Just In
- 10 hrs ago പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര
- 11 hrs ago അപ്പോ സൈക്കിളിൽ പ്രത്യക്ഷപ്പെട്ടത് ഇതിനായിരുന്നല്ലേ, വണ്ടിക്കമ്പനി മുതലാളിയായി ധോണി
- 12 hrs ago അക്ഷരം തെറ്റാതെ വിളിക്കാം 'മനിതന്'! അംഗപരിമിതരായ 13 കലാകാരന്മാര്ക്ക് സ്കൂട്ടര് സമ്മാനിച്ച് ലോറന്സ്
- 13 hrs ago വ്ലോഗിംഗും തുണിക്കടയും ഹിറ്റ്, 48 ലക്ഷത്തിന്റെ പുത്തൻ ഇലക്ട്രിക് കാർ സ്വന്തമാക്കിയ ഈ നടിയെ അറിയുമോ?
Don't Miss
- News കണ്ണൂരിനെ ആവേശക്കടലാക്കി രാഹുല് ഗാന്ധിയെത്തി
- Sports IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ്
- Lifestyle സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി
- Movies അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല
- Technology വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ
- Finance തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ്
- Travel ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ബിഎസ്-VI മോഡലുകൾ 2021-ൽ അവതരിപ്പിക്കാൻ മാരുതി സുസുക്കി
രാജ്യത്തെ ഏറ്റവും വലിയ വാഹന നിർമ്മാതാക്കളായ മാരുതി സുസുക്കി തങ്ങളുടെ ഡീസൽ വാഹന ശ്രേണി പുതിയ ബിഎസ്-VI മലിനീകരണ മാനദണ്ഡങ്ങൾക്ക് അനുസരിച്ച് പരിഷ്ക്കരിച്ചു വരികയാണ്. എന്നാൽ ഒരു ഡീസൽ മോഡലും ഏപ്രിൽ ഒന്നിനു മുമ്പായി വിൽപ്പനയ്ക്കെത്തിക്കില്ലെന്നാണ് പുതിയ റിപ്പോർട്ടുകൾ സൂചിപ്പിക്കുന്നത്.
പക്ഷേ ഡീസൽ വാഹന വിഭാഗത്തിൽ നിന്നും പൂർണമായും പിൻമാറാൻ കമ്പനി തയ്യാറായിട്ടുമില്ല എന്നത് രസകരമാണ്. തങ്ങളുടെ ശ്രേണിയിലേക്ക് ബിഎസ്-VI ഡീസൽ എഞ്ചിൻ അവതരിപ്പിക്കാൻ കമ്പനി ഒരു വർഷമോ അതിൽ കൂടുതലോ എടുക്കുമെന്നാണ് ലഭിക്കുന്ന സൂചന.
എങ്കിലും 2020 സാമ്പത്തിക വർഷത്തിൽ ഒരു ഡീസൽ യൂണിറ്റ് മാത്രം പുറത്തിറക്കാനും മാരുതി പദ്ധതിയിടുന്നുണ്ട്. അതിനുശേഷം വിപണിയിൽ നിന്നും ലഭിക്കുന്ന പ്രതികരണത്തിന് അനുസരിച്ചായിരിക്കും കമ്പനി മറ്റ് മോഡലുകൾ വിപണിയിലെത്തിക്കുക.
നിലവിൽ മാരുതി സുസുക്കിക്ക് മൂന്ന് ഡീസൽ എഞ്ചിനുകളാണുള്ളത്. ആദ്യത്തേത് 2015-ൽ അവതരിപ്പിച്ച സുസുക്കി വികസിപ്പിച്ച E08A 0.8L രണ്ട് സിലിണ്ടർ യൂണിറ്റാണ്. അതോടൊപ്പം D13A 1.3L നാല് സിലിണ്ടർ യൂണിറ്റും ഉണ്ട്. ഇത് ഫിയറ്റ്-ജിഎം സഹകരിച്ച് വികസിപ്പിക്കുകയും ഫിയറ്റ് തിരികെ അന്താരാഷ്ട്ര തലത്തിൽ അവതരിപ്പിക്കുകയും ചെയ്തു.
2003-ൽ ഇതിനെ ആന്തരികമായി SDE (സ്മോൾ ഡിസൈൻ എഞ്ചിൻ) എന്ന് വിളിക്കുന്നു. ഇന്ത്യൻ വാഹന നിർമ്മാതാക്കളുടെ ഏറ്റവും വലിയ ഡീസൽ എഞ്ചിൻ ഈ വർഷം ആദ്യം അവതരിപ്പിച്ച സുസുക്കി വികസിപ്പിച്ച ഇ E15A 1.5 ലിറ്റർ നാല് സിലിണ്ടർ യൂണിറ്റാണ്.
