Click it and Unblock the Notifications
2021 ആഫ്രിക്ക ട്വിന് അഡ്വഞ്ചര് സ്പോര്ട്ടിന്റെ മികച്ച പ്രധാന ഹൈലൈറ്റുകള്
2021 ആഫ്രിക്ക ട്വിന് അഡ്വഞ്ചര് സ്പോര്ടിനെ ഇന്ത്യന് വിപണിയില് അവതരിപ്പിക്കുമെന്ന് പ്രഖ്യാപിച്ച് നിര്മ്മാതാക്കളായ ഹോണ്ട. കമ്പനിയുടെ മുന്നിര സാഹസിക ടൂററിന്റെ ഏറ്റവും പുതിയ ആവര്ത്തനം അപ്ഡേറ്റുചെയ്ത് ഇതിനോടകം തന്നെ അവതരിപ്പിച്ചു.
പഴയ പതിപ്പില് നിന്നും രണ്ട് പുതിയ കളര് ഓപ്ഷനുകളിലാണ് ബൈക്ക് വാഗ്ദാനം ചെയ്യുന്നത്. മാനുവല് ട്രാന്സ്മിഷനോടുകൂടിയ മോഡലിന് ഒരെണ്ണം, ഡിസിടി വേരിയന്റിന് മറ്റൊരു കളര് ഓപ്ഷന് എന്ന രീതിയിലാണ് 2021 ആഫ്രിക്ക ട്വിന് വിപണിയില് എത്തുന്നത്.
പുതിയ ബൈക്കിനായി ബുക്കിംഗ് ആരംഭിച്ചതായും ഹോണ്ട അറിയിച്ചു. താല്പ്പര്യമുള്ള ആളുകള്ക്ക് സമീപമുള്ള ഒരു ഹോണ്ട ബിഗ് വിംഗ് ഡീലര്ഷിപ്പിലൂടെയോ അല്ലെങ്കില് ഹോണ്ട ബിഗ് വിംഗ് ഔദ്യോഗിക വെബ്സൈറ്റിലൂടെയോ ബൈക്ക് ബുക്ക് ചെയ്യാം. 2021 ഹോണ്ട ആഫ്രിക്ക ട്വിന് അഡ്വഞ്ചര് സ്പോര്ട്ടിന്റെ മികച്ച ഹൈലൈറ്റുകള് ഇതാ.
MOST READ: പുതിയ മാറ്റങ്ങളോടെ 2021 സ്കോഡ സൂപ്പർബ് വിപണിയിൽ; പ്രാരംഭ വില 1.99 ലക്ഷം രൂപ
ഡിസൈന്
2020-ല് ജാപ്പനീസ് ബ്രാന്ഡ് ഏറ്റവും പുതിയ മലിനീകരണ മാനദണ്ഡങ്ങള് പാലിക്കുന്നതിനായി മോഡല് അപ്ഡേറ്റ് ചെയ്തപ്പോള് സ്റ്റൈലിംഗിന് ഒരു പ്രധാന മേക്കോവര് നല്കിയിരുന്നു. അതുകൊണ്ട് തന്നെ 2021 മോഡലിന് ഡിസൈനില് വലിയ മാറ്റങ്ങളൊന്നും ലഭിക്കുന്നില്ല.
ഇരട്ട-പോഡ് എല്ഇഡി ഹെഡ്ലൈറ്റ്, ക്രമീകരിക്കാവുന്ന വിന്ഡ്സ്ക്രീന്, സെമി-ഫെയറിംഗ് ഡിസൈന്, ക്രമീകരിക്കാവുന്ന സ്പ്ലിറ്റ്-സ്റ്റൈല് സാഡില്, ടോള്-സെറ്റ് എക്സ്ഹോസ്റ്റ്, അലുമിനിയം സ്കിഡ്-പ്ലേറ്റ്, ട്യൂബ് ലെസ്ടയര് അനുയോജ്യമായ വയര്-സ്പോക്ക് വീലുകള് എന്നിവ സവിശേഷത പട്ടികയില് ഉള്പ്പെടുന്നു.
MOST READ: അരീന ഉപഭോക്താക്കള്ക്കായി സ്മാര്ട്ട് ഫിനാന്സ് പ്ലാറ്റ്ഫോം അവതരിപ്പിച്ച് മാരുതി
മുകളില് സൂചിപ്പിച്ചതുപോലെ പുതിയ കളര് ഓപ്ഷനുകള് മോഡലിന് ലഭിക്കുന്നു. 2021 വര്ഷത്തെ മോഡലിന്റെ മാനുവല് ട്രാന്സ്മിഷന് പതിപ്പിന് ഡാര്ക്ക്നെസ് ബ്ലാക്ക് മെറ്റാലിക് കളറാണ് ലഭിക്കുക.
