ഹാർലിയുടെ പിൻമാറ്റം; രാജ്യത്ത് പുത്തൻ അവസരങ്ങൾ മുന്നിൽ കണ്ട് ഇന്ത്യൻ മോട്ടോർസൈക്കിൾ

ഹാർലി-ഡേവിഡ്‌സന്റെ നിലവിലുള്ള സാമ്പത്തിക പ്രശ്നങ്ങൾ മൂലം ഇന്ത്യയിലെ പ്രവർത്തനങ്ങൾ അടച്ചുപൂട്ടുന്നതിനുള്ള പ്രഖ്യാപനത്തിനിടയാക്കിയപ്പോൾ, അമേരിക്കയിൽ നിന്നുള്ള മറ്റ് എതിരാളികൾ സ്വയം മെച്ചപ്പെട്ട രീതിയിൽ പ്രവർത്തിക്കുന്നു.

ഹാർലിയേക്കാൾ വളരെ ചെറുതാണെങ്കിലും, ഇന്ത്യൻ മോട്ടോർസൈക്കിളുകൾ അമേരിക്കൻ ബ്രാൻഡിന്റെ ഏറ്റവും അടുത്ത എതിരാളിയാണ്, അതിന്റെ മാതൃ കമ്പനിയായ പോളാരിസ് ലോകമെമ്പാടും റെക്കോർഡ് വിൽപ്പന കൈവരിച്ചു.

MOST READ: 2021 ഫോർച്ച്യൂണർ TRD സ്‌പോർടിവോ ഫെയ്‌സ്‌ലിഫ്റ്റ്‌ അവതരിപ്പിച്ച് ടൊയോട്ട

കൊവിഡ് കാലഘട്ടത്തിൽ വിനോദ വാഹനങ്ങൾ തിരയുന്ന ആളുകളിൽ വൻ കുതിച്ചുചാട്ടത്തിന് നന്ദി പറഞ്ഞാണ് പോളാരിസിന്റെ വിജയം, നിലവിൽ കമ്പനി വർധിച്ചുവരുന്ന ഡിമാൻഡ് നിറവേറ്റുന്നതിൽ വിഷമിക്കുകയാണ്.

കമ്പനി ഇന്ത്യൻ വിപണിയിൽ പ്രതിജ്ഞാബദ്ധരാണെന്ന് പോളാരിസ് ഇന്ത്യ കൺട്രി മാനേജർ ലളിത് ശർമ പറയുന്നു. ലോകമെമ്പാടുമുള്ള പോളാരിസിന്റെ ബിസിനസുകൾക്ക് സേവനം നൽകുന്ന 150 ഓളം ഐടി എഞ്ചിനീയർമാരെ ബെംഗളൂരുവിൽ കമ്പനി ഇതിനകം നിയമിച്ചിട്ടുണ്ടെന്ന് ശർമ്മ ചൂണ്ടിക്കാട്ടി.

MOST READ: പോളോ, വെന്റോ മോഡലുകള്‍ക്ക് സ്‌പെഷ്യല്‍ എഡിഷന്‍ മോഡലുമായി ഫോക്‌സ്‌വാഗണ്‍

കൂടാതെ, കോയമ്പത്തൂർ ആസ്ഥാനമായി പ്രവർത്തിക്കുന്ന ഒരു സോഴ്‌സിംഗ് ഓഫീസും കമ്പനിക്ക് ഉണ്ട്, അത് ആഗോള വ്യവസായത്തിനും സേവനം നൽകുന്നു. ഇന്ത്യൻ സായുധ സേനയുടെ ATV, സൈഡ് ബൈ സൈഡ്, സ്നോ‌മൊബൈൽ റേഞ്ചുകൾ എന്നിവയും പോളാരിസ് നൽകുന്നു.

മോട്ടോർസൈക്കിളുകളെ സംബന്ധിച്ചിടത്തോളം, ഹാർലി-ഡേവിഡ്‌സൺ ഇന്ത്യ ബിസിനസിൽ സംഭവിച്ചത് നിർഭാഗ്യകരമാണെന്ന് ശർമ്മ പറയുന്നു, പക്ഷേ ഇത് പോളാരിസിനുള്ള അവസരമാണെന്ന് നിസ്സംശയം പറയാം എന്നും അദ്ദേഹം ചൂണ്ടിക്കാട്ടുന്നു.

