Just In
- 29 min ago ക്രാഷ് ടെസ്റ്റിൽ ഹോണ്ടയുടെ 'മാരുതി'യായി അമേസ്; ഇടിപ്പരീക്ഷയിൽ കിട്ടിയത് വെറും 2-സ്റ്റാർ റേറ്റിംഗ്
- 1 hr ago പപ്പടം പോലെ പൊടിയില്ല! കുട്ടികളുടെ സുരക്ഷയിൽ 5-സ്റ്റാർ നേടി കാരെൻസ്; മുതിർന്നവരുടെ കാര്യത്തിൽ മെച്ചപ്പെടണം
- 2 hrs ago കല്യാണത്തിനു മുമ്പ് ലെവൽ മാറി ദീപക്ക്; അപർണയ്ക്കൊപ്പമുള്ള യാത്രകൾ ഇനി ബെൻസിന്റെ തിളക്കത്തിൽ
- 13 hrs ago കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ
Don't Miss
- Movies 'ഇപ്പോൾ തീപ്പൊരിയല്ല കാട്ടുതീയാണ്, അന്ന് കിട്ടിയ എനർജി ലൈഫിന്റെ അവസാനം വരെയുണ്ടാകും'; സിജോ തിരിച്ചുവന്നു
- News പോളിംഗ് ബൂത്തില് ചൂടൊന്നും പ്രശ്നമാകില്ല; എല്ലാ സൗകര്യവുമുണ്ടാകുമെന്ന് മുഖ്യ തിരഞ്ഞെടുപ്പ് ഓഫീസര്
- Technology അമ്പോ ലാഭം വില! ഇതുവരെ വന്നതെല്ലാം സൈഡിലോട്ട് നിന്നോ, ഇനി ഈ റിയൽമി 5ജിഫോണാണ് മെയിൻ
- Finance തിരിച്ചുകയറി സ്വർണവില, പവന്റെ വില വീണ്ടും 53,000 കടന്നു, അഡ്വാൻസ് ബുക്കിംഗ് നല്ലതാണ്
- Lifestyle ദാമ്പത്യത്തില് വഴക്കുകള് പതിവ്, പരസ്പര വിയോജിപ്പ് അവസാനിപ്പിക്കാന് വേണ്ടത് ഈ 7 കാര്യം
- Travel ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി
- Sports T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു
തനിയെ ബാലൻസ് ചെയ്യുന്ന ഇലക്ട്രിക്ക് സ്കൂട്ടറുമായി സ്റ്റാർട്ട്-അപ്പ് കമ്പനി -വീഡിയോ
യാത്രക്കാർക്ക് എന്നും പ്രിയപ്പെട്ടവയാണ് ഇരുചക്ര വാഹനങ്ങൾ. എത്ര വലിയ ട്രാഫിക്കിലൂടെയും ഇരുചക്ര വാഹനങ്ങൾ അനായാസം എടുത്ത് കൊണ്ട് പോകാൻ കഴിയും.
എന്നാൽ വളരെ പെട്ടന്ന് നിയന്ത്രണം നഷ്ടമാവാം എന്ന കാരണത്താൽ തന്നെ ഏറ്റവും അപകടകാരികളായി ഇവ കണക്കാക്കപ്പെടുന്നു.
ആളുകൾ ഇരുചക്രവാഹനങ്ങൾ ഓടിക്കുന്ന രീതിയെ എന്നെന്നേക്കുമായി മാറ്റിയേക്കാവുന്ന ഒരു കണ്ടുപിടിത്തവുമായി ലിഗർ മൊബിലിറ്റി എന്ന ഇന്ത്യൻ സ്റ്റാർട്ട്-അപ്പ് കമ്പനി മുമ്പോട്ട് വന്നിരിക്കുകയാണ്.
IIT, ISB പൂർവ്വ വിദ്യാർത്ഥികളുടെ ഒരു കൂട്ടായ്മയാണ് ഈ സ്റ്റാർട്ട്-അപ്പ് കമ്പനിക്കു പിന്നിൽ. സ്വയം ബാലൻസ് ചെയ്യാൻ കഴിയുന്നതും, വോയ്സ് കമാൻഡുകൾ അനുസരിക്കുകയും ചെയ്യുന്ന സ്കൂട്ടറിനെയാണ് ഇവർ അവതരിപ്പിച്ചത്.
ഇപ്പോഴും സ്കൂട്ടറിന്റെ നിർമ്മാണം പ്രോട്ടോടൈപ്പ് ഘട്ടത്തിലാണ്, ഇത് യാഥാർത്ഥ്യമാകുവാൻ അൽപ്പം സമയമെടുക്കും. ലിഗർ മൊബിലിറ്റി സഹസഹസ്ഥാപകനായ അശുതോഷ് ഉപാധ്യായ സ്കൂട്ടറിന് വോയ്സ് കമാൻഡ് നൽകുന്നു.
സ്കൂട്ടറിന് റിവേഴ്സ് കമാൻഡ് ലഭിക്കുന്നതോടെ പാർക്കിംഗ് സ്ലോട്ടിൽ നിന്ന് തനിയെ പിന്നിലേക്ക് വരികയും ചെയ്യുന്നത് വീഡിയോയിൽ കാണാം.
വോയ്സ് ആക്റ്റിവേറ്റഡ് പാർക്കിംഗിന്റെ സവിശേഷത ഇതുവരെ ഒരു വാഹനത്തിലും കണ്ടിട്ടില്ല. നിയന്ത്രിക്കാൻ ആളില്ലാതെ സ്കൂട്ടർ പിന്നിലേക്ക് നീങ്ങുന്നത് രസകരമായ കാഴ്ച്ചയാണ്.