എന്നാല് ഡിസിടി വേരിയന്റിന് പേള് ഗ്ലെയര് വൈറ്റ് ത്രിവര്ണ്ണ ഓപ്ഷനില് വാഗ്ദാനം ചെയ്യും. ആഫ്രിക്ക ട്വിന്റെ രണ്ട് വകഭേദങ്ങള്ക്കും ഹോണ്ട വൈവിധ്യമാര്ന്ന ആക്സസറികളും വാഗ്ദാനം ചെയ്യും. ഒരു ടോപ്പ് ബോക്സ്, റിയര് കാരിയര്, റാലി സ്റ്റെപ്പ്, ഡിസിടി പെഡല് ഷിഫ്റ്റര്, ഫോഗ് ലാമ്പുകള്, വിസര് എന്നിവ ആക്സസറികളില് ഉള്പ്പെടുന്നു.
MOST READ: എംപിവി ശ്രേണിയില് വിപണി വിഹിതം മെച്ചപ്പെടുത്തി മാരുതി; താങ്ങായി എര്ട്ടിഗ, XL6 മോഡലുകള്
എഞ്ചിന്
1,084 സിസി പാരലല് ട്വിന് സിലിണ്ടര് ലിക്വിഡ് കൂള്ഡ് എഞ്ചിനാണ് ബൈക്കിന്റെ കരുത്ത്. ഈ എഞ്ചിന് 98 bhp കരുത്തും 103 Nm torque ഉം സൃഷ്ടിക്കും.
അറ് സ്പീഡ് മാനുവല്, ആറ് സ്പീഡ് ഡ്യുവല് ക്ലച്ച് ട്രാന്സ്മിഷന് എന്നിങ്ങനെ രണ്ട് ഗിയര്ബോക്സ് ഓപ്ഷനുകളിലാണ് മോട്ടോര്സൈക്കിള് ലഭിക്കുന്നത്.
ഇലക്ട്രോണിക്സ്
റൈഡര് എയ്ഡുകളായ വീലി കണ്ട്രോള്, റിയര് ലിഫ്റ്റ് കണ്ട്രോള്, എബിഎസ്, കോര്ണറിംഗ് എബിഎസ്, അഞ്ച് റൈഡിംഗ് മോഡുകള്, ഡിസിടി വേരിയന്റിലെ കോര്ണറിംഗ് ഡിറ്റക്ഷന് സവിശേഷത എന്നിവ ഇലക്ട്രോണിക്സില് ഉള്പ്പെടുന്നു.
കോര്ണറിംഗ് ലൈറ്റുകള്, ക്രൂയിസ് കണ്ട്രോള്, ചൂടായ ഗ്രിപ്പുകള്, ആപ്പിള് കാര്പ്ലേ, ബ്ലൂടൂത്ത് കണക്റ്റിവിറ്റിയുള്ള 6.5 ഇഞ്ച് ടിഎഫ്ടി ടച്ച്സ്ക്രീന് ഡിസ്പ്ലേ എന്നിവയും മോട്ടോര്സൈക്കിളുകളില് ലഭ്യമാണ്.
ഹാര്ഡ്വെയര്
സസ്പെന്ഷന് സജ്ജീകരണത്തില് മുന്വശത്ത് ഷോവ-സോഴ്സ്ഡ് അപ്പ്സൈഡ്-ഡൗണ് ടെലിസ്കോപ്പിക് ഫോര്ക്കുകളും പിന്നില് ഒരു മോണോ ഷോക്കും ഉള്പ്പെടുന്നു.
ബ്രേക്കിംഗ് സജ്ജീകരണത്തില് മുന്വശത്ത് ഇരട്ട ഡിസ്കുകളും പിന്നില് ഒരു റോട്ടറും ഉള്പ്പെടുന്നു. 21 ഇഞ്ച് ഫ്രണ്ട്, 18 ഇഞ്ച് റിയര് വയര്-സ്പോക്ക് വീലുകളില് മോട്ടോര്സൈക്കിളില് കമ്പനി വാഗ്ദാനം ചെയ്യുന്നു.
പുതിയ ആഫ്രിക്ക ട്വിന് അഡ്വഞ്ചര് സ്പോര്ട്സിന് ത്രോട്ടില് ബൈ വയര് (TBW) നിയന്ത്രിക്കുന്ന ആറ്-ആക്സിസ് നിഷ്ക്രിയ മെഷര്മെന്റ് യൂണിറ്റും (IMU) വിപുലീകരിച്ച 7 ലെവല് ഹോണ്ട സെലക്ടബിള് ടോര്ക്ക് കണ്ട്രോള് (HSTC) എന്നിവയും ലഭിക്കുന്നു.
വില
2021 ഹോണ്ട ആഫ്രിക്ക ട്വിന് അഡ്വഞ്ചര് സ്പോര്ട്ടിന്റെ ഡിസിടി വേരിയന്റിന് 17,50,500 രൂപയും മാനുവല് ട്രാന്സ്മിഷന് പതിപ്പിന് 15,96,500 രൂപയുമാണ് എക്സ്ഷോറൂം വില.
Continue with Google