അൾട്രാവയലറ്റിൽ 30 കോടി രൂപ നിക്ഷേപിച്ച് ടിവിഎസ്

ടിവിഎസ് നേരത്തെ 2017 -ൽ അൾട്രാവയലറ്റിലെ 14.87 ശതമാനം ഓഹരിക്കായി അഞ്ച് കോടി രൂപ നിക്ഷേപിച്ചിരുന്നു. ഇവി സ്റ്റാർട്ടപ്പ് കമ്പനി 2015 -ലാണ് പ്രവർത്തനം ആരംഭിച്ചത്.

2019 നവംബറിൽ ഇന്ത്യയിലെ ആദ്യ പെർഫോമെൻസ് ഇലക്ട്രിക് മോട്ടോർസൈക്കിൾ എന്ന് അവകാശപ്പെടുന്ന അൾട്രാവയലറ്റ് F77 പ്രീ-പ്രൊഡക്ഷൻ പതിപ്പ് പുറത്തിറക്കിയിരുന്നു.

MOST READ: ഹോര്‍നെറ്റ് 2.0 ഡീലര്‍ഷിപ്പുകളില്‍ എത്തി; ഡെലിവറി ഉടനെന്ന് ഹോണ്ട

ഇപ്പോൾ F77 ലോഞ്ചിന് കമ്പനി ഒരുങ്ങുകയാണ്. F77 2021 ന്റെ തുടക്കത്തിൽ വിപണിയിൽ എത്തിക്കാനാണ് കമ്പനി നോക്കുന്നത്. ആദ്യഘട്ടത്തിൽ കമ്പനി രാജ്യത്ത് അതിന്റെ വേരുകൾ വ്യാപിപ്പിക്കാൻ പധതിയിടുന്നു.

ആഗോളതലത്തിൽ ഗതാഗത, മൊബിലിറ്റി വ്യവസായത്തിൽ തങ്ങൾ ഗണ്യമായ പുരോഗതി കൈവരിച്ചു, വ്യക്തിഗത മൊബിലിറ്റിയുടെ ആവശ്യകത അടുത്ത കാലത്തായി വർധിച്ചു എന്ന് അൾട്രാവയലറ്റ് ഓട്ടോമോട്ടീവ് പ്രൈവറ്റ് ലിമിറ്റഡിന്റെ സ്ഥാപകനും സിഇഒയുമായ നാരായൺ സുബ്രഹ്മണ്യം പറഞ്ഞു.

MOST READ: ഇന്ത്യയിലെ ആദ്യത്തെ ഓട്ടോണമസ് പ്രീമിയം എസ്‌യുവിയാകാൻ ഗ്ലോസ്റ്റർ; പുതിയ വീഡിയോയുമായി എംജി

ഇലക്ട്രിക് വാഹനങ്ങളിൽ പ്രത്യേക ശ്രദ്ധ കേന്ദ്രീകരിച്ച് ഇന്ത്യൻ ഇരുചക്രവാഹന വ്യവസായത്തിൽ അതിവേഗ വളർച്ചയും കാണുന്നു. ഈ സാഹചര്യത്തിലാണ് ഇന്ത്യയിലെ ആദ്യത്തെ ഉയർന്ന പ്രവർത്തനക്ഷമതയുള്ള മോട്ടോർസൈക്കിൾ F77 സൃഷ്ടിക്കാൻ തങ്ങൾ പുറപ്പെട്ടത്.

ഒരു വർഷം മുമ്പാണ് മോട്ടോർസൈക്കിൾ പുറത്തിറക്കിയത്, അതിനുശേഷം F77 ഉൽ‌പാദനത്തിന് തയ്യാറാക്കുന്നതിൽ കാര്യമായ മുന്നേറ്റം നടത്തി. മോട്ടോർ‌സൈക്കിളിൽ‌ അഗ്രസ്സീവ് ട്രാക്ക്, റോഡ്‌ ടെസ്റ്റുകൾ‌ക്ക് വിധേയമാക്കി.

MOST READ: ഈക്കോ വിപണിയില്‍ എത്തിയിട്ട് 10 വര്‍ഷം; ഇതുവരെ വിറ്റത് 7 ലക്ഷം യൂണിറ്റുകള്‍

സവിശേഷതകൾ‌ ഒരു പുതിയ തലത്തിലേക്ക്‌ ക്രമീകരിക്കുകയും പരിഷ്‌ക്കരിക്കുകയും ചെയ്‌തു കൂടാതെ മെച്ചപ്പെട്ട ഉപയോക്തൃ അനുഭവത്തെ പിന്തുണയ്‌ക്കുന്നതിന് ശക്തമായ ഒരു സാങ്കേതിക പ്ലാറ്റ്ഫോം നിർമ്മിക്കുകയും ചെയ്‌തു.

ഭാവിയിലെ മൊബിലിറ്റി സൊല്യൂഷനുകളും, അവയുമായുള്ള തുടർച്ചയായ പങ്കാളിത്തത്തെക്കുറിച്ച് തങ്ങൾ ആവേശത്തിലാണ് എന്നും അദ്ദേഹം കൂട്ടിച്ചേർത്തു.

MOST READ: അർബൻ ക്രൂയിസറിന്റെ പുത്തൻ വീഡിയോയുമായി ടൊയോട്ട, വിപണിയിലേക്ക് ഈ മാസം തന്നെ

25 കിലോവാട്ട് (33.5 bhp) ഔട്ട്പുട്ട് ഉള്ള എയർ-കൂൾഡ് ബ്രഷ്ലെസ് DC (BLDC) മോട്ടോറാണ് അൾട്രാവയലറ്റ് F77 -ന്റെ കരുത്ത്. 147 കിലോമീറ്റർ വേഗത കൈവരിക്കാൻ ഇത് സഹായിക്കുന്നു.

2.9 സെക്കൻഡിനുള്ളിൽ 0-60 കിലോമീറ്റർ വേഗത കൈവരിക്കും. 7.5 സെക്കൻഡിനുള്ളിൽ 0-100 ​​കിലോമീറ്റർ വേഗത എത്താനും സാധിക്കും. അൾട്രാവയലറ്റ് F77 ഇക്കോ, സ്‌പോർട്ട്, ഇൻസേൻ എന്നീ മൂന്ന് റൈഡിംഗ് മോഡുകളുമായി വരും.

പിൻ വീലിൽ 450 Nm എന്ന വലിയ torque റേറ്റിംഗുമായി ഇത് വരുന്നു. സമാരംഭിക്കുമ്പോൾ ഏകദേശം 3.0 ലക്ഷം രൂപയോ അതിൽ കൂടുതലോ പ്രതീക്ഷിക്കാം.