CD 110 ഡ്രീം ബിഎസ് VI പതിപ്പ് പുറത്തിറക്കി ഹോണ്ട

ഈ വിലനിലവാരത്തിൽ, ബിഎസ് VI മോഡലിന് അതിന്റെ ബിഎസ് IV പതിപ്പിനേക്കാൾ 12,000 രൂപ കൂടുതലാണ്. പരിഷ്കരിച്ച എൻ‌ട്രി ലെവൽ കമ്മ്യൂട്ടർ ഡീലക്സ് പതിപ്പിലും വരുന്നുണ്ടെന്ന് ഹോണ്ട അറിയിച്ചു. എന്നാൽ ഇതിന്റെ വില നിർമ്മാതാക്കൾ ഇതുവരെ വെളിപ്പെടുത്തിയിട്ടില്ല.

മോട്ടോർസൈക്കിളിലെ ഏറ്റവും വലിയ മാറ്റം പുതിയ 110 സിസി, സിംഗിൾ സിലിണ്ടർ, ഫ്യുവൽ ഇൻജക്റ്റഡ് എഞ്ചിനാണ്. പവർ കണക്കുകൾ ഹോണ്ട വെളിപ്പെടുത്തിയിട്ടില്ലെങ്കിലും, കൂടുതൽ ഇന്ധനക്ഷമതയുള്ളതായിരിക്കും പുതിയ എഞ്ചിൻ എന്ന് വിശ്വസിക്കുന്നു.

MOST READ: തിരിച്ചുവരവിന്റെ പ്രതീക്ഷ നല്‍കി ഹ്യുണ്ടായി; പുതിയ ക്രെറ്റ, വേര്‍ണ മോഡലുകള്‍ക്ക് ആവശ്യക്കാര്‍

ഇതൊരു അപ്‌ഡേറ്റുചെയ്‌ത പതിപ്പാണോ അല്ലെങ്കിൽ ഹോണ്ട മറ്റ് നിരവധി ബിഎസ് VI ഉൽ‌പ്പന്നങ്ങൾ‌ ചെയ്‌തതുപോലെ ഒരു പുതിയ എഞ്ചിനാണോ എന്നത് പൂർണ്ണമായ സവിശേഷതകൾ‌ പുറത്തിറങ്ങുമ്പോൾ‌ മാത്രമേ അറിയാൻ കഴിയൂ. മറ്റ് ബിഎസ് VI ഹോണ്ട ബൈക്കുകളെപ്പോലെ, 2020 CD 110 ഡ്രീമിന് ബിഎസ് VI ഹോണ്ട ആക്റ്റിവ 125 -ൽ ആദ്യമായി അരങ്ങേറ്റം കുറിച്ച സൈലന്റ്-സ്റ്റാർട്ട് സവിശേഷത ലഭിക്കുന്നു.

ഹോണ്ട SP 125 മോഡലിന് സമാനമായ ഒരു പുതിയ സ്റ്റാർട്ടർ ബട്ടണും CD 110 ഡ്രീമിന് ലഭിക്കുന്നു. മറ്റ് മാറ്റങ്ങളിൽ DC പവറിൽ പ്രവർത്തിക്കുന്ന ഹെഡ്ലൈറ്റ് ഉൾപ്പെടുന്നു.

MOST READ: ജാസിനെ പിൻവലിക്കാനൊരുങ്ങി ഹോണ്ട; സിറ്റി ഹാച്ച്ബാക്ക് പരീക്ഷണയോട്ടം ആരംഭിച്ചു

ഇത് AC പവറിൽ പലപ്പോഴും ഏറ്റക്കുറച്ചിലിന് വിധേയമാവുന്ന പ്രശ്നങ്ങളിൽ നിന്ന് ഒരു പരിഹാരം നൽകുന്നു. ചെറിയ പട്ടണങ്ങളിലും ഗ്രാമങ്ങളിലും മങ്ങിയ വെളിച്ചമുള്ള റോഡുകളിൽ ഇത് പ്രത്യേകിച്ചും ഉപയോഗപ്രദമാണ്. കൂടാതെ ബൈക്കിന് ഒടുവിൽ പാസ് ലൈറ്റ് സ്വിച്ചും ലഭിക്കുന്നു.

ഹോണ്ട ബൈക്കിന്റെ സ്റ്റൈലിംഗും അപ്‌ഡേറ്റുചെയ്‌തു. ചെറുതായി പുനർ‌രൂപകൽപ്പന ചെയ്ത ബോഡി വർക്ക്, പുതിയ ഗ്രാഫിക്സ്, ഒരു ക്രോം എക്‌സ്‌ഹോസ്റ്റ് ഷീൽഡ്, ബോഡി-കളർ മിററുകൾ, അലോയി വീലുകൾ എന്നിവ ഇപ്പോൾ ബൈക്കിന് ലഭിക്കുന്നു. സീറ്റിന് ഇപ്പോൾ 15 mm അധിക നീളമുണ്ടെന്നും കമ്പനി വ്യക്തമാക്കി.

MOST READ: ഫീച്ചർ പരിഷ്ക്കരണങ്ങൾക്ക് വിധേയമായി കിയ സെൽറ്റോസ്, പുതിയ മാറ്റങ്ങൾ ഇവ

നിലവിൽ വിലനിർണ്ണയവും സവിശേഷതകളുടെ പട്ടികയുടേയും കാര്യത്തിൽ ഡീലക്സ് പതിപ്പും സ്റ്റാൻഡേർഡും തമ്മിലുള്ള വ്യത്യാസത്തെക്കുറിച്ച് വ്യക്തമായ അറിവ് ലഭിച്ചിട്ടില്ല.

സവിശേഷതകളോടൊപ്പം ഹോണ്ട ഈ വിവരങ്ങളും ഔദ്യോഗിക വെബ്‌സൈറ്റിൽ ഉടൻ വെളിപ്പെടുത്തുമെന്ന് ഞങ്ങൾ പ്രതീക്ഷിക്കുന്നു. ഹീറോ സ്പ്ലെൻഡർ പ്ലസ്, ടിവിഎസ് റേഡിയോൺ, ബജാജ് CT 110 എന്നിവയാണ് CD 110 ഡ്രീമിന്റെ പ്രധാന എതിരാളികൾ.