Click it and Unblock the Notifications
ജനപ്രിയ കമ്മ്യൂട്ടർ മോഡലായ ഷൈന് ക്യാഷ്ബാക്കുകൾ പ്രഖ്യാപിച്ച് ഹോണ്ട
ഹോണ്ട ടു-വീലേർസ് ഇന്ത്യ അടുത്തിടെ രാജ്യത്ത് തങ്ങളുടെ ഉൽപ്പന്നങ്ങൾക്കായി ലാഭകരമായ ക്യാഷ്ബാക്ക് ഓഫറുകൾ അവതരിപ്പിച്ചിരിക്കുകയാണ്.
മുമ്പ്, ആക്ടിവ 6G, ഗ്രാസിയ 125, ഡിയോ ബിഎസ് VI എന്നിവയിൽ മാത്രമായിരുന്നു ക്യാഷ്ബാക്ക് ഓഫർ പ്രഖ്യാപിച്ചിരുന്നത്, എന്നാൽ ഇപ്പോൾ ഷൈൻ ബിഎസ് VI മോഡലും നിർമ്മാതാക്കൾ ഈ പട്ടികയിൽ ചേർത്തിരിക്കുകയാണ്.
ഏറ്റവും പുതിയ ഓഫറിന്റെ ഭാഗമായി, ഉപയോക്താക്കൾക്ക് 5.0 ശതമാനം ക്യാഷ്ബാക്ക് ലഭിക്കാൻ അർഹതയുണ്ട് (ഒരു കാർഡിന് 3,500 രൂപ വരെ). മുമ്പ് കണ്ടതുപോലെ, ഓഫർ OEM ഇടപാടുകളിൽ മാത്രമേ ബാധകമാകൂ.
SBI ക്രെഡിറ്റ് കാർഡ് ഉടമകൾക്ക് മാത്രമേ ക്യാഷ്ബാക്ക് ലഭിക്കൂ, ഈ ഓഫറിന് യോഗ്യത നേടുന്നതിനുള്ള ഏറ്റവും കുറഞ്ഞ ട്രാൻസാക്ഷൻ 40,000 രൂപയാണ്. 2021 മെയ് 1 മുതൽ ജൂൺ 30 വരെ മാത്രമാവും ഓഫർ സാധുവായി തുടരുന്നത്.
കമ്പനിയുടെ ശ്രദ്ധേയമായ വിൽപ്പനയ്ക്ക് കാരണമാകുന്ന ഷൈൻ ബിഎസ് VI അതിന്റെ വിഭാഗത്തിലെ ഏറ്റവും ജനപ്രിയ ബൈക്കുകളിൽ ഒന്നാണ്.
2006 അവസാനത്തോടെ പുറത്തിറങ്ങിയതിനുശേഷം 90 ലക്ഷം യൂണിറ്റ് വിൽപ്പനയുടെ നാഴികക്കല്ലാണ് ഷൈൻ നേടിയതെന്ന് 2020 -ന്റെ അവസാനത്തിൽ ഹോണ്ട പ്രഖ്യാപിച്ചിരുന്നു.
ഹോണ്ടയുടെ കണക്കനുസരിച്ച്, കഴിഞ്ഞ ദശകങ്ങളായി ഷൈൻ ഉന്നതിയിൽ നിന്ന് ഉന്നതിയിലേക്കാണ് പൊയ്കൊണ്ടിരിക്കുന്നത്. ആദ്യ ലോഞ്ചിന് ശേഷമുള്ള രണ്ട് വർഷത്തിനുള്ളിൽ ഏറ്റവും കൂടുതൽ വിറ്റഴിക്കപ്പെട്ട 125 സിസി മോട്ടോർസൈക്കിളായി ഇത് മാറിയിരുന്നു. 54 മാസത്തിനുള്ളിൽ ആദ്യത്തെ 10 ലക്ഷം ഉപഭോക്താക്കളേയും കമ്മ്യൂട്ടർ ബൈക്ക് കണ്ടെത്തി.
നിലവിൽ, ഷൈൻ ബിഎസ് VI ഡ്രം, ഡിസ്ക് എന്നീ രണ്ട് വേരിയന്റുകളിൽ ലഭ്യമാണ്. ബേസ് ഡ്രം ട്രിമിന് 71,550 രൂപ വിലയുണ്ട്, ഉയർന്ന-സ്പെക്ക് ഡിസ്ക് ബ്രേക്ക് വേരിയന്റിന് 76,346 രൂപയാണ് എക്സ്-ഷോറൂം വില.
ഷൈൻ ബിഎസ് VI -ന്റെ ഹൃദയഭാഗത്ത് 124 സിസി, സിംഗിൾ സിലിണ്ടർ എഞ്ചിനാണുള്ളത്, ഇത് 7,500 rpm -ൽ 10.59 bhp കരുത്തും 6,000 rpm -ൽ 11 Nm torque ഉം ഉത്പാദിപ്പിക്കും.
Continue with Google