ഗ്ലാമറിന്റെ വിൽപ്പനയിൽ വൻ കുതിപ്പ്; കഴിഞ്ഞ മാസം നിരത്തിലെത്തിച്ചത് 78,439 യൂണിറ്റുകൾ

2020 ഒക്ടോബറിൽ രാജ്യത്ത് ഏറ്റവുമധികം വിൽപ്പന നേടിയ കമ്പനിയായി ഹീറോ മോട്ടോകോർപ് മാറി. മൊത്തം 7,91,137 മോട്ടോർസൈക്കിളുകളാണ് കമ്പനി നിരത്തുകളിൽ എത്തിച്ചത്.

എൻ‌ട്രി ലെവൽ കമ്മ്യൂട്ടർ ശ്രേണിയിൽ ബ്രാൻഡ് മികച്ച പ്രകടനം കാഴ്ചവെച്ചതിനാൽ വാർ‌ഷികാടിസ്ഥാനത്തിലുള്ള വിൽപ്പന 34.8 ശതമാനമായി ഉയർന്നു. വിപണി വിഹിതത്തിലും 5.12 ശതമാനത്തിന്റെ വർധനവും ഹീറോ കണ്ടെത്തി.

MOST READ: ഡിയോ, ഹോര്‍നെറ്റ് 2.0 മോഡലുകള്‍ക്ക് റെപ്സോള്‍ പതിപ്പുമായി ഹോണ്ട

ഏറ്റവും ശ്രദ്ധേയമായത് ഹീറോ ഗ്ലാമറിന്റെ പ്രകടനമാണ്. 2020 ഒക്ടോബറിൽ മോഡലിന്റെ 78,439 യൂണിറ്റുകളാണ് രാജ്യത്തുടനീളം എത്തിയത്. 2019 ൽ ഇതേ കാലയളവിൽ 40,896 യൂണിറ്റുകളാണ് കമ്പനി വിറ്റത്. ഇത്തവണയത് 91 ശതമാനം വളർച്ചയോടെ ഹീറോയുടെ നട്ടെല്ലായി.

2019 ഒക്ടോബറുമായി താരതമ്യപ്പെടുത്തുമ്പോൾ ഹീറോ 37,543 ഗ്ലാമറുകൾ കൂടി വിറ്റു. ഇത് മൊത്തം 5.55 ശതമാനം വിഹിതത്തിലേക്കാണ് നയിച്ചത്. ബി‌എസ്‌-VI മാനദണ്ഡങ്ങൾക്ക് മുന്നോടിയായി തന്നെ ഗ്ലാമറിന്റെ പരിഷ്ക്കരിച്ച മോഡലിനെ അവതരിപ്പിച്ചിരുന്നു.

MOST READ: ചേതക് ഇല‌ക്ട്രിക്കിന്റെ 1,000 യൂണിറ്റ് വിൽപ്പന പൂർത്തീകരിച്ച് ബജാജ്

ഹീറോ ഗ്ലാമർ ബ്ലെയ്‌സിന് 72,200 രൂപയാണ് എക്സ്ഷോറൂം വില. സാദാരണ കമ്യൂട്ടർ ശ്രേണി ബൈക്കുകളുമായി താരതമ്യപ്പെടുത്തുമ്പോൾ ഇതിന് രണ്ട് പുതിയ സവിശേഷതകൾ കമ്പനി പരിയപ്പെടുത്തുന്നുണ്ട്.

ആദ്യത്തേത് ഒരു പുതിയ മാറ്റ് വെർനിയർ ഗ്രേ കളറാണ്. രണ്ടാമത്തേത് യുഎസ്ബി ചാർജറും. 125 സിസി ഫൈ എഞ്ചിനാണ് ഗ്ലാമറിന്റെ ഹൃദയം. ഇത് 7,500 rpm-ൽ പരമാവധി 10.7 bhp കരുത്തും 6,000 rpm-ൽ 10.6 Nm torque ഉം ഉത്പാദിപ്പിക്കാൻ ശേഷിയുള്ളതാണ്.

MOST READ: കരുത്തായി പൾസർ ശ്രേണി; ഒക്‌ടോബറിൽ ബജാജിന് ലഭിച്ചത് ഏറ്റവും ഉയർന്ന പ്രതിമാസ വിൽപ്പന

ഐഡിൾ സ്റ്റാർട്ട് / സ്റ്റോപ്പ്, ഓട്ടോ സെയിൽ ടെക് എന്നിവയും ഹീറോ ഗ്ലാമറിന്റെ പ്രത്യേകതയാണ്. അഞ്ച് സ്പീഡ് ഗിയര്‍ബോക്‌സുമായാണ് എഞ്ചിന്‍ ജോടിയാക്കിയിരിക്കുന്നത്. ഡയമണ്ട് ഫ്രെയിമിനെ അടിസ്ഥാനമാക്കിയാണ് മോട്ടോര്‍സൈക്കിള്‍ നിര്‍മിച്ചിരിക്കുന്നത്.

മുന്നില്‍ ടെലിസ്‌കോപ്പിക് ഫോര്‍ക്കുകളും പിന്‍വശത്ത് അഞ്ച് ഘട്ടമായി ക്രമീകരിക്കാവുന്ന ഹൈഡ്രോളിക് ഷോക്കുകളും ഹീറോ ഗ്ലാമറിന്റെ സസ്‌പെന്‍ഷന്‍ ചുമതലകള്‍ കൈകാര്യം ചെയ്യുന്നു. 18 ഇഞ്ച് അലോയ് വീലുകളാണ് മോട്ടോർസൈക്കിളിന്റെ മറ്റൊരു പ്രത്യേകത.

വേരിയന്റിനെ ആശ്രയിച്ച് മുന്‍വശത്ത് 130 mm ഡ്രം ബ്രേക്ക് അല്ലെങ്കില്‍ 240 mm ഡിസ്‌ക് ബ്രേക്കും ലഭിക്കും. പിന്നില്‍ 130 mm ഡ്രം ബ്രേക്കാണ് ഹീറോ സുരക്ഷയ്ക്കായി നല്‍കിയിരിക്കുന്നത്.