സെൽറ്റോസിന്റെ ആനിവേഴ്‌സറി എഡിഷൻ മോഡലിനെ പരിചയപ്പെടുത്തി കിയ; കാണാം പരസ്യ വീഡിയോ

പുതിയ വേരിയന്റിനെ ഉപഭോക്താക്കളിൽ എത്തിക്കുന്നതിന്റെയും പരിചയപ്പെടുത്തുന്നതിന്റെയും ഭാഗമായി ഒരു ടെലിവിഷൻ പരസ്യ വീഡിയോയുമായി കിയ രംഗത്തെത്തിയിരിക്കുകയാണ്. ബ്രാൻഡിന്റെ ഔദ്യോഗിക യൂട്യൂബ് ചാനലിലൂടെയാണ് വീഡിയോ പങ്കുവെച്ചിരിക്കുന്നത്.

സെൽറ്റോസ് ആനിവേഴ്സറി എഡിഷന്റെ ഡിസൈൻ വിശദാംശങ്ങളാണ് പരസ്യ വീഡിയോയിലൂടെ കിയ വിവരിക്കുന്നത്. അതോടൊപ്പം ഉത്സവ സീസണിൽ മോഡലിന്റെ വിൽപ്പന വർധിപ്പിക്കാനും കൊറിയൻ വാഹന നിർമാതാക്കൾ ലക്ഷ്യമിടുന്നു.

MOST READ: 13 വേരിയന്റും, 3 എഞ്ചിന്‍ ഓപ്ഷനുകളും; 2020 ഹ്യുണ്ടായി i20 കൂടുതല്‍ വിവരങ്ങള്‍ പുറത്ത്

കിയ സെൽറ്റോസിന്റെ ഈ പുതിയ വേരിയന്റിന് സ്റ്റാൻഡേർഡ് മോഡലിനെക്കാൾ നിരവധി വിഷ്വൽ പരിഷ്ക്കരണങ്ങളാണ് ലഭിക്കുന്നത്. ഇത് HTX ഗ്രേഡിനെ അടിസ്ഥാനമാക്കിയാണ് ഒരുങ്ങിയിരിക്കുന്നതും. താരതമ്യപ്പെടുത്തുമ്പോൾ ആനിവേഴ്സറി പതിപ്പിന് ഏകദേശം

30,000 രൂപ കൂടുതൽ മുടക്കേണ്ടി വരും.

ദക്ഷിണ കൊറിയൻ കമ്പനി പുനർരൂപകൽപ്പന ചെയ്ത ഫ്രണ്ട്, റിയർ ബമ്പറുകളാണ് പുതിയ സെൽറ്റോസിന് നൽകിയിരിക്കുന്നത്. അതോടൊപ്പം എസ്‌യുവിയുടെ മൊത്തത്തിലുള്ള നീളം 60 മില്ലീമീറ്റർ വർധിപ്പിക്കാൻ ബമ്പറുകൾ വിമർശനാത്മകമായി സഹായിക്കുന്നു എന്നതും ശ്രദ്ധേയമാണ്.

എന്നിരുന്നാലും ഇന്റീരിയർ സ്പേസിൽ ഒരു മാറ്റവും കാണാൻ സാധിക്കില്ല. സെൽറ്റോസ് ആനിവേഴ്സറി എഡിഷനിൽ കിയ ഒരു പുതിയ 17 ഇഞ്ച് ബ്ലാക്ക് അലോയ് വീലുകളും പുതിയ സൈഡ് സ്കോർട്ടുകളും ഉൾപ്പെടുത്തിയിരിക്കുന്നതും വാഹനത്തിന്റെ അഴക് കൂട്ടുന്നു.

സൈഡ് സ്കോർട്ടുകളിൽ കാണപ്പെടുന്ന ഓറഞ്ച് ആക്സന്റുകളും ബമ്പറിന്റെ താഴത്തെ ഭാഗവും ഫോഗ് ലാമ്പും ചുറ്റും ഇടംപിടിച്ചിരിക്കുന്ന ഓറഞ്ച് നിറവും സ്പെഷ്യൽ എഡിഷൻ പതിപ്പിന്റെ പ്രത്യേകതയായി കണക്കാക്കാം. കൂടാതെ അലോയ് വീലുകളുടെ മിഡിൽ ക്യാപ്പിലും ഇത് കാണാം.