MOST READ: ഹ്യുണ്ടായിയുടെ ആഢംബര ബ്രാൻഡായ ജെനസിസ് ഇന്ത്യയിലേക്ക് എത്തുന്നത് ഇലക്‌ട്രിക് കാറുകളുമായി

ഹാർലി പിൻവാങ്ങുന്ന വാർത്തകൾ പൊട്ടിപ്പുറപ്പെട്ടതുമുതൽ കമ്പനി ബുക്കിംഗിൽ വർധനവ് രേഖപ്പെടുത്തിയെന്നും അദ്ദേഹം പറഞ്ഞു. ആധികാരിക അമേരിക്കൻ-സ്റ്റൈൽ, വലിയ V-ട്വിൻ ക്രൂയിസറുകൾക്കുള്ള മറ്റൊരു ഓപ്ഷൻ ഇന്ത്യൻ മോട്ടോർസൈക്കിളുകൾ മാത്രമാണ് എന്നതിനാൽ ഇതിൽ അതിശയിക്കാനൊന്നുമില്ല.

പോളാരിസ് ഇന്ത്യൻ മോട്ടോർസൈക്കിൾ ഡീലർ ശൃംഖല വികസിപ്പിക്കില്ല. ഇപ്പോഴത്തെ പ്രീമിയം മോട്ടോർസൈക്കിൾ ശ്രേണിയുടെ സേവനത്തിനായി നിലവിൽ സംസ്ഥാന തലസ്ഥാനങ്ങളിലായി വ്യാപിച്ചിരിക്കുന്ന എട്ട് ഡീലർമാർ മത് എന്ന് കമ്പനി വിശ്വസിക്കുന്നു.

MOST READ: കാത്തിരിപ്പിന് വിരാമം; പുതിയ എൻട്രി ലെവൽ Q2 എസ്‌യുവി പുറത്തിറക്കി ഔഡി

ഹാർലി-ഡേവിഡ്സൺ ഇന്ത്യ ഔദ്യോഗികമായി ബിസിനസ്സ് അവസാനിപ്പിച്ചിരിക്കെ, ഇതുവരെ പ്രഖ്യാപിച്ചിട്ടില്ലാത്ത ഇന്ത്യൻ പങ്കാളി വഴി ബൈക്കുകൾ CBU യൂണിറ്റുകളായി വിൽക്കുന്നത് തുടരാനുള്ള സാധ്യതയുണ്ട്.

ഇങ്ങനെ സംഭവിക്കുമോ എന്നത് നിലവിൽ വ്യക്തമല്ല, എന്നാൽ കമ്പനിയുടെ എല്ലാ ഡീലർഷിപ്പുകളും അവരുടെ കരാറുകളുടെ കാലാവധി വരെ തുറന്നു പ്രവർത്തിക്കും, കൂടാതെ ഇവയിൽ പലർക്കും ബിഎസ് VI ഹാർലി-ഡേവിഡ്സൺ മോട്ടോർസൈക്കിളുകൾ സ്റ്റോക്കുണ്ട്.

ഇന്ത്യൻ മോട്ടോർസൈക്കിളുകൾക്ക് ഇതുവരെ ബിഎസ് VI കംപ്ലയിന്റ് മോട്ടോർസൈക്കിളുകൾ വിൽപ്പനയ്ക്ക് വന്നിട്ടില്ല, എന്നാൽ 2020 ഡിസംബർ പകുതിയോടെ ഷോറൂമുകളിൽ ബിഎസ് VI കംപ്ലയിന്റ് ശ്രേണി എത്തിക്കാനാണ് കമ്പനി ഉദ്ദേശിക്കുന്നത്.

ഇതിൽ സ്കൗട്ട്, സ്കൗട്ട് ബോബർ, ചീഫ്ടെയിൻ, സ്പ്രിംഗ്ഫീൽഡ്, റോഡ് മാസ്റ്റർ മോഡലുകൾ ഉൾപ്പെടുന്നു. കൂടാതെ നിർമ്മാതാക്കൾ തങ്ങളുടെ പുതിയ ചലഞ്ചർ മോഡലും ഇന്ത്യയിലേക്ക് കൊണ്ടുവരുമെന്ന് ഞങ്ങൾ അടുത്തിടെ റിപ്പോർട്ട് ചെയ്തിരുന്നു, ഒരുപക്ഷേ അത് അല്പം വൈകിയേക്കാം.

ചലഞ്ചറിൽ ഒരു പുതിയ ലിക്വിഡ്-കൂൾഡ് മോട്ടോർ സവിശേഷതയുണ്ട്, അത് ഹാർലിയിലോ ഇന്ത്യൻ നിരയിലോ ഉള്ള എയർ-കൂൾഡ് V-ട്വിന്നുകളെക്കാൾ കൂടുതൽ ശക്തമാണ്.