റിനോ ഡസ്റ്ററിന്റെ ആഫ്രിക്കൻ കണ്‍സെപ്റ്റ്

ഡിസൈനര്‍

റിനോ ഡസ്റ്റര്‍ ഡീടൂര്‍ കണ്‍സെപ്റ്റ് ഡിസൈന്‍ ചെയ്തത് കമ്പനിയുടെ യൂറോപ്യന്‍ ഡിസൈന്‍ സ്റ്റുഡിയോയിലാണ്. ദക്ഷിണാഫ്രിക്കയ്ക്ക് വേണ്ടി പ്രത്യേകമായ നിര്‍മിതിയാണെന്ന് ചില സൂചനകള്‍ കാണുന്നു. ഇക്കാരണത്താലാവാം ജോഹന്നാസ്ബര്‍ഗിലെ ചില ഡിസൈന്‍ കേന്ദ്രങ്ങളില്‍ നിന്നുള്ള നിര്‍ദ്ദേശങ്ങളും ഈ കണ്‍സെപ്റ്റിന്റെ നിര്‍മിതിക്കായി സ്വീകരിച്ചിട്ടുണ്ട്.

ഒക്ടോബര്‍ 18ന് തുടങ്ങുന്ന ജോഹന്നാസ് മോട്ടോര്‍ ഷോയില്‍ 27 വരെ വാഹനത്തെ കാണാം.

വാഹനത്തിന് ഭ്രാന്തമായ സ്‌പോര്‍ടി സൗന്ദര്യം പകര്‍ന്നു നല്‍കാന്‍ കഴിയുന്ന പേള്‍ യെല്ലോ നിറം ആകര്‍ഷകമാണ്. മാറ്റ് ഗ്രേയുടെയും മഞ്ഞയുടെയും കിടിലന്‍ കോമ്പിനേഷന്‍ എക്സ്റ്റീരിയറിനെ സംഭവമാക്കുന്നു.

പിന്‍വശം പൂര്‍ണമായും മാറ്റ് ഗ്രേയിലാണ് വരുന്നത്. വശങ്ങളില്‍ ഡസ്റ്റര്‍ എന്ന് വലിയ അക്ഷരങ്ങളില്‍ എഴുതിയിരിക്കുന്നു.

വാഹനത്തിന്റെ ഗ്രൗണ്ട് ക്ലിയറന്‍സ് നിര്‍ണായകമായ വിധത്തില്‍ കൂട്ടിയിട്ടുണ്ട്. 18 ഇഞ്ച് അലോയ് വീലുകള്‍ ഘടിപ്പിച്ചിരിക്കുന്നു.

ഈയിടെ അവതരിപ്പിക്കപ്പെട്ട 2013 ഡസ്റ്ററിന്റെ അതേ ഡിസൈന്‍ ശൈലിയാണ് മുന്‍വശത്ത് കാണാനുള്ളത്. ഹെഡ്‌ലാമ്പുകളില്‍ എല്‍ഇഡി സാന്നിധ്യം വന്നിരിക്കുന്നു പുതിയ കണ്‍സെപ്റ്റില്‍. ഫ്രണ്ട് ബംപറില്‍ രണ്ട് പ്രൊജക്ടര്‍ ലൈറ്റുകള്‍ കാണാം. രണ്ട് റൂഫ് ലൈറ്റുകളും കാണാവുന്നതാണ്. വലിപ്പമേറിയ റിനോ ലോഗോ പ്രത്യേകം ശ്രദ്ധിക്കും.

കറുപ്പ് സണ്‍ഫിലിം ഒട്ടിച്ച വിന്‍ഡോ ഗ്ലാസുകളാണ് റിനോ ഡസ്റ്ററിന്റെ ജോഹന്നാസ്ബര്‍ഗ് കണ്‍സെപ്റ്റിനുള്ളത്. വീല്‍ ആര്‍ച്ചുകളില്‍ മാറ്റ് േ്രഗ പടര്‍ന്നിരിക്കുന്നു. ഇതേ നിറം ബി പില്ലാറിലും കാണാം.

സമാനമായ സവിശേഷതകളുമായി ഈ കണ്‍സെപ്റ്റ് വിപണിയിലെത്തുമെന്ന് കരുതുവാന്‍ കഴിയില്ല. ഒരുപക്ഷേ ലിമിറ്റഡ് എഡിഷന്‍ മോഡലായി കാര്‍ വന്നേക്കാം.

ഡബ്ള്‍ എക്‌സോസ്റ്റ് പൈപ്പുകള്‍ ഘടിപ്പിച്ചിരിക്കുന്നു കണ്‍സെപ്റ്റില്‍. ഒരു പിന്‍ സ്‌പോയ്‌ലറും ചേര്‍ത്തിട്ടുണ്ട്.