MOST READ: മാഫിയ രൂപത്തിലൊരുങ്ങി ഹ്യുണ്ടായി വെർണ; വീഡിയോ

പിന്നിൽ കിയ സെൽറ്റോസ് ബൂട്ട്ലിഡിൽ ഫസ്റ്റ് ആനിവേഴ്സറി എഡിഷൻ ബാഡ്ജ് നേടുന്നു. ഓറഞ്ച് ആക്സന്റുകൾ 2020 ഓട്ടോ എക്‌സ്‌പോയിൽ സമാനതകളോടെ പ്രദർശിപ്പിച്ചിരിക്കുന്ന X-ലൈൻ ആശയത്തിലേക്ക് മടങ്ങുന്നു. കൂടാതെ കിയ ഡ്യുവൽ ടോൺ കളർ സ്കീമുകളിൽ ഈ ലിമിറ്റഡ് എഡിഷൻ മോഡൽ വാഗ്‌ദാനം ചെയ്യും.

അതായത് സ്റ്റീൽ സിൽവർ വിത്ത് അറോറ ബ്ലാക്ക് പേൾ, ഗ്രാവിറ്റി ഗ്രേ അറോറ ബ്ലാക്ക് പേൾ എന്നീ നിറങ്ങളിൽ ഉപഭോക്താക്കൾക്ക് തെരഞ്ഞെടുക്കാമെന്ന് സാരം.

MOST READ: ECQ 4×4² സ്ക്വയർഡ് ഇലക്ട്രിക് ഓഫ്-റോഡ് കൺസെപ്റ്റ് അവതരിപ്പിച്ച് മെർസിഡീസ്

സവിശേഷതകളെ സംബന്ധിച്ചിടത്തോളം കിയ സെൽറ്റോസ് ആനിവേഴ്സറി എഡിഷൻ എൽഇഡി ഹെഡ്‌ലാമ്പുകൾ, എൽഇഡി ടെയിൽ ലാമ്പുകൾ, യുണീക് എൽഇഡി ഫോഗ് ലാമ്പുകൾ, റിയർ എയർ കണ്ടീഷനിംഗ് വെന്റുകൾ, കീലെസ് എൻട്രി, സൺറൂഫ്, ഡ്യുവൽ എയർബാഗുകൾ, ഇബിഡിയുള്ള ആന്റി-ലോക്ക് ബ്രേക്കുകൾ എന്നിവ ഉപയോഗിച്ച് പൂർത്തിയാക്കിയിരിക്കുന്നു.

ഓൾ-ബ്ലാക്ക് നിറത്തിൽ ഒരുങ്ങിയിരിക്കുന്ന ക്യാബിനിൽ 10.25 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സംവിധാനമുണ്ട്. ഇത് ആപ്പിൾ കാർപ്ലേ, ആൻഡ്രോയിഡ് ഓട്ടോ, യുവിഒ കണക്റ്റ്, റിമോട്ട് എഞ്ചിൻ സ്റ്റാർട്ട്, ആംബിയന്റ് ലൈറ്റിംഗ്, വയർലെസ് ചാർജർ, ആറ് സ്പീക്കർ ഓഡിയോ തുടങ്ങിയവ അണിനിരത്തുന്നു.

സെൽറ്റോസ് HTX വേരിയന്റിനെ പോലെ പുതിയ പതിപ്പും 1.5 ലിറ്റർ നാല് സിലിണ്ടർ പെട്രോൾ എഞ്ചിനാണ് ഉപയോഗിക്കുന്നത്. ഇത് 115 bhp കരുത്തും 144 Nm torque ഉം വികസിപ്പിക്കാൻ പ്രാപ്തമാണ്. കൂടാതെ 1.5 ലിറ്റർ നാല്-പോട്ട് ഡീസൽ എഞ്ചിനും എസ്‌യുവിയിൽ തെരഞ്ഞെടുക്കാം.