സ്ട്രീറ്റ് ട്രിപ്പിൾ, റോക്കറ്റ് മോഡലുകൾക്ക് വില വർധിപ്പിച്ച് ട്രയംഫ്

ഇപ്പോൾ ബ്രിട്ടീഷ് പ്രീമിയം മോട്ടോർസൈക്കിൾ നിർമാതാക്കളായ ട്രയംഫും തങ്ങളുടെ തെരഞ്ഞെടുത്ത മോഡലുകളിലാകെ വിലവർധനവ് നടപ്പിലാക്കിയതായി പ്രഖ്യാപിച്ചിരിക്കുകയാണ്. സ്ട്രീറ്റ് ട്രിപ്പിൾ R, റോക്കറ്റ് 3 R, റോക്കറ്റ് 3 ജിടി എന്നിവയുടെ വിലയിലാണ് കമ്പനി പരിഷ്ക്കരണം നടപ്പിലാക്കിയിരിക്കുന്നത്.

പുതിയ സ്ട്രീറ്റ് ട്രിപ്പിളിന് 31,000 രൂപയുടെ വർധനവാണ് ട്രയംഫ് നടപ്പിലാക്കിയിരിക്കുന്നത്. അതേസമയം, റോക്കറ്റ് 3 R, ജിടി വേരിയന്റുകൾക്ക് യഥാക്രമം 85,000 രൂപയും 1,05,000 രൂപയും കൂടുതൽ ചെലവേറിയതായി.

MOST READ: ഹൈനസ് CB350 പുതിയ കളര്‍ ഓപ്ഷനുകള്‍ അവതരിപ്പിച്ചു; രാജ്യത്ത് ലഭിക്കില്ലെന്ന് ഹോണ്ട

ബൈക്കുകളുടെ പുതിയ എക്സ്ഷോറൂം വിലകൾ ഇങ്ങനെ

സ്ട്രീറ്റ് ട്രിപ്പിൾ R: 9,15,000 രൂപ

റോക്കറ്റ് 3 R: 19,35,000 രൂപ

റോക്കറ്റ് 3 ജിടി: 19,95,000 രൂപ

ഉയർന്ന ശേഷിയുള്ള RS വേരിയന്റിന്റെ കൂടുതൽ താങ്ങാനാവുന്ന പതിപ്പാണ് സ്ട്രീറ്റ് ട്രിപ്പിൾ R. ഇന്ത്യയിലെ സ്ട്രീറ്റ് ട്രിപ്പിൾ S മോഡലിന് പകരമായി 2020 ഓഗസ്റ്റിലാണ് ട്രയംഫ് സ്ട്രീറ്റ് ട്രിപ്പിൾ R വിപണിയിൽ എത്തിക്കുന്നത്.

MOST READ: SXR 125 മാക്സി സ്കൂട്ടർ ഇന്ത്യയിൽ അവതരിപ്പിച്ച് അപ്രീലിയ; വില 1.15 ലക്ഷം രൂപ

റോക്കറ്റിനെ സംബന്ധിച്ചിടത്തോളം ഇത് 2,458 സിസി എഞ്ചിനിലാണ് പ്രവർത്തിക്കുന്നത്. ഇത് ഇന്നേ വരെ ഒരു പ്രൊഡക്ഷൻ ബൈക്കിൽ കണ്ട ഏറ്റവും വലിയ ഡിസ്‌പ്ലേസ്‌മെന്റ് എഞ്ചിനാണ്. R പതിപ്പ് കൂടുതൽ സ്ട്രീറ്റ്-അധിഷ്ഠിത വേരിയന്റാണ്.

അതേസമയം ജിടി കൂടുതൽ ടൂറിംഗ് അധിഷ്ഠിത വേരിയന്റാണ്. ബ്രിട്ടീഷ് മോട്ടോർസൈക്കിൾ ബ്രാൻഡ് റോക്കറ്റിന്റെ ഒരു ലിമിറ്റഡ് ബ്ലാക്ക് എഡിഷനും അടുത്തിടെ ഇന്ത്യയിൽ അവതരിപ്പിച്ചിരുന്നു.

MOST READ: കൂടുതൽ ആകർഷകം, പുതിയ നിറങ്ങളിൽ അണിഞ്ഞൊരുങ്ങി വാഗൺആർ സിഎൻജി മോഡൽ

ഓരോ ബ്ലാക്ക് എഡിഷന്റെയും വെറും 1,000 യൂണിറ്റുകൾ മാത്രമാകും ട്രയംഫ് വിൽപ്പനയ്ക്ക് എത്തിക്കുക. റോക്കറ്റ് 3 ആർ ബ്ലാക്കിന്റെ വില 20.35 ലക്ഷം രൂപയും റോക്കറ്റ് 3 ജിടി ബ്ലാക്കിന് 20.95 ലക്ഷം രൂപയുമാണ് രാജ്യത്തെ എക്സ്ഷോറൂം വില.

ട്രയംഫ് അടുത്തിടെ തങ്ങളുടെ ഏറ്റവും താങ്ങാനാവുന്ന മോഡലായ ട്രൈഡന്റ് 660 ഇന്ത്യയിൽ അവതരിപ്പിച്ചിരുന്നു. 6.95 ലക്ഷം രൂപയുടെ എക്സ്ഷോറൂം വിലയുള്ള ഇത് കവസാക്കി Z650, ഹോണ്ട CB650R എന്നിവയ്‌ക്കെതിരെയാണ് മത്സരിക്കുന്നത്.