FZ FI, FZ-S FI മോഡലുകൾ തിരിച്ചുവിളിച്ച് യമഹ

2019 ഒക്ടോബർ മുതൽ നിർമ്മിച്ച യമഹ FZ-FI, FZ-S FI മോട്ടോർസൈക്കിളുകളാണ് ഈ തിരിച്ചുവിളിക്കൽ ക്യാമ്പയിനിന്റെ പരിധിയിൽ ഉൾപ്പെടുത്തുന്നത്. ബന്ധപ്പെട്ട വാഹനങ്ങളുടെ ഉടമകളെ അതാത് ഡീലർമാർ വ്യക്തിഗതമായി ബന്ധപ്പെടുകയും പിൻവശത്തെ റിഫ്ലക്ടറിന്റെ ന്യൂനതകൾ സൗജന്യമായി പരിഹരിച്ചു കൊടുക്കുകയും ചെയ്യും.

പുതിയ സുരക്ഷാ മാനദണ്ഡങ്ങൾക്കനുസരിച്ച് വാഹനങ്ങളിൽ റിഫ്ലക്ടറുകൾ നിർബന്ധമാണ്. കൂടാതെ വാഹന നിർമ്മാതാക്കൾ അവരുടെ ചട്ടങ്ങൾ പാലിക്കുന്നതിന്റെ ഭാഗമാണ് ഈ തിരിച്ചുവിളിക്കൽ പ്രക്രിയ. തിരിച്ചുവിളിക്കുന്നത് വാഹനത്തിന്റെ പ്രകടനവുമായി ബന്ധപ്പെട്ട അപാകതകൾ അല്ലെന്നും കമ്പനി സ്ഥിരീകരിച്ചു.

ബി‌എസ്-VI പരിഷ്ക്കരണത്തോടു കൂടിയ FZ FI, FZ-S FI മോഡലുകൾ 2019 നവംബറിൽ യമഹ ഇന്ത്യൻ വിപണിയിൽ എത്തിച്ചു. ജനപ്രിയ സ്ട്രീറ്റ് ഫൈറ്ററിന്റെ 149 സിസി സിംഗിൾ സിലിണ്ടർ ഫ്യുവൽ ഇഞ്ചക്റ്റഡ് എഞ്ചിൻ നിലനിർത്തിയാണ് നവീകരണം പൂർത്തിയാക്കിയത്. എന്നാൽ കംപ്രഷൻ അനുപാതം 9.5: 1 ൽ നിന്ന് 9.6: 1 ആയി കമ്പനി വർധിപ്പിച്ചു.

ബി‌എസ്-IV പതിപ്പിൽ 13.2 bhp കരുത്തും 12.8 Nm torque ഉം ഉത്പാദിപ്പിച്ചിരുന്ന സ്ഥാനത്ത് ബി‌എസ്-VI കംപ്ലയിന്റ് എഞ്ചിൻ‌ 12.4 bhp പവറും 13.6 Nm torque ഉം സൃഷ്ടിക്കുന്നു. പീക്ക് പവറും ടോർഖും മുമ്പത്തേതിനേക്കാൾ അല്പം പുതുക്കിയിട്ടുണ്ട്. 5 സ്പീഡ് ഗിയർബോക്സുമായാണ് എഞ്ചിൻ ജോടിയാക്കിയിരിക്കുന്നത്.

ബി‌എസ്-VI പരിഷ്ക്കരണത്തിന്റെ ഭാഗമായി യമഹ FZ FI, FZ-S FI മോഡലുകളിൽ മെറ്റാലിക്ക് റെഡ്, ഡാർക്ക് നൈറ്റ് എന്നീ രണ്ട് പുതിയ കളർ ഓപ്ഷനുകൾ അവതരിപ്പിച്ചിട്ടുണ്ട്. ഇത് മാറ്റി നിർത്തിയാൽ മാറ്റ് മെച്ചപ്പെടുത്തലുകളൊന്നും തന്നെ മോട്ടോർസൈക്കിളുകൾക്ക് ലഭിച്ചിട്ടില്ല.

യമഹ FZ-FI, FZ-S FI V3.0 BS6 എന്നിവയുടെ എക്സ്ഷോറൂം വില യഥാക്രമം 99,200, 1.01 ലക്ഷം രൂപ എന്നിങ്ങനെയാണ്. ബി‌എസ്-IV പതിപ്പിൽ നിന്ന് 2,600 രൂപയുടെ വർധനവ് മാത്രമാണ് ഉണ്ടായിരിക്കുന്നതെന്ന കാര്യം വളരെ ശ്രദ്ധേയമാണ്.

Most Read: 3000 കോടിയുടെ നിക്ഷേപത്തിനൊരുങ്ങി എംജി; ഇന്ത്യയിലേക്ക് നാല് പുതിയ മോഡലുകളും

ഉപകരണങ്ങളുടെ കാര്യത്തിൽ, സ്റ്റാൻഡേർഡ് സിംഗിൾ-ചാനൽ എബിഎസ് ഉള്ള സ്ട്രീറ്റ് ഫൈറ്റർ ഡ്യുവോ സ്പോർട്സ് ഫ്രണ്ട്, റിയർ ഡിസ്ക് ബ്രേക്കുകൾ, ഡിജിറ്റൽ നെഗറ്റീവ് എൽഇഡി ഇൻസ്ട്രുമെന്റ് കൺസോൾ, എൽഇഡി ഹെഡ്‌ലൈറ്റ്‌, റിയർ റേഡിയൽ ടയർ തുടങ്ങിയവ വാഹനത്തിൽ ഉൾപ്പെടുന്നു.

Most Read: അഞ്ച് വര്‍ഷം; മാരുതി വിറ്റഴിച്ചത് 6 ലക്ഷം ഓട്ടോമാറ്റിക്ക് കാറുകള്‍

ജാപ്പനീസ് ഇരുചക്ര വാഹന നിർമ്മാതാക്കളായ യമഹ അതിന്റെ ബാക്കി ബി‌എസ്-VI ലൈനപ്പുകളെ ഘട്ടംഘട്ടമായി പരിഷ്ക്കരിച്ച് വിപണിയിൽ എത്തിക്കാൻ ഒരുങ്ങുകയാണ്. ഡിസംബർ 19-ന് ഒരു പുതിയ ഉൽപ്പന്നം പുറത്തിറക്കാനും കമ്പനി തയ്യാറെടുക്കുകയാണ്.

Most Read: ബിഎസ്-VI മോഡലുകൾ 2021-ൽ അവതരിപ്പിക്കാൻ മാരുതി സുസുക്കി

ഇത് ഫാസിനോ ഫെയ്‌സ്‌ലിഫിന്റെയും ബി‌എസ്-VI കംപ്ലയിന്റ് പതിപ്പ് ആയിരിക്കുമെന്നാണ് ലഭിക്കുന്ന സൂചന. മുൻ സ്പൈ ചിത്രങ്ങൾ സൂചിപ്പിക്കുന്നതു പോലെ 2020 യമഹ ഫാസിനോ ഓട്ടോമാറ്റിക് സ്കൂട്ടറിന് ശ്രദ്ധേയമായ കോസ്മെറ്റിക് പരിഷ്ക്കരണങ്ങൾ ലഭിക്കും. അതോടെൊപ്പം എഞ്ചിന് ഫ്യുവൽ ഇഞ്ചക്ഷൻ സംവിധാനവും ലഭിക്കാൻ സാധ്യതയുണ്ട്.