സിയാസ്, എർട്ടിഗ, എസ്-ക്രോസ് മോഡലുകൾക്ക് 1.5 ബിഎസ് VI ഡീസൽ എഞ്ചിൻ നൽകാനൊരുങ്ങി മാരുതി

വിപണി വിഹിതം ബ്രാൻഡിന് നഷ്ടമാകാൻ ഇടയാക്കുന്നതിനാൽ ഡീസൽ എഞ്ചിനുകൾ ഒഴിവാക്കാനുള്ള പദ്ധതി മാരുതി സുസുക്കി വീണ്ടും വിലയിരുത്തുന്നുണ്ടെന്ന് അടുത്തിടെ പുറത്തുവന്ന ഒരു റിപ്പോർട്ടിൽ സൂചിപ്പിക്കുന്നു.

നേരെമറിച്ച്, മാരുതി സുസുക്കിയുടെ പ്രധാന എതിരാളികളായ ഹ്യുണ്ടായി പോലുള്ളവ ഡീസൽ എഞ്ചിനുകൾ വാഗ്ദാനം ചെയ്യുന്നത് തുടരും.

നമുക്കറിയാവുന്നതുപോലെ നിലവിലുള്ള ഡീസൽ യൂണിറ്റുകൾ വിപണിയിൽ നിന്ന് പിൻ വലിക്കും പുതിയ ബി‌എസ്‌ VI കംപ്ലയിന്റ് എഞ്ചിനുകൾ 2021 -ൽ ആരംഭിക്കാൻ പദ്ധതികൾ ആവിഷ്കരിച്ചിട്ടുണ്ട്.

അടുത്തിടെ നടത്തിയ ഒരു അഭിമുഖത്തിൽ ആവശ്യങ്ങൾ നിലനിൽക്കുന്ന ഡീസൽ മോട്ടോറുകൾ വീണ്ടും പരിഗണിക്കാൻ കമ്പനി തയ്യാറാണെന്ന് മാരുതി സുസുക്കി ചെയർമാൻ ആർ സി ഭാർഗവ പറഞ്ഞു.

ഇന്തോ-ജാപ്പനീസ് നിർമാതാക്കൾ പുതിയ 1.5 ലിറ്റർ ഡീസൽ എഞ്ചിൻ വികസിപ്പിക്കുകയാണ് എന്ന് പറയപ്പെടുന്നു. സിയാസ്, എർട്ടിഗ, എസ്-ക്രോസ് തുടങ്ങിയ മോഡലുകളിൽ ഇത് ആദ്യം ലഭ്യമാകും.

മാത്രമല്ല, വിറ്റാര ബ്രെസ്സയും അല്പം കൂടുതൽ പ്രീമിയം ഏഴ് സീറ്റർ സബ് കോംപാക്റ്റ് എസ്‌യുവിക്കും ഒരേ പവർട്രെയിൻ ഉപയോഗിക്കും.

വരാനിരിക്കുന്ന വിറ്റാര ബ്രെസ ഫെയ്‌സ്‌ലിഫ്റ്റിന് ബി‌എസ്‌ VI പെട്രോൾ എഞ്ചിൻ ലഭിക്കും. 1.5 ലിറ്റർ K15B SHVS നാല് സിലിണ്ടർ യൂണിറ്റ് 104.7 bhp കരുത്തും 138 Nm torque ഉം ഉത്പാദിപ്പിക്കുമെന്നാണ് പ്രതീക്ഷിക്കുന്നത്.

വരാനിരിക്കുന്ന അഞ്ച് സീറ്ററായ പുനർനിർമ്മിച്ച ടൊയോട്ട പതിപ്പിലേക്കും ഈ എഞ്ചിൻ ഉപയോഗിച്ചേക്കാം, ഫെബ്രുവരിയിൽ 2020 ഓട്ടോ എക്‌സ്‌പോയിൽ ഈ റീബാഡ്ജ്ഡ് പതിപ്പ് അരങ്ങേറും.

Most Read: വില്‍പ്പന വര്‍ധിച്ചു; ഉത്പാദനം 4 ശതമാനം ഉയര്‍ത്തി മാരുതി

ഉയർന്ന അളവിൽ വിൽപ്പനയുള്ള താഴ്ന്ന വിഭാഗങ്ങളിൽ, ഡീസലിനെ മറികടക്കാൻ മാരുതി സുസുക്കി ഹൈബ്രിഡ് എഞ്ചിനുകൾ (കൂടുതലും മൈൽഡ്-ഹൈബ്രിഡ്) വാഗ്ദാനം ചെയ്യും.

Most Read: ട്രൈബറിന് കൂടുതൽ കരുത്തേകാൻ റെനോ

കൂടാതെ ഭാവിയിൽ ശുദ്ധമായ അന്തരീക്ഷം സൃഷ്ടിക്കുന്നതിന് സി‌എൻ‌ജിയെ ഒരു മികച്ച ഓപ്ഷനായി കമ്പനി കണക്കാക്കുന്നു. ഫിയറ്റിൽ നിന്നും കടമെടുത്ത 1.3 ലിറ്റർ DDis 200 നാല് സിലിണ്ടർ എഞ്ചിൻ നിരവധി വർഷങ്ങളായി മാരുതി സുസുക്കി ഉപയോഗിക്കുന്നു.

Most Read: ഹ്യുണ്ടായി ഗ്രാൻഡ് i10 നിയോസ്; അറിഞ്ഞിരിക്കേണ്ട കാര്യങ്ങൾ

നവീകരണത്തിലെ ചെലവുകൾ കാരണം ഇന്ധനക്ഷമതയുള്ള എഞ്ചിൻ 2020 ഏപ്രിലിൽ വിപണിയിൽ എത്തില്ല. അതിനാൽ പുതിയ 1.5 ലിറ്റർ ഡീസൽ ബി‌എസ്‌ VI എഞ്ചിൻ സമീപഭാവിയിൽ ടൊയോട്ടയ്ക്കും മാരുതി വിതരണം ചെയ്യുന്നതിനായി പരിഗണിക്കാം.