കേരളത്തിൽ പുതിയ നാല് ഡീലർഷിപ്പുകൾ കൂടി ആരംഭിച്ച് കൊമാകി ഇലക്‌ട്രിക്

കൊല്ലം ബീച്ച് സൈഡിലാണ് പുതിയ ഷോറൂമിന്റെ ഉദ്ഘാടനം പൂർത്തിയാക്കിയത്. 1,800-2,400 ചതുരശ്ര അടി വിസ്തീർണ്ണമുള്ള ഈ വിശാലമായ ഷോറൂമുകളിൽ നിന്ന് കൊമാകി തങ്ങളുടെ ശ്രേണിയിലുള്ള ഇലക്ട്രിക് വാഹനങ്ങൾ വിൽക്കും.

പ്രദർശിപ്പിക്കുന്ന ഓരോ ഇലക്ട്രിക് വാഹനങ്ങളും കാണുന്നതിന് ഉപഭോക്താക്കൾക്ക് വിശാലമായ വിസ്തൃതി നൽകുന്നു. കൊമാകി നിരയിൽ കൊമാകി TN95, SE, M5 എന്നീ മോഡലുകളാണ് അണിനിരക്കുന്നത്. കൂടാതെ അടുത്തിടെ അവതരിപ്പിച്ച XGT CAT 2.0. ഉം ഉൾപ്പെടുന്നു.

MOST READ: ബെന്റേഗ എസ്‌യുവിയുടെ നവീകരിച്ച പതിപ്പിനെ പുറത്തിറക്കി ബെന്റ്‌ലി; വില 4.10 കോടി രൂപ

കൊമാകി അടുത്തിടെയാണ് ഈ പുതിയ ഇലക്ട്രിക് വാണിജ്യ വാഹനമായ XGT CAT 2.0 അവതരിപ്പിച്ചത്. ജെൽ അധിഷ്ഠിത ബാറ്ററി ടെക്കുള്ള മോഡൽരണ്ട് വേരിയന്റുകളിലാണ് വാഗ്ദാനം ചെയ്യുന്നത്. ആദ്യത്തേതിന് 75,000 രൂപ വിലയാണുള്ളത്.

ലി-അയൺ പതിപ്പിന് 10,000 രൂപ അധികം മുടക്കേണ്ടി വരും. അതായത് 85,000 രൂപ. 300-350 കിലോഗ്രാം പേലോഡ് ശേഷിയും സിംഗിൾ ചാർജിൽ 125 കിലോമീറ്റർ ശ്രേണിയുമാണിതിനുള്ളത്.

MOST READ: ഇലക്ട്രിക്, സ്വയംഭരണ വാഹന മേഖലയിലെ ഗവേഷണം; IIT ഡല്‍ഹിയുമായി പങ്കാളിത്തം പ്രഖ്യാപിച്ച് എംജി

ഇന്ത്യയിൽ TN95, SE സ്കൂട്ടർ, M5 മോട്ടോർസൈക്കിൾ എന്നിവയും കോമാകി വിൽക്കുന്നു. TN95, SE എന്നിവയുടെ വില യഥാക്രമം 98,000 രൂപയും 96,000 രൂപയുമാണ്. M5 ഇലക്ട്രിക് മോട്ടോർസൈക്കിളിന് 99,000 രൂപയാണ് വില.

ഗാർനെറ്റ് റെഡ്, ഡീപ് ബ്ലൂ, മെറ്റാലിക് ഗോൾഡ്, ജെറ്റ് ബ്ലാക്ക് എന്നിവയുടെ കളർ ഓപ്ഷനുകളിൽ അവതരിപ്പിച്ചിരിക്കുന്ന TN95 ഇലക്ട്രിക് സ്‌കൂട്ടറിന് 3,000 BLDC മോട്ടോറുള്ള ലിഥിയം അയൺ ബാറ്ററിയാണ് ഹൃദയം.

MOST READ: ഒരു ഭാഗ്യശാലിക്ക് മാഗ്നൈറ്റ് ഫ്രീ; വാലന്റൈൻസ് ഡേ പ്രോഗ്രാമിലെ 100 വിജയികളെ പ്രഖ്യാപിച്ച് നിസാൻ

പൂർണ-ഡിജിറ്റൽ ഇൻസ്ട്രുമെന്റ് ക്ലസ്റ്റർ, എൽഇഡി ലാമ്പുകൾ, യുഎസ്ബി മൊബൈൽ ചാർജർ, ആന്റി തെഫ്റ്റ് സിസ്റ്റം എന്നിവ ഉൾക്കൊള്ളുന്ന ഇത് 100-140 കിലോമീറ്റർ പരിധി മുഴുവൻ ചാർജിൽ മണിക്കൂറിൽ 85 കിലോമീറ്റർ വേഗതയിൽ വാഗ്ദാനം ചെയ്യുന്നു.

സോളിഡ് ബ്ലൂ, മെറ്റാലിക് ഗോൾഡ്, ജെറ്റ് ബ്ലാക്ക്, ഗാർനെറ്റ് റെഡ് എന്നീ നാല് നിറങ്ങളിലാണ് കൊമാകി SE സ്കൂട്ടർ അവതരിപ്പിച്ചിരിക്കുന്നത്. സിംഗിൾ ചാർജിൽ 100-120 കിലോമീറ്റർ ശ്രേണി വാഗ്ദാനം ചെയ്യുന്ന ഇത് ഫുൾ കളർ ഡിസ്‌പ്ലേ, സെൽഫ് ഡയഗ്നോസിസ് സ്വിച്ച്, പാർക്കിംഗ്, റിവേഴ്‌സ് അസിസ്റ്റ്, ക്രൂയിസ് കൺട്രോൾ എന്നിവയെല്ലാം നൽകുന്നു.

M5 മോട്ടോർസൈക്കിൾ കമ്പനിയുടെ ആദ്യത്തെ ഹൈ-സ്പീഡ് ഇലക്ട്രിക് ബൈക്കാണ്. വേർപെടുത്താവുന്ന ലിഥിയം അയൺ ബാറ്ററിയും ഇതിന്റെ പ്രത്യേകതയാണ്. സിംഗിൾ ചാർജിൽ 100-120 കിലോമീറ്റർ ഡ്രൈവിംഗ് ശ്രേണിയാണ് M5 അവകാശപ്പെടുന്നത്. സിൽവർ, ഗോൾഡ് എന്നിവയുടെ കളർ ഓപ്ഷനുകളിലാണ് ഇത് വാഗ്ദാനം ചെയ്യുന്നത്.