പുതിയ 890 അഡ്വഞ്ചര്‍ മോട്ടോർസൈക്കിൾ അവതരിപ്പിച്ച് കെടിഎം

സ്റ്റൈലിംഗിന്റെ കാര്യത്തിൽ 890 അഡ്വഞ്ചറിൽ നിന്നും 890 അഡ്വഞ്ചർ R മോഡലിൽ നിന്നും കാര്യമായ ഡിസൈൻ മാറ്റങ്ങളൊന്നും പുതിയ വേരിന്റിലും കമ്പനി അവതരിപ്പിക്കുന്നില്ല. പുതുക്കിയ കളർ ഓപ്ഷനും നീളമുള്ള ഒരു വിൻ‌ഡ്‌ഷീൽ‌ഡും മാത്രമാണ് എടുത്തുപറയാൻ സാധിക്കുന്ന പരിഷ്ക്കരണങ്ങൾ.

2020 ഡിസംബർ മുതൽ 2021 890 അഡ്വഞ്ചർ ആഗോള വിപണിയിൽ വിൽപ്പനയ്‌ക്കെത്തും. അടുത്ത വർഷത്തോടെ ഈ മോഡൽ ഇന്ത്യയിലേക്കും വരാനുള്ള സാധ്യതയുണ്ട്. കെടിഎമ്മിന്റെ മൂന്ന് 890 അഡ്വഞ്ചർ മോഡലുകൾക്കും ഒരേ 889 സിസി പാരലൽ-ട്വിൻ എഞ്ചിനാണ് ലഭിക്കുന്നത്.

MOST READ: ഹൈനസ് ഉടൻ നിരത്തിലേത്തും; മോട്ടോർസൈക്കിളിന്റെ ഡെസ്പാച്ച് ആരംഭിച്ച് ഹോണ്ട

8,000 rpm-ൽ 103 bhp കരുത്തും 6,500 rpm-ൽ 100 Nm torque ഉം ആണ് ഈ യൂണിറ്റ് ഉത്പാദിപ്പിക്കുന്നത്. എഞ്ചിൻ അടിസ്ഥാനപരമായി കെടിഎം 890 ഡ്യൂക്കിലെ എഞ്ചിനിൽ ചെറുതായി മാറ്റങ്ങൾ വരുത്തിയ പതിപ്പാണ്.

890 അഡ്വഞ്ചറിന് ഡാകർ-സ്റ്റൈൽ റൈഡിംഗ് എർഗണോമിക്സും 20 ലിറ്റർ ഫ്യുവൽ ടാങ്ക് ശേഷിയും 200 മില്ലീമീറ്റർ സസ്പെൻഷൻ ട്രാവലുമാണ് കെടിഎം ഒരുക്കിയിരിക്കുന്നത്. പിൻഭാഗത്ത്, ഒരു WP അപെക്സ് മോണോഷോക്കുകളാണ് ഇടംപിടിച്ചിരിക്കുന്നത്. ഇത് റീബൗണ്ടിനും പ്രീ-ലോഡുമായി ക്രമീകരിക്കാൻ കഴിയും.

MOST READ: നവീകരിച്ച 400NK മോഡലിനെ ഫിലിപ്പൈന്‍സില്‍ അവതരിപ്പിച്ച് സിഎഫ് മോട്ടോ

ഇലക്ട്രോണിക്സിന്റെ കാര്യത്തിൽ മോട്ടോർസൈക്കിളിന് കോർണറിംഗ് എബിഎസ്, മോട്ടോർ സ്ലിപ്പ് റെഗുലേഷൻ, ട്രാക്ഷൻ കൺട്രോൾ എന്നിവ സ്റ്റാൻഡേർഡായി ലഭിക്കും.

പൂർണ വലുപ്പത്തിലുള്ള ടിഎഫ്ടി കളർ സ്ക്രീനും ക്രൂയിസ് കൺട്രോൾ, ക്വിക്ക്-ഷിഫ്റ്റർ, ഹീറ്റഡ് ഗ്രിപ്‌സ്, വ്യത്യസ്ത ലഗേജ് ഓപ്ഷനുകൾ എന്നിവ പോലുള്ള ഓപ്ഷണൽ ഉപകരണങ്ങളും സവിശേഷതകളിൽ ഉൾപ്പെടുന്നു.

താൽപ്പര്യമുള്ള ഉപഭോക്താക്കൾക്ക് സ്മാർട്ട്‌ഫോൺ കണക്റ്റിവിറ്റിയും ടേൺ-ബൈ-ടേൺ നാവിഗേഷനും ഫോൺ കോളുകൾ, മ്യൂസിക് മുതലായവയിലേക്കുള്ള ആക്‌സസ്സിനും കെടിഎം മൈ റൈഡ് സംയോജനവും തെരഞ്ഞെടുക്കാം.

MOST READ: ബിഎസ് VI വേര്‍സിസ് 650 ഡിസ്‌കൗണ്ട് വൗച്ചറുകള്‍ പ്രഖ്യാപിച്ച് കവസാക്കി

മികച്ച പെർഫോമൻസിനായി ശക്തമായ ക്ലച്ചും എഞ്ചിൻ നോക്ക് കൺട്രോൾ സിസ്റ്റവും പുതിയ കെടിഎം 890 അഡ്വഞ്ചറിന് ലഭിക്കുന്നു. റിപ്പോര്‍ട്ട് അനുസരിച്ച് കെടിഎം 890 അഡ്വഞ്ചര്‍ R, R റാലി എന്നിവ ആഭ്യന്തര വിപണിയിലേക്ക് എത്താനുള്ള സാധ്യതകളില്ല.

എങ്കിലും ഇന്ത്യയിലെ അഡ്വഞ്ചര്‍ മോട്ടോര്‍സൈക്കിൾ ശ്രേണി അതിവേഗം വളരുന്ന സാഹചര്യത്തിൽ പുതിയ കെടിഎം 890 അഡ്വഞ്ചര്‍ ഇന്ത്യയിൽ അവതരിപ്പിക്കാനുള്ള സാധ്യതകളുണ്ട്.