വാറണ്ടിയും സൗജന്യ സർവീസ് കാലയളവും നീട്ടിനൽകി ഹോണ്ട

ഇപ്പോൾ ലോകത്തിലെ തന്നെ ഏറ്റവും വലിയ ഇരുചക്ര വാഹന നിർമാതാക്കളായ ഹോണ്ടയും തങ്ങളുടെ മോട്ടോർസൈക്കിളുകൾക്കും സ്കൂട്ടറുകൾക്കുമായി വാറണ്ടിയും സൗജന്യ സർവീസ് കാലയളവും നീട്ടി നൽകുന്നതായി പ്രഖ്യാപിച്ചിരിക്കുകയാണ്.

രാജ്യത്തുടനീളമാണ് ഈ സേവനം കമ്പനി ലഭ്യമാക്കിയിരിക്കുന്നത്. ഉപഭോക്താക്കളുടെയും തൊഴിലാളികളുടെയും സുരക്ഷയും ക്ഷേമവും ഉറപ്പാക്കുകയാണ് ഈ സംരംഭത്തിന്റെ ലക്ഷ്യം.

MOST READ: മാർക്ക് 2 ഇലക്‌ട്രിക് സ്കൂട്ടർ 2021 ഓഗസ്റ്റ് 15-ന് അവതരിപ്പിക്കുമെന്ന് സിമ്പിൾ എനർജി

മാത്രമല്ല ഈ വിപുലീകരണത്തിലൂടെ ലോക്ക്ഡൗൺ സാഹചര്യം കാരണം നഷ്ടപ്പെട്ടേക്കാവുന്ന വാറണ്ടിയുടെയും സൗജന്യ സേവനത്തിന്റെയും ആനുകൂല്യങ്ങൾ ഉപഭോക്താക്കൾക്ക് പിന്നീട് നേടാൻ കഴിയും.

ഇന്ത്യയിലെ എല്ലാ ഹോണ്ട ഉപഭോക്താക്കൾക്കും ഈ വിപുലീകരണം ബാധകമാകും. അവരുടെ വാഹനത്തിന്റെ സൗജന്യ സേവനം, വാറന്റി, വിപുലീകൃത വാറന്റി എന്നിവ 2021 ഏപ്രിൽ ഒന്നിനും മെയ് 31 നും ഇടയിൽ അവസാനിക്കുന്നവർക്കാകും മുൻഗണന.

MOST READ: ജനപ്രിയ കമ്മ്യൂട്ടർ മോഡലായ ഷൈന് ക്യാഷ്ബാക്കുകൾ പ്രഖ്യാപിച്ച് ഹോണ്ട

ഉപഭോക്താക്കൾക്ക് ആനുകൂല്യങ്ങൾ ജൂലൈ 31 വരെയാണ് നീട്ടിനൽകിയിരിക്കുന്നത്. രാജ്യത്തെ മിക്കവാറും എല്ലാ പ്രമുഖ കാറുകളും ഇരുചക്ര വാഹന നിർമാതാക്കളും സമാനമായ വെല്ലുവിളികൾ നേരിടുന്ന ഈ സമയത്ത് സമാനമായ വിപുലീകരണ പദ്ധതികൾ പ്രഖ്യാപിച്ചിട്ടുണ്ട്.

കൊവിഡ്-19 ന്റെ വ്യാപനവും അണുബാധയുടെ രണ്ടാമത്തെ തരംഗവും കുറയ്ക്കുന്നതിനായി കടുത്ത നിയന്ത്രണങ്ങളും ലോക്ക്ഡൗണുകളുമാണ് രാജ്യത്തിന്റെ വിവിധ സംസ്ഥാനങ്ങളിൽ പ്രഖ്യാപിച്ചിരിക്കുന്നത്. അതിനാൽ തന്നെ വർക്ക്‌ഷോപ്പുകളും ഡീലർഷിപ്പുകളും ഒന്നും തന്നെ ഇപ്പോൾ പ്രവർത്തിക്കുന്നില്ല.

MOST READ: യമഹ XSR 125 നിയോ റെട്രോ മോട്ടോർസൈക്കിളിന്റെ പ്രധാന ഹൈലൈറ്റുകൾ

കഴിഞ്ഞ വർഷം ദേശീയ ലോക്ക്ഡൗൺ കാരണം ഉത്പാദനവും വിൽപ്പനയും തകർന്നടിഞ്ഞെങ്കിലും കഴിഞ്ഞ വർഷത്തിന്റെ അവസാനത്തോടെ ഇന്ത്യൻ വാഹന വ്യവസായത്തിൽ നിന്ന് ശക്തമായ പുനരുജ്ജീവനമുണ്ടായി.

എന്നിരുന്നാലും, ഈ വർഷം വീണ്ടും ഇത്തരമൊരു സാഹചര്യത്തിലൂടെ കടന്നുപോകുന്നത് വാഹന വ്യവസായത്തെ കാര്യമായി തന്നെ ബാധിക്കുമെന്നാണ് കണക്കുകൂട്ടൽ. നിലവിൽ ദേശീയ ലോക്ക്ഡൗൺ ഇല്ലെങ്കിലും, കർശനമായ നിയന്ത്രണങ്ങൾ നടപ്പിലാക്കാൻ മിക്ക സംസ്ഥാനങ്ങളും ഇത്തരം തുടർനടപടികളിലൂടെ മുന്നോട്ടു പോവുകയാണ്.