91 വർഷത്തെ പാരമ്പര്യം; മുംബൈ, പൂനെ നഗരങ്ങളെ ബന്ധിപ്പിക്കുന്ന ഡെക്കാൻ‌ ക്വീൻ ട്രെയിന്റെ ചരിത്രം ഇങ്ങനെ

1930 ജൂൺ ഒന്നിന് അവതരിപ്പിച്ച ഡെക്കാൻ ക്വീൻ ഇന്ത്യയിലെ ആദ്യത്തെ സൂപ്പർഫാസ്റ്റ് ട്രെയിൻ, ആദ്യത്തെ ദീർഘദൂര ഇലക്ട്രിക് ഹോൾഡ് ട്രെയിൻ, ആദ്യത്തെ വെസ്റ്റിബ്യൂൾഡ് ട്രെയിൻ, സ്ത്രീകൾക്ക് മാത്രമായുള്ള കമ്പാർട്ട്മെന്റ് എന്നിവ പരിചയപ്പെടുത്തിയ ആദ്യത്തെ ട്രെയിൻ കൂടിയാണ്.

ഡെക്കാൻ ക്വീന്റെ പ്രത്യേകതകളാണ്.

പാന്‍ട്രി കാറും ആരംഭിച്ചത് ക്വീനിലായിരുന്നു. സെൻ‌ട്രൽ റെയിൽ‌വേ എന്ന് പുനർ‌നാമകരണം ചെയ്ത ഗ്രേറ്റ് ഇന്ത്യൻ പെനിൻസുലർ റെയിൽ‌വേ (ജി‌പി‌ആർ) ആണ് ഈ റൂട്ടിന് ആരംഭം കുറിച്ചതും. ആദ്യ ദിവസങ്ങളിൽ ട്രെയിൻ വാരാന്ത്യങ്ങളിൽ മാത്രമാണ് ഓടിച്ചിരുന്നത്.

MOST READ: ചുവപ്പ്, നീല എമർജൻസി ലൈറ്റുകളുടെ പിന്നിലെ ചില കൗതുക സിദ്ധാന്തങ്ങൾ

ബ്രിട്ടീഷുകാർക്ക് മാത്രമായിരുന്നു അന്ന് ട്രെയിനിൽ പ്രവേശനം സാധ്യമായിരുന്നത്. എന്നാൽ 1943 ഓടെ ഇന്ത്യക്കാരെയും ട്രെയിൻ സൗകര്യം ഉപയോഗിക്കാൻ അനുവദിച്ചു. തുടർന്ന് 1943 ഏപ്രിൽ 26 നാണ് മുംബൈയ്ക്കും പൂനെക്കുമിടയിൽ ദിവസേനയുള്ള സർവീസ് ആരംഭിച്ചത്.

കല്യാനും പൂനെയും തമ്മിലുള്ള ദൂരം മറികടക്കാൻ 2 മണിക്കൂർ 45 മിനിറ്റ് എടുത്തു. ഒരു ടിക്കറ്റിന്റെ വില എട്ടണയായിരുന്നു. തുടക്കത്തിൽ 7 കോച്ചുകൾ വീതമുള്ള 2 റേക്കുകൾ ഉപയോഗിച്ചാണ് ട്രെയിൻ അവതരിപ്പിച്ചത്.

MOST READ: ചിറകുകൾ മുളച്ച് വാനിൽ പറന്ന് ഹോണ്ട; ഹോണ്ടജെറ്റ് എലൈറ്റ് S ആഢംബര വിമാനം വിപണിയിൽ

കോച്ചുകൾ സിൽവർ, സ്കാർലറ്റ്, റോയൽ ബ്ലൂ എന്നീ നിറങ്ങളിലാണ് പൂർത്തിയാക്കിയത്. അന്നുമുതൽ ഈ ട്രെയിനിനായി ഉപയോഗിച്ചവരുന്നതും ഇതേ നിറങ്ങൾ തന്നെയാണ്. ട്രെയിന്റെ ഒറിജിനൽ റേക്കുകൾ ഇംഗ്ലണ്ടിലാണ് നിർമിച്ചതെങ്കിലും കോച്ച് ബോഡികൾ മാതുങ്ക വർക്ക് ഷോപ്പിലാണ് നിർമിച്ചിരിക്കുന്നത്.

1966 ൽ പെരാംബൂരിലെ ഇന്റഗ്രൽ കോച്ച് ഫാക്ടറി നിർമിച്ച മെച്ചപ്പെട്ട ഇന്റഗ്രൽ കോച്ചുകൾ ഉപയോഗിച്ച് ഇവ മാറ്റിസ്ഥാപിക്കുകയും ചെയ്‌തു. ഉയർന്ന ഇരിപ്പിട ശേഷിയും മികച്ച പാൻട്രി സൗകര്യവുമുള്ള പുതിയ കോച്ചുകൾ 1995 ഓടെ അവതരിപ്പിച്ചു.

MOST READ: മഹീന്ദ്ര ഥാര്‍, ബൊലേറോ ഡിസൈനില്‍ ചൈനീസ് ജീപ്പ്; വില്‍പ്പന പാകിസ്താനില്‍

2020 മാർച്ചിൽ പഴയ കോച്ചുകൾക്ക് പകരം എൽഎച്ച്ബി കോച്ചുകളും റെയിൽവേ നൽകി. ഇന്ന് 17 എസി ചെയർ കാറുകൾ, ഒരു ബുഫെ കാർ, 10 സെക്കൻഡ് ക്ലാസ് ചെയർ കാറുകൾ, രണ്ട് സെക്കൻഡ് ക്ലാസ് കം ബ്രേക്ക് വാനുകൾ എന്നിവ ഉൾപ്പെടുന്ന 17 കോച്ചുകളാണ് ഡെക്കാൻ ക്വീനുള്ളത്.

രാവിലെ പൂനെയില്‍ നിന്നു മുംബൈക്കും വൈകിട്ട് തിരിച്ചും സര്‍വീസ് നടക്കുന്ന ഡെക്കാൻ ക്വീൻ യാത്രക്കിടയില്‍ കുന്നുകള്‍ കയറേണ്ടതിനാല്‍ ആ സമയത്ത് ഇരട്ട എഞ്ചിന്‍ ഘടിപ്പിക്കുകയാണ് പതിവ്.

എന്നാല്‍ ഇനി ഇതിന് പകരം യാത്രയിലുടനീളം ഇരട്ട എഞ്ചിന്‍ ഘടിപ്പിച്ചായിരിക്കും ട്രെയിൻ സഞ്ചരിക്കുക. തുടക്കകാലം മുതലേ ഡെക്കാൻ ക്വീനിനെ എല്ലായ്പ്പോഴും ഒരു ഇലക്ട്രിക് ലോക്കോമോട്ടീവാണ് കരുത്ത് പകരുന്നത്.

1930 ൽ ഇതിന് WCP ½ ഡിസി ലീഡ് ഉണ്ടായിരുന്നു. പിന്നീട് അത് WCM-1/2/4/5 ഡിസി മിക്സഡ് ലോക്കോമോട്ടീവ് ഉപയോഗിച്ച് മാറ്റി. ഇന്ന് കല്യാൺ ഷെഡിന്റെ WCAM-3 അല്ലെങ്കിൽ WCAM-2 / 2P DC / AC ലോക്കോമോട്ടീവ് ട്രെയിൻ ഉപയോഗിക്കുന്നു.