Click it and Unblock the Notifications
അറുപതുകളുടെ തിളക്കം തിരികെ എത്തിച്ച് ഹാർലി-ഡേവിഡ്സൺ; 2021 ഇലക്ട്രാ ഗ്ലൈഡ് റിവൈവൽ വിപണിയിൽ
ഹാർലി-ഡേവിഡ്സൺ പുതിയ 2021 ഇലക്ട്രാ ഗ്ലൈഡ് റിവൈവൽ അന്താരാഷ്ട്ര വിപണിയിൽ അവതരിപ്പിച്ചു. കമ്പനിയുടെ ഐതിഹാസിക കളക്ഷന് കീഴിലുള്ള ആദ്യ മോഡലായി ഇത് സ്ഥാപിച്ചിരിക്കുന്നു.
ആഗോളതലത്തിൽ വെറും 1,500 യൂണിറ്റായി പരിമിതപ്പെടുത്തിയിരിക്കുന്ന ഒരു ലിമിറ്റഡ് ഉൽപ്പന്നമാണിത്. പുതിയ 2021 ഇലക്ട്രാ ഗ്ലൈഡ് റിവൈവൽ മോഡൽ മുൻകാലങ്ങളിൽ നിർമ്മാതാക്കൾ ടീസ് ചെയ്തിരുന്നു.
പുതിയ ഐതിഹാസിക കളക്ഷനിലെ ആദ്യ ഇൻസ്റ്റോൾമെന്റാണിത്. ഈ ഐതിഹാസിക കളക്ഷൻ വഴി പഴയ ക്ലാസിക് മോഡലുകൾ എല്ലാ വർഷവും കമ്പനി പുനരുജ്ജീവിപ്പിക്കും.
MOST READ: ക്രെറ്റക്ക് വീണ്ടും വില കൂട്ടി ഹ്യുണ്ടായി; പെട്രോൾ, ഡീസൽ വേരിയന്റുകളുടെ വർധനവ് ഇങ്ങനെ
2021 ഇലക്ട്രാ ഗ്ലൈഡ് റിവൈവൽ 60 -കളുടെ അവസാനത്തിലോ 70 -കളുടെ തുടക്കത്തിലോ ഉള്ള ക്ലാസിക് ബൈക്കിൽ നിന്ന് പ്രചോദനം ഉൾക്കൊള്ളുന്നു.
ടാങ്കിലെയും ഫ്രണ്ട് മഡ്ഗാർഡിലെയും ഇലക്ട്രാ ഗ്ലൈഡ് റിവൈവൽ ബാഡ്ജ് ഉൾക്കൊള്ളുന്ന കസ്റ്റം പെയിന്റ് സ്കീം മോട്ടോർസൈക്കിളിന് ലഭിക്കുന്നു.
മിനി-ഏപ്പ് ഹാൻഡിൽബാറുകൾ, രണ്ട് നീളമുള്ള എക്സ്ഹോസ്റ്റ് പൈപ്പുകൾ, വിൻഡ്ഷീൽഡ്, ക്രോം ഫിനിഷുള്ള മിററുകൾ, രണ്ട് സ്റ്റോറേജ് ബോക്സുകൾ എന്നിവ ബൈക്കിലെ മറ്റ് ബാഹ്യ സവിശേഷതകളാണ്.
കൂടാതെ, വൃത്താകൃതിയിലുള്ള ഹെഡ്ലൈറ്റും ടെയിൽ ലാമ്പും പോലുള്ള ഘടകങ്ങൾ അതിന്റെ റെട്രോ ക്ലാസിക് രൂപത്തിന് കാരണമാകുന്നു.
ബൂം ബോക്സ് GTS ഇൻഫോടെയ്ൻമെന്റ് സിസ്റ്റം, വോയ്സ് റെക്കഗ്നിഷൻ, 6.25 ഇഞ്ച് സ്ക്രീൻ, 5.25 ഇഞ്ച് സ്പീക്കർ എന്നിവ ബൈക്കിലെ ചില സാങ്കേതിക ബിറ്റുകളിൽ ഉൾപ്പെടുന്നു. കൂടാതെ ആപ്പിൾ കാർ പ്ലേ, FM, ബ്ലൂടൂത്ത്, യുഎസ്ബി തുടങ്ങിയ കണക്റ്റിവിറ്റി സവിശേഷതകളും ഇതിന് ലഭിക്കുന്നു.
യാന്ത്രികമായി, 1868 സിസി മിൽവാക്കി-എയിറ്റ് 114 യൂണിറ്റാണ് ഇതിന്റെ ഹൃദയം. 5,020 rpm -ൽ 95.6 bhp പരമാവധി കരുത്തും 3,250 rpm -ൽ 160 Nm torque ഉം പുറന്തള്ളാൻ എഞ്ചിന് കഴിയും. ഈ എഞ്ചിൻ ആറ് സ്പീഡ് ട്രാൻസ്മിഷൻ യൂണിറ്റുമായി ജോടിയാക്കിയിരിക്കുന്നു.
MOST READ: പൾസർ മോഡലുകൾക്ക് പുതിയ ഡാഗർ എഡ്ജ് എഡിഷൻ പതിപ്പുകൾ സമ്മാനിച്ച് ബജാജ്
വിലനിർണ്ണയത്തെ സംബന്ധിച്ചിടത്തോളം, ബൈക്കിന് 29,199 യുഎസ് ഡോളർ റീടെയിൽ വിലയാണ് കമ്പനി നൽകിയിട്ടുള്ളത്. ബൈക്ക് ഇന്ത്യൻ തീരത്ത് എത്തുമ്മോ എന്ന് ഇതുവരെ ബ്രാൻഡ് വ്യക്തമായിട്ടില്ല.
Continue with Google