ബെനലി 400 ഇംപെരിയാലെ ഒക്ടോബർ 25-ന് അവതരിപ്പിക്കും

ബെനലി 400 ഇംപെരിയാലെ ഒരു കംപ്ലീറ്റ്ലി നോക്ക് ഡൗണ്‍ (CKD) യൂണിറ്റായി ഇന്ത്യൻ വിപണിയിലേക്ക് ഇറക്കുമതി ചെയ്യുകയും ഇന്ത്യയിലെ പ്ലാന്റിൽ ഒത്തുചേരുകയും ചെയ്യും. 400 ഇംപീരിയലിൽ‌ നിരവധി പ്രാദേശികവൽക്കരിച്ച ഘടകങ്ങൾ‌ അടങ്ങിയിരിക്കും. ഇത്‌ സെഗ്‌മെന്റിൽ‌ മത്സരാധിഷ്ഠിതമായി വിലയും നിശ്ചയിക്കും.

373.5 സിസി സിംഗിൾ സിലിണ്ടർ ഫ്യുവൽ ഇഞ്ചക്ഷൻ എഞ്ചിനാണ് ഇന്റർനാഷണൽ മോഡൽ ബെനലി 400 ഇംപീരിയലിൽ ഉൾപ്പെടുത്തിയിരിക്കുന്നത്. ഇത് 5500 rpm-ൽ 19 bhp കരുത്തും 3500 rpm-ൽ 28 Nm torque ഉം ഉത്പാദിപ്പിക്കുന്നു. ഇത് അഞ്ച് സ്പീഡ് ഗിയർ‌ബോക്‌സുമായാണ് ഘടിപ്പിച്ചിരിക്കുന്നത്. ഇന്ത്യൻ വിപണിയിലെത്തുന്ന മോഡലിലും ഇതേ എഞ്ചിൻ സവിശേഷതകൾ മുന്നോട്ട് കൊണ്ടുപോകുമെന്നാണ് പ്രതീക്ഷിക്കുന്നത്.

മെക്കാനിക്കലുകളുടെ കാര്യത്തിൽ ബെനലി 400 ഇംപെരിയാലെയുടെ മുൻവശത്ത് സ്റ്റാൻഡേർഡ് ടെലിസ്‌കോപ്പിക് ഫോർക്കുകളും പിന്നിൽ ഡ്യുവൽ ഷോക്ക് അബ്സോർബറുകളുമാണ് വാഗ്ദാനം ചെയ്യുന്നത്. ഡ്യുവൽ ചാനൽ എബി‌എസ് സിസ്റ്റം പിന്തുണയ്‌ക്കുന്ന സിംഗിൾ ഡിസ്കുകളാണ് ബ്രേക്കിംഗ് കൈകാര്യം ചെയ്യുന്നത്.

ഫീച്ചറുകളുടെ കാര്യത്തിൽ 400 ഇംപെരിയാലെയിൽ റെട്രോ രൂപത്തിലുള്ള 12 ലിറ്റർ ടിയർഡ്രോപ്പ് ഇന്ധന ടാങ്ക്, വൃത്താകൃതിയിലുള്ള ഹെഡ്‌ലാമ്പുകൾ, സ്പ്ലിറ്റ് സീറ്റുകൾ, സിംഗിൾ-പീസ് ഹാൻഡിൽബാറുകൾ, ക്രോം-ഫിനിഷ്ഡ് ലോ സ്ലംഗ് എക്‌സ്‌ഹോസ്റ്റുകൾ, ഇരട്ട-പോഡ് ഇൻസ്ട്രുമെന്റ് ക്ലസ്റ്റർ എന്നിവ ലഭിക്കും. കൂടാതെ ക്രോം ഫെൻഡറുകളും സ്‌പോക്ക് വീലുകളും മോട്ടോർസൈക്കിളിൽ ഉണ്ട്.

ഇന്ത്യൻ വിപണിയിൽ സാന്നിധ്യം വിപുലീകരിക്കുന്നതിനായി കമ്പനി മികച്ച പ്രവർത്തനമാണ് നടത്തി വരുന്നത്. രാജ്യത്തെ വിവിധ നഗരങ്ങളിൽ കമ്പനി ഇതിനകം തന്നെ പുതിയ ഡീലർഷിപ്പുകളും സർവ്വീസ് സ്റ്റേഷനുകളും ആരംഭിക്കുകയുണ്ടായി. 2020 അവസാനത്തോടെ രാജ്യത്ത് 60 ഡീലർഷിപ്പുകൾ തുടങ്ങാനാണ് ബെനലി ലക്ഷ്യമിടുന്നത്.

Most Read: പുതിയ നാഴികകല്ല് സൃഷ്ടിച്ച് റോയല്‍ എന്‍ഫീല്‍ഡ് 650 ഇരട്ടകള്‍

നിലവിൽ ഇന്ത്യൻ വിപണിയിൽ അടുത്തിടെ പുറത്തിറക്കിയ ലിയോൺസിനോ 500, 302R, TNT300, TNT600i, TRK 502 സീരീസ് എന്നീ അഞ്ച് മോഡലുകൾ ബെനലി വിൽപ്പനയ്ക്കെത്തിക്കുന്നുണ്ട്.

Most Read:തനിയെ ബാലൻസ് ചെയ്യുന്ന ഇലക്ട്രിക്ക് സ്കൂട്ടറുമായി സ്റ്റാർട്ട്-അപ്പ് കമ്പനി -വീഡിയോ

മോട്ടോർ സൈക്കിൾ ഓഫറുകൾ കൂടാതെ ഇന്ത്യൻ വിപണിയിൽ സ്‌കൂട്ടറുകൾ അവതരിപ്പിക്കാനും ഇറ്റാലിയൻ നിർമ്മാതാക്കൾ ശ്രമിക്കുന്നുണ്ട്. ഒക്ടോബർ 25 ന് ബെനലി 400 ഇംപെരിയാലെ വിപണിയിലെത്തുന്നതോടെ കമ്പനിയുടെ ഇന്ത്യ ശ്രേണിയിലെ ആറാമത്തെ ഉൽപ്പന്നമായിരിക്കുമിത്.

Most Read: സെപ്പെലിൻ മോഡലിനെ അടിസ്ഥാനമാക്കി പുതിയ രണ്ട് ക്രൂയിസർ ബൈക്കുകൾ പുറത്തിറക്കാൻ ടിവിഎസ്

ഇന്ത്യൻ വിപണിയിൽ റോയൽ എൻഫീൽഡ് ക്ലാസിക് 350 ജാവ, ജാവ 42 എന്നിവയ്ക്ക് ബെനലി 400 ഇംപെരിയാലെയ്ക്ക് എതിരാളികളാകും.