ഹ്യുണ്ടായിയുടെ ആഢംബര ബ്രാൻഡായ ജെനസിസ് ഇന്ത്യയിലേക്ക് എത്തുന്നത് ഇലക്‌ട്രിക് കാറുകളുമായി

ഇന്ത്യയിലെ അഞ്ച് ജെനസിസ് ഇലക്ട്രിക് കാറുകൾക്കായുള്ള ട്രേഡ്‍‌മാർക്ക് സമർപ്പിച്ചതോടെയാണ് ജെനസിസിന്റെ ആഭ്യന്തര വിപണിയിലേക്കുള്ള അരങ്ങേറ്റത്തിന് സാധ്യത തെളിയുന്നത്.

eG80, eG90, eGV70, eGV80, eGV90 എന്നീ ഇലക്‌ട്രിക് കാറുകൾക്കായുള്ള ട്രേഡ്‍‌മാർക്കുകളാണ് ആഢംബര ബ്രാൻഡ് സമർപ്പിച്ചിച്ചിരിക്കുന്നത്. പേരിടൽ അനുസരിച്ച് ജെനസിസ് eG80, eG90 എന്നിവ ഇലക്ട്രിക് സെഡാനുകളായിരിക്കുമെന്ന് പ്രതീക്ഷിക്കുന്നു.

MOST READ: വാർഷിക ആഘോഷത്തിന്റെ ഭാഗമായി സെൽറ്റോസ് ആനിവേഴ്‌സറി എഡിഷൻ പുറത്തിറക്കി കിയ

അതേസമയം മറുവശത്ത് eGV70, eGV80, eGV90 എന്നിവ ഇലക്ട്രിക് എസ്‌യുവികളാകാൻ സാധ്യതയുണ്ട്. നിലവിൽ ജെനസിസ് വിപുലമായ ഇലക്ട്രിക് വാഹനങ്ങളിൽ പ്രവർത്തിച്ചുവരികയാണ്. ഇലക്ട്രിക്-ഗ്ലോബൽ മോഡുലാർ പ്ലാറ്റ്ഫോമാകും (E-GMP) വരാനിരിക്കുന്ന പുതിയ ഇലക്ട്രിക് വാഹനങ്ങൾക്ക് അടിസ്ഥാനമാവുക.

E-GMP പ്ലാറ്റ്‌ഫോമിൽ ഹ്യുണ്ടായി ഇലക്ട്രിക് കാറുകളുടെ അയോണിക് ശ്രേണിയും വികസിപ്പിക്കും. പുതിയ ശ്രേണിയിലുള്ള ഇലക്ട്രിക് വാഹനങ്ങൾ വികസിപ്പിക്കുന്നതിന് കിയ മോട്ടോർസും ഈ പ്ലാറ്റ്ഫോം ഉപയോഗിക്കും എന്നതാണ് ശ്രദ്ധേയം.

MOST READ: മുഖം മിനുക്കി ഇന്നോവ ക്രിസ്റ്റ; 2021 പതിപ്പിനെ വെളിപ്പെടുത്തി ടൊയോട്ട

ആഭ്യന്തര വിപണിയിലെ ഒരു മുൻനിര ബ്രാൻഡായി സ്ഥാനം ഉറപ്പിക്കാനാണ് ഇന്ത്യയിലെ ജെനസിസ് ബ്രാൻഡിനായുള്ള ഹ്യുണ്ടായിയുടെ പദ്ധതി.

പരമ്പരാഗത കമ്പഷൻ എഞ്ചിൻ ഉപയോഗിച്ച് പ്രവർത്തിക്കുന്ന ജെനസിസ് മോഡലുകൾ അല്ലെങ്കിൽ ഓൾ ഇലക്ട്രിക് ജെനസിസ് ശ്രേണികളും ഹ്യുണ്ടായിക്ക് അവതരിപ്പിക്കാനാകും.

MOST READ: പുതുമോടിയിലും കൂടുതല്‍ കരുത്തിലും ലാന്‍ഡ് റോവര്‍ ഡിഫെന്‍ഡര്‍; ഫസ്റ്റ് ലുക്ക് റിവ്യൂ

പുറത്തുവന്നിരിക്കുന്ന ഏറ്റവും പുതിയ ട്രേഡ്മാർക്ക് രേഖകളിലൂടെ ഹ്യുണ്ടായി ഓൾ ഇലക്ട്രിക് ശ്രേണികളോടെയും ജെനസിസ് ബ്രാൻഡിനെ ഇന്ത്യയിൽ അവതരിപ്പിക്കുമെന്ന് പ്രതീക്ഷിക്കുന്നു. മെർസിഡീസ് ബെൻസ്, ഔഡി, ജാഗ്വർ എന്നിവയുമായാകും ആഢംബര ബ്രാൻഡ് മത്സരിക്കുക.

വാസ്തവത്തിൽ ടെസ്‌ലയും അടുത്ത വർഷത്തോടെ ഇന്ത്യൻ വിപണിയിൽ പ്രവേശിക്കാൻ ഒരുങ്ങുന്നതോടെ മുൻനിര ഇലക്ട്രിക് വാഹന സെഗ്മെന്റ് കൂടുതൽ ശ്രദ്ധനേടും എന്നതിൽ സംശയമൊന്നും വേണ്ട.