ട്‌ഫോൺ വോയ്‌സ് കൺട്രോൾ എന്നിവ ഉൾക്കൊള്ളുന്നു.

ഫ്രണ്ട്, റിയർ ഡിസ്ക് ബ്രേക്കുകളെ ഡ്യുവൽ-ചാനൽ ABS പിന്തുണയ്ക്കുന്നു, കൂടാതെ മോട്ടോർസൈക്കിളിന് തെരഞ്ഞെടുക്കാവുന്ന ടോർക്ക് കൺട്രോൾ സിസ്റ്റവുമുണ്ട്.

ഹോണ്ട ഹൈനസ് CB 350 അടിസ്ഥാന DLX വേരിയന്റിന് 1.85 ലക്ഷം രൂപയും DLX പ്രോ വേരിയന്റിന് 1.90 ലക്ഷവും രൂപയുമാണ് എക്സ്-ഷോറൂം വില. റോയൽ എൻഫീൽഡും ജാവയുമാണ് ഹൈനസിന്റെ പ്രധാന എതിരാളികൾ.