Click it and Unblock the Notifications
18 ഇഞ്ച് സബ് വൂഫറിനൊപ്പം വിപുലമായി പരിഷ്കരിച്ച ഹ്യുണ്ടായി ക്രെറ്റ
ഈ വർഷം ആദ്യം ഹ്യുണ്ടായി പുതുതലമുറ ക്രെറ്റ വിപണിയിൽ അവതരിപ്പിച്ചു, ഇത് ഉപഭോക്താക്കൾക്കിടയിൽ വളരെ പെട്ടെന്ന് പ്രചാരം നേടി. ചുരുങ്ങിയ സമയത്തിനുള്ളിൽ ഹ്യുണ്ടായിക്ക് ക്രെറ്റയ്ക്കായി 1.15 ലക്ഷത്തിലധികം ബുക്കിംഗും ലഭിച്ചു.
പുതിയ ക്രെറ്റയ്ക്കായുള്ള അനന്തര വിപണന ആക്സസറികളും പരിഷ്ക്കരണ കിറ്റുകളും വിപണിയിൽ വന്നുതുടങ്ങിയിട്ടുണ്ട്, കൂടാതെ മുൻകാലങ്ങളിൽ ക്രെറ്റയുടെ പരിഷ്കരിച്ച പല ഉദാഹരണങ്ങളും നാം കണ്ടിട്ടുണ്ട്. ഇവിടെ അകത്തും പുറത്തും കാര്യമായ പരിഷ്കരണം ലഭിച്ച ക്രെറ്റയുടെ ഒരു ബേസ് ട്രിമ്മാണ് ഞങ്ങൾ പരിചയപ്പെടുത്തുന്നത്.
ബീഗ്രൂ മ്യൂസിക് സീരീസ് തങ്ങളുടെ യൂട്യൂബ് ചാനലിലാണ് ഇതിന്റെ വീഡിയോ അപ്ലോഡ് ചെയ്തിരിക്കുന്നത്. എസ്യുവിയുടെ ബാഹ്യഭാഗം കാണിച്ചാണ് വീഡിയോ ആരംഭിക്കുന്നത്.
MOST READ: ECQ 4×4² സ്ക്വയർഡ് ഇലക്ട്രിക് ഓഫ്-റോഡ് കൺസെപ്റ്റ് അവതരിപ്പിച്ച് മെർസിഡീസ്
മുകളിൽ സൂചിപ്പിച്ചതുപോലെ, ഇതിനായി ഉപയോഗിക്കുന്ന കാർ ബേസ് മോഡൽ ക്രെറ്റയാണ്, അതിനാൽ വാഹനത്തിൽ സവിശേഷതകളൊന്നുമില്ല.
എസ്യുവിക്ക് ബേസ് കോട്ടിനായി ഒരു ഫാന്റം ബ്ലാക്ക് നിറമാണ് ഉടമ തെരഞ്ഞെടുത്തത്. വാഹനം ഗോൾഡ് & ബ്ലാക്ക് ഡ്യുവൽ ടോൺ നിറത്തിലൊരുങ്ങുന്നു.
MOST READ: 13 വേരിയന്റും, 3 എഞ്ചിന് ഓപ്ഷനുകളും; 2020 ഹ്യുണ്ടായി i20 കൂടുതല് വിവരങ്ങള് പുറത്ത്
ബ്ലാക്ക് സൈഡ് ക്ലാഡിംഗ്, സിൽവർ ലൈറ്റിംഗ് ആർക്ക് എന്നിവയ്ക്ക് ഗോൾഡ് ഫിനിഷ് നൽകി. അടിസ്ഥാന വേരിയന്റിൽ വരുന്ന സ്റ്റീൽ റിമ്മുകൾക്ക് പകരം ഗോൾഡൻ നിറത്തിലുള്ള മൾട്ടി സ്പോക്ക് അലോയി വീലുകൾ ഉപയോഗിച്ചിരിക്കുന്നു. ബ്രേക്ക് കാലിപ്പറുകൾ, മുൻ, പിൻ ബമ്പറുകളുടെ താഴെ ഭാഗങ്ങൾക്കും ഗോൾഡൻ ടച്ച് നൽകുന്നു.
ഈ എസ്യുവിയിൽ വരുത്തിയ പ്രധാന മാറ്റങ്ങൾ ഉള്ളിലാണ്. ക്യാബിൻ മുഴുവനും പുനർനിർമ്മിച്ചു, ഇപ്പോൾ ഇത് കൂടുതൽ മികച്ചതും പ്രീമിയം ഫിനിഷും നൽകുന്നു. ഇതിന്റെ ഡാഷ്ബോർഡ്, സെന്റർ കൺസോൾ, ഡോർ പാഡുകൾ എന്നിവയിൽ വുഡ് ഇൻസേർട്ടുകൾ ചേർക്കുന്നു.
MOST READ: സെൽറ്റോസിന്റെ ആനിവേഴ്സറി എഡിഷൻ മോഡലിനെ പരിചയപ്പെടുത്തി കിയ; കാണാം പരസ്യ വീഡിയോ
A, B, C പില്ലറുകൾക്ക് ബ്രൗൺ നിറത്തിലുള്ള ക്ലാഡിംഗ് ലഭിക്കുന്നു, അത് ക്യാബിന്റെ മൊത്തത്തിലുള്ള ബ്രൗൺ തീമിനൊപ്പം യോജിക്കുന്നു. സ്റ്റോക്ക് റൂഫ് നീക്കം ചെയ്യുകയും മൃദുവായ വെൽവെറ്റ് ഫാബ്രിക് നൽകിയിരിക്കുന്നു.
കൂടാടെ സീറ്റുകൾക്ക് സുഖപ്രദമായ കുഷ്യണിംഗുള്ള ബ്രൗൺ നിറത്തിലുള്ള കവറുകൾ ലഭിക്കുകയും ചെയ്യുന്നു. സ്റ്റിയറിംഗ് വീലും ബ്രൗൺ നിറമുള്ള മെറ്റീരിയൽ ഉപയോഗിച്ച് സ്റ്റിച്ചെ ചെയ്തിട്ടുണ്ട്.
MOST READ: എൻട്രി ലെവൽ 2 സീരീസ് ഗ്രാൻ കൂപ്പെയുമായി ബിഎംഡബ്ല്യു; പ്രാരംഭ വില 39.30 ലക്ഷം രൂപ
ഇതിനുപുറമെ 10.1 ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ് സ്ക്രീനും 18 ഇഞ്ച് സബ് വൂഫറും, നാല് സ്പീക്കർ, നാല് ട്വീറ്റർ സജ്ജീകരണവുമുണ്ട്.
കാറിന്റെ പുറം മാന്യമായി കാണപ്പെടുന്നു, പക്ഷേ, ഞങ്ങളുടെ വായനക്കാരിൽ ചിലർക്ക് ഇന്റീരിയറുകൾ അൽപ്പം ഓവറായി തോന്നിയേക്കാം. പരിഷ്ക്കരണം എന്നത് ഒരു വാഹനത്തിന് കുറച്ചുകൂടി വ്യക്തിപരമായ സ്പർശം നൽകുന്നതാണ്, എല്ലാവർക്കും വ്യത്യസ്ത അഭിരുചികളുണ്ട്.
Continue with Google