15 വർഷത്തെ ചരിത്രം; ടിവിഎസ് നിരത്തിലെത്തിച്ചത് 40 ലക്ഷം അപ്പാച്ചെ സീരീസ് മോട്ടോർസൈക്കിളുകൾ

ടിവിഎസ് അപ്പാച്ചെ സീരീസിന് നേക്കഡ്, സൂപ്പർ സ്പോർട്സ് എന്നിങ്ങനെ രണ്ട് വിഭാഗങ്ങളുണ്ട്. അതിൽ RTR (റേസിംഗ് ത്രോട്ടിൽ‌ റെസ്പോൺ‌സ്) സീരീസ് 160, 160 4V, 180, RTR 200 4V എന്നിവയാണ് ഉൾപ്പെടുന്നത്.

സൂപ്പർ സ്‌പോർട്ട് സെഗ്‌മെന്റിൽ ടിവിഎസിന്റെ കരുത്താണ് റേസ് റെപ്ലിക്ക എന്ന പേരിനെ സൂചിക്കുന്ന RR310 പതിപ്പ്. ത്രോട്ടിൽ-ബൈ-വയർ ടെക്, നാല് റൈഡിംഗ് മോഡുകൾ, അത്യാധുനിക ടിവിഎസ് സ്മാർട്ട് കണക്റ്റ് പ്രവർത്തനക്ഷമമാക്കിയ 5 ഇഞ്ച് ടിഎഫ്ടി കളർ ഡിസ്പ്ലേ എന്നിവ ഈ ബൈക്കിന്റെ പ്രീമിയം നിലവാരം വർധിപ്പിക്കുന്നു.

MOST READ: സ്‌ക്രാംബ്ലര്‍ 1100 ഡാര്‍ക്ക് പ്രോയെ വെളിപ്പെടുത്തി ഡ്യുക്കാട്ടി

40 ലക്ഷം ആഗോള വിൽപ്പനയെന്ന നാഴികക്കല്ല് ടിവിഎസിന്റെ ഉത്‌പാദന വിഭാഗത്തിന് വളരെയധികം ആഹ്ളാദം പകരുന്ന ഒന്നാണ്. ടിവിഎസ് മോട്ടോർ കമ്പനി അപ്പാച്ചെ RTR 200 4V-യുടെ താങ്ങാനാവുന്ന വേരിയൻറ് പുറത്തിറക്കുമെന്ന് അടുത്തിടെ പ്രഖ്യാപിച്ചിരുന്നു.

പുതിയ പതിപ്പിൽ സൂപ്പർ-മോട്ടോ എബി‌എസ് പ്രവർ‌ത്തനക്ഷമതയുണ്ട്. സിംഗിൾ-ചാനൽ എ‌ബി‌എസാണ് ഇത് വാഗ്‌ദാനം ചെയ്യുന്നത്. ശ്രദ്ധേയമായ ബ്രേക്കിംഗ് നിയന്ത്രണത്തോടൊപ്പം അവിശ്വസനീയമായ സ്റ്റോപ്പിംഗ് പവർ ഈ സവിശേഷത അനുവദിക്കുന്നുവെന്ന് ടിവിഎസ് അവകാശപ്പെടുന്നു.

MOST READ: പുതിയ RS660 മിഡിൽവെയ്റ്റ് സൂപ്പർസ്‌പോർട്ട് മോട്ടോർസൈക്കിൾ പുറത്തിറക്കി അപ്രീലിയ

പുതിയ സിംഗിൾ-ചാനൽ എബിഎസ് വേരിയന്റിന് ഇരട്ട-ചാനൽ എബി‌എസ് മോഡലിനേക്കാൾ 5000 രൂപ കുറവാണ് എന്നതും ശ്രദ്ധേയമാണ്. പുതിയ സൂപ്പർ-മോട്ടോ എബി‌എസ് അപ്പാച്ചെ 200-ന് 1,23,500 രൂപയും ടോപ്പ് എൻഡ് RTR 200 4V മോഡലിന് 1,28,550 രൂപയുമാണ് എക്സ്ഷോറൂം വിലയായി മുടക്കേണ്ടത്.

197.75 സിസി, സിംഗിൾ സിലിണ്ടർ, ഫോർ-വാൽവ്, ഫ്യുവൽ-ഇഞ്ചക്ഷൻ എഞ്ചിനിൽ നിന്നാണ് അപ്പാച്ചെ RTR 200 4V കരുത്ത് ഉത്പാദിപ്പിക്കുന്നത്. ഇത് 8500 rpm-ൽ പരമാവധി 20.2 bhp പവറും 7,500 rpm-ൽ 6.8 Nm torque ഉം വികസിപ്പിക്കും.

MOST READ: ന്യൂറോണ്‍; റോയല്‍ എന്‍ഫീല്‍ഡിന് വെല്ലുവിളിയുമായി ബജാജ്

സ്റ്റാൻഡേർഡ് റേസ്-ട്യൂൺഡ് സ്ലിപ്പർ ക്ലച്ചുള്ള അഞ്ച് സ്പീഡ് ഗിയർബോക്സുമായാണ് എഞ്ചിൻ ജോടിയാക്കിയിരിക്കുന്നത്. സ്ലിപ്പർ ക്ലച്ച് ഉയർന്ന വേഗതയുള്ള ഡൗൺ‌ഷിഫ്റ്റുകളിൽ റൈഡർക്ക് സുരക്ഷ വാഗ്ദാനം ചെയ്യുന്നു, കോർണറിംഗ് സമയത്ത് വീൽ ഹോപ്പിംഗ് ഒഴിവാക്കുന്നു, ഒപ്പം വാഹനത്തിന്റെ സ്ഥിരതയും മെച്ചപ്പെടുത്തുന്നു.

ഈ മോട്ടോർ ഒരു റേസ്-ട്യൂൺഡ് ഫ്യുവൽ-ഇൻജെക്ടർ കൊണ്ട് സജ്ജീകരിച്ചിരിക്കുന്നതിനാൽ, അതിശയകരമായ പെർഫോമൻസാണ് വാഗ്‌ദാനം ചെയ്യുന്നത്. അപ്പാച്ചെ RTR 200 4V 'ഫെതർ ടച്ച്' സ്റ്റാർട്ടിംഗ്, പൂർണ-എൽഇഡി ഹെഡ്‌ലാമ്പ്, റിയർ വീൽ ലിഫ്റ്റ്-ഓഫ് പ്രൊട്ടക്ഷൻ (RLP), സ്റ്റാൻഡേർഡ് റേസ്-ട്യൂൺഡ് സ്ലിപ്പർ ക്ലച്ച് എന്നിവയും വാഗ്‌ദാനം ചെയ്യുന്നുണ്ട്.