ഈ മൂന്ന് ഡീസൽ എഞ്ചിനുകളിൽ, E15A 1.5L ഡീസൽ എഞ്ചിൻ മാത്രമാകും കമ്പനി ബിഎസ്-VI-ലേക്ക് പരിഷ്ക്കരിക്കുകയുള്ളൂ. അതിനാൽ, ഭാവിയിൽ അവതരിപ്പിക്കുന്ന സബ് -4 മീറ്റർ മോഡലുകളിൽ ഭൂരിഭാഗവും പെട്രോൾ എഞ്ചിനുകൾ അല്ലെങ്കിൽ പെട്രോൾ-സിഎൻജി എഞ്ചിനുകൾ ഉപയോഗിച്ചാകും വിപണിയിൽ എത്തും.
ചെറിയ ഡീസൽ എഞ്ചിനുകൾ നിർത്തലാക്കിയതിലൂടെ ഉണ്ടായ വിൽപ്പനയിലെ ഇടിവ് നികത്താൻ മാരുതി സുസുക്കി അതിന്റെ സബ്-4 മീറ്റർ മോഡലുകൾക്കായി പെട്രോൾ-സിഎൻജി എഞ്ചിനുകളെ ആശ്രയിക്കുന്നത് വർധിപ്പിക്കും. കൂടാതെ മാരുതി ബലേനോയ്ക്ക് പുറമെ കൂടുതൽ ചെറിയ മോഡലുകളിലും 12V മൈൽഡ്-ഹൈബ്രിഡ് സാങ്കേതികവിദ്യയും കമ്പനി വാഗ്ദാനം ചെയ്തേക്കാം.
Most Read: സിയാസ്, എർട്ടിഗ, എസ്-ക്രോസ് മോഡലുകൾക്ക് 1.5 ബിഎസ് VI ഡീസൽ എഞ്ചിൻ നൽകാനൊരുങ്ങി മാരുതി
2021-ൽ ബിഎസ്-VI E15A 1.5 ലിറ്റർ ഡീസൽ എഞ്ചിൻ ലഭിക്കുന്ന ആദ്യത്തെ മോഡലാകാം മാരുതി എർട്ടിഗ. ഈ മോഡലിന്റെ ഇന്ത്യൻ നിരത്തിലെ പരീക്ഷണയോട്ടം കമ്പനി ഇതിനോടകം തന്നെ ആരംഭിച്ചിട്ടണ്ട്. ഇതോടൊപ്പം മാരുതി സുസുക്കി ഒരു പൂർണ ഹൈബ്രിഡ് പവർട്രെയിനും വികസിപ്പിക്കുന്നു.
Most Read: 2020 ഓട്ടോ എക്സ്പോയിൽ അരങ്ങേറ്റം കുറിക്കാനൊരുങ്ങി ടൊയോട്ട വിറ്റാര ബ്രെസ
എന്നാൽ അതും മാരുതി സിയാസ്, മാരുതി എർട്ടിഗ, മാരുതി എസ്-ക്രോസ് തുടങ്ങിയ വിലയേറിയ മോഡലുകളിൽ മാത്രമായിരിക്കും ഇടംപിടിക്കുക.
Most Read: ഇന്ത്യയിൽ അരങ്ങേറ്റം കുറിക്കാനൊരുങ്ങി ലാൻഡ് റോവർ ഡിസ്കവറി സ്പോർട്ട് ഫെയിസ്ലിഫ്റ്റ്
ഹ്യുണ്ടായി, മഹീന്ദ്ര, ടാറ്റ മോട്ടോർസ്, ഹോണ്ട എന്നിവയുൾപ്പെടെ മാരുതി സുസുക്കിയുടെ വിപണിയിലെ പ്രമുഖ എതിരാളി ബ്രാൻഡുകളെല്ലാം തങ്ങളുടെ ഡീസൽ ശ്രേണി ബിഎസ്-VI നിലവാരത്തിലേക്ക് നവീകരിച്ചു കൊണ്ടിരിക്കുകയാണ്.
ഫോക്സ്വാഗനും സ്കോഡയും ബിഎസ്-VI ഡീസൽ എഞ്ചിൻ മോഡലുകൾ ഇറക്കുമതി ചെയ്യാൻ തീരുമാനിച്ചപ്പോൾ റെനോയും നിസാനും ഇതുവരെ ഡീസൽ യൂണിറ്റുകളുടെ പരിഷ്ക്കരിച്ച മോഡലുകളെ വിപണിയിൽ എത്തിക്കുന്നതിനെ കുറിച്ച് തീരുമാനത്തിലെത്തിയിട്ടില്ല.
കഴിഞ്ഞ സാമ്പത്തിക വർഷം മാരുതി സുസുക്കി 500,000 ഡീസൽ വാഹനങ്ങൾ വിറ്റഴിച്ചു. ഈ കണക്കുകൾ ഈ സാമ്പത്തിക വർഷത്തിൽ പകുതിയോളം കുറയുമെന്നാണ് കമ്പനിയുടെ വിലയിരുത്തൽ. അടുത്ത ദശകത്തിന്റെ തുടക്കത്തിൽ 1.5 ലിറ്റർ ഡീസൽ എഞ്ചിൻ വീണ്ടും അവതരിപ്പിക്കുന്നതോടെ വിൽപ്പന വീണ്ടും കൂടുമെന്നാണ് കമ്പനി പ്രതീക്ഷിക്കുന്നത്.