കൂടുതൽ കരുത്തിലും പുതിയ നിറങ്ങളിലും CBR 250 RR അവതരിപ്പിച്ച് ഹോണ്ട

പുതിയ മോഡലിൽ കമ്പനി ഡിസൈൻ മാറ്റങ്ങളൊന്നും നടപ്പാക്കിയിട്ടില്ല. എന്നാൽ 2021 CBR 250 RR -ന്റെ 249 സിസി ഇരട്ട സിലിണ്ടർ എഞ്ചിനിൽ ഹോണ്ട നിരവധി മാറ്റങ്ങൾ വരുത്തിയിട്ടുണ്ട്.

പിസ്റ്റണുകൾ പുതുതായി രൂപകൽപ്പന ചെയ്തവയാണ്, പിസ്റ്റൺ റിംഗുകളിൽ ഒരു ടിൻ പ്ലേറ്റിംഗും നൽകിയിരിക്കുന്നു, കണക്ടിംഗ് റോഡുകൾ കാർബറൈസ് ചെയ്തിരിക്കുന്നു, ഇഗ്നിഷൻ ടൈമിംഗിലുംൽ മാറ്റം വരുത്തിയിട്ടുണ്ട്.

MOST READ: പുത്തൻ ഔട്ട്ലാൻഡറുമായി കളംനിറയാൻ മിത്സുബിഷി; അവതരണം അടുത്ത വർഷം

ജാപ്പനീസ് കമ്പനി ഇൻ‌ടേക്ക് സിസ്റ്റം ഒപ്റ്റിമൈസ് ചെയ്യുകയും മഫ്ലറിന്റെ ആന്തരിക ഘടനയിൽ മാറ്റം വരുത്തുകയും ചെയ്തു. ഇസിയുവും പുനർനിർമ്മിച്ചിരിക്കുന്നു.

എഞ്ചിനിൽ നിന്ന് കൂടുതൽ ഊർജ്ജവും torque ഉം എടുക്കാൻ ഹോണ്ടയെ ഈ മാറ്റങ്ങളെല്ലാം സഹായിച്ചിട്ടുണ്ട്. 2021 ഹോണ്ട CBR 250 RR 13,000 rpm -ൽ 41 bhp കരുത്തും 11,000 rpm -ൽ 25 Nm torque ഉം ഉത്പാദിപ്പിക്കുന്നു.

MOST READ: യുഎസ് വിപണിയിൽ കോന നൈറ്റ് എഡിഷൻ അവതരിപ്പിച്ച് ഹ്യുണ്ടായി

താരതമ്യപ്പെടുത്തുമ്പോൾ, 2019 മോഡൽ 12,500 rpm -ൽ 38 bhp കരുത്തും 11,000 rpm -ൽ 23 Nm torque ഉം പുറപ്പെടുവിച്ചിരുന്നു.

പുതിയ മോട്ടോർസൈക്കിളിൽ സ്ലിപ്പറും അസിസ്റ്റ് ക്ലച്ചും ഒരു ഓപ്ഷണൽ ക്വിക്ക് ഷിഫ്റ്ററും ഉൾക്കൊള്ളുന്നു. മുൻ മോഡലിനേക്കാൾ ഒരു കിലോഗ്രാം കൂടി നിലവിൽ 168 കിലോഗ്രാം ഭാരമാണ് ബൈക്കിനുള്ളത്.

MOST READ: എസ്-ക്രോസ് പെട്രോളിനായുള്ള ഔദ്യോഗിക ബുക്കിംഗ് ആരംഭിച്ച് മാരുതി

രൂപകൽപ്പനയുടെ കാര്യത്തിൽ, 2021 ഹോണ്ട CBR 250 RR -ൽ വലിയ മാറ്റങ്ങളൊന്നും നടപ്പാക്കിയിട്ടില്ല. ഇരട്ട-എൽഇഡി ഹെഡ്‌ലാമ്പ് സജ്ജീകരണവും ഇരട്ട ബാരൽ എക്‌സ്‌ഹോസ്റ്റും ഉൾക്കൊള്ളുന്ന അഗ്രസ്സീവായ സ്റ്റൈലിംഗിനെ ഇത് തുടർന്നും അവതരിപ്പിക്കുന്നു.

എല്ലാ കോണിൽ നിന്നും മോട്ടോർസൈക്കിൾ വളരെ ആകർഷകവും സ്പോർട്ടിയുമായി തോന്നുന്നു. 2021 മോഡൽ വർഷത്തിൽ ഹോണ്ട നിരവധി നിറങ്ങളും വാഹനത്തിന് നൽകുന്നു.

MOST READ: ബോണവില്ലെ മോഡലുകള്‍ക്ക് പരിമിതകാല ഓഫറുകള്‍ പ്രഖ്യാപിച്ച് ട്രയംഫ്

മാറ്റ് ഗൺ പവർ ബ്ലാക്ക് മെറ്റാലിക്, പേൾ ഗ്ലെയർ വൈറ്റ്, ഗ്രാൻഡ് പ്രിക്സ് റെഡ്, സ്രൈപ്പുകളുള്ള ഗ്രാൻഡ് പ്രിക്സ് റെഡ് എന്നിവ ഉൾപ്പെടെ നാല് കളർ ഓപ്ഷനുകളിൽ 2021 ഹോണ്ട CBR 250 RR ലഭ്യമാണ്. അവയെല്ലാം ഗോൾഡൺ അലോയി വീലുകളുമായാണ് വരുന്നത്.

എന്നിരുന്നാലും, വിലനിർണ്ണയത്തിൽ ചില വ്യത്യാസങ്ങളുണ്ട്. മാറ്റ് ഗൺ പവർ ബ്ലാക്ക് മെറ്റാലിക്, പേൾ ഗ്ലെയർ വൈറ്റ്, ഗ്രാൻഡ് പ്രിക്സ് റെഡ് നിറങ്ങൾക്ക് 8,21,700 ജാപ്പനീസ് യെൻ ഏകദേശം 5,78,563 രൂപയാണ് വില. എന്നാൽ സ്രൈപ്പുകളുള്ള ഗ്രാൻഡ് പ്രിക്സ് റെഡിന് 8,54,700 ജാപ്പനീസ് യെൻ, ഏകദേശം 6,01,798 രൂപ വിലവരും.

2021 CBR 250 RR -ന്റെ 4,000 യൂണിറ്റുകൾ ജപ്പാനിൽ പ്രതിവർഷം വിൽക്കാൻ ഹോണ്ട പദ്ധതിയിടുന്നു. പുതിയ മോട്ടോർസൈക്കിൾ ഇന്ത്യയിൽ കൊണ്ടുവരാൻ കമ്പനി ആഗ്രഹിക്കുന്നുവെങ്കിലും, അത് സംഭവിക്കാനുള്ള സാധ്യത വളരെ കുറവാണ്.