Most Read: ഏഥർ 340 ഇലക്ട്രിക്ക് സ്കൂട്ടർ പിൻവലിച്ചു
സ്കൂട്ടറിന്റെ "ഫീറ്റ് ഓൾവേയ്സ് ഓൺബോർഡ്" എന്ന സവിശേഷതയും വീഡിയോ കാണാം. വാഹനത്തിൽ ഇരിക്കുമ്പോൾ കാലുകൾ തറയിൽ കുത്തി താങ്ങ് നൽകാതെ എല്ലായ്പ്പോഴും ഫ്ലോർബോർഡിൽ കാലുകൾ വയ്ക്കാൻ റൈഡറിനെ ഇത് അനുവദിക്കുന്നു.
Most Read: സൗദിക്കെതിരായ ഡ്രോൺ ആക്രമണം; ഇന്ത്യയിൽ പെട്രോൾ, ഡീസൽ വിലകൾ വർധിക്കും
സ്കൂട്ടറിനായി വികസിപ്പിച്ചെടുത്ത ഒരു ഉപകരണമാണ് വാഹനത്തിന്റെ ബാലൻസ് തനിയെ നിലനിർത്തുന്നത്. ഇനി താഴെ വീഴുന്നതിനെക്കുറിച്ച് റൈഡർക്ക് ആശങ്കപ്പെടേണ്ടതില്ല.
Most Read: പുതുക്കിയ മോട്ടോർ വാഹന നിയമം പൊല്ലാപ്പാകുന്നു; ആത്മഹത്യ ഭീഷണിയുമായി യുവതി -വീഡിയോ
ഏത് വശങ്ങളിൽ നിന്ന് വരുന്ന ബാഹ്യ ശക്തിയേയും ചെറുത്ത് നിൽക്കാനും അതേയളവിൽ ഫോർസ് തിരികെ നൽകി നിവർന്നുനിൽക്കാനും ഈ ഉപകരണം സജീവമായി പ്രവർത്തിക്കുന്നു.
സ്കൂട്ടറിൽ ആരെങ്കിലും ഇരിക്കുമ്പോൾ അവർ അനങ്ങുമ്പോഴും, തിരിയുമ്പോഴുമുണ്ടാവുന്ന അനക്കങ്ങളേയും ശക്തികളെയും ചെറുക്കാനും സമനില പാലിക്കാനും കഴിയുന്നു.
മാത്രമല്ല, സ്കൂട്ടറിന് വശത്തു നിന്ന് ഒരു ഇടി ലഭിക്കുകയാണെങ്കിലും, താഴെ വീഴാതെ നിവർന്നുനിൽക്കുവാനും, റൈഡറിന്റെ സുരക്ഷയും ഇത് ഉറപ്പാക്കും.
രണ്ട് വർഷത്തെ ഗവേഷണത്തിനും നിരവധി പ്രോട്ടോടൈപ്പുകൾക്കും ശേഷമാണ് ലിഗറിന്റെ സംഘം ഈ ഉപകരണം വികസിപ്പിച്ചെടുത്തത്.
സാധാരണ പെട്രോൾ, ഇലക്ട്രിക് സ്കൂട്ടറുകളിൽ ഇഴ ഘടിപ്പിക്കാൻ കഴിയും. വാഹത്തിൽ ഈ ഉപകരണം ഇൻസ്റ്റോൾ ചെയ്യുമ്പോൾ സ്കൂട്ടറിന്റെ വില 10 ശതമാനം മാത്രമേ വർദ്ധിപ്പിക്കൂ എന്നാണ് ലിഗറിന്റെ അവാകാശവാദം.
വലിയ തോതിൽ വാണിജ്യ ഉൽപാദനത്തിന് ഉപകരണം എപ്പോൾ തയ്യാറാകുമെന്നും വിപണിയിലെ എല്ലാ സ്കൂട്ടറുകൾക്കും ഇത് ലഭ്യമാകുമോ എന്നുമുള്ള കാര്യങ്ങളെക്കുറിച്ച് നിലവിൽ വ്യക്തതയൊന്നുമില്ല.
എന്നിരുന്നാലും, ലോകത്തിലെ ഏറ്റവും വലിയ ഇരുചക്ര വാഹന വിപണികളിലൊന്നായ ഇന്ത്യൻ വിപണിയിൽ വിജയിക്കാൻ വളരെയധികം സാധ്യതകളുള്ള ഒരു ആശയമാണിത്.
ലോകത്തിലെ ആദ്യത്തെ സ്വയം ബാലൻസിംഗ് പ്രോട്ടോടൈപ്പ് സ്കൂട്ടറല്ലയിത്. നേരത്തെ, പ്രമുഖ വാഹന നിർമ്മാതാക്കളായ ഹോണ്ട, ബിഎംഡബ്ല്യു എന്നിവ സ്വയം ബാലൻസ് ചെയ്യാൻ കഴിയുന്ന പ്രോട്ടോടൈപ്പ് ഉൽപ്പന്നങ്ങൾ പ്രദർശിപ്പിച്ചിരുന്നു.
ഇത്തരം സ്കൂട്ടറുകൾ വിപണിയിൽ അവതരിപ്പിക്കുവാൻ വർഷങ്ങൾ കാത്തിരിക്കണം, ധാരാളം പരിശോധനയും ഗവേഷണവും ഇതിന് ആവശ്യമാണ്. ഇതുപോലെയുള്ള ഉപകരണങ്ങൾ സമീപഭാവിയിൽ ഇരുചക്ര വാഹനങ്ങൾക്ക് ലഭ്യമാകുമെന്ന് പ്രതീക്ഷിക്കാം.