പുതുവര്‍ഷത്തിലും ഡിയോയുടെ വിലയില്‍ വര്‍ധനവ് വരുത്തി ഹോണ്ട

എന്നാല്‍ അടുത്ത നാളില്‍ മോഡലിന്റെ റെപ്‌സോള്‍ പതിപ്പും പുറത്തിറക്കിയിരുന്നു. മൂന്ന് വകഭേദങ്ങളിലും വില വര്‍ധനവ് ബാധകമാണ്. പ്രാരംഭ പതിപ്പായ സ്റ്റാന്‍ഡേര്‍ഡിന് 259 രൂപയും ഡീലക്സ്, റെപ്‌സോള്‍ പതിപ്പുകള്‍ക്ക് 307 രൂപയുടെ വര്‍ധനവുമാണ് വരുത്തിയിരിക്കുന്നത്.

ബിഎസ് VI പതിപ്പ് വിപണിയില്‍ എത്തി ഇത് നാലാം തവണയാണ് കമ്പനി വില വര്‍ധിപ്പിക്കുന്നത്. ഇതോടെ സ്റ്റാന്‍ഡേര്‍ഡ് പതിപ്പിന് ഇനി 62,229 രൂപ എക്‌സ്‌ഷോറൂം വിലയായി നല്‍കണം. ഡീലക്സ് പതിപ്പിന് 65,627 രൂപയും റെപ്‌സോള്‍ പതിപ്പിന് 68,127 രൂപയുമാണ് പുതുക്കിയ എക്‌സ്‌ഷോറൂം വില.

MOST READ: ഷെവർലെ ഉപഭോക്താക്കൾക്ക് ആശ്വസിക്കാം; ഇന്ത്യയിലെ വിൽപ്പനാനന്തര സേവനങ്ങൾ തുടരും

അടുത്തിടെ ഡിയോയുടെ സ്പോര്‍ട്ടിയര്‍ വേരിയന്റായ റെപ്സോള്‍ പതിപ്പ് അവതരിപ്പിക്കുന്നത്. ഹോണ്ടയുടെ മോട്ടോജിപി പ്രചോദിത കളര്‍ സ്‌കീമുമായാണ് ഇത് വരുന്നത്, കോസ്‌മെറ്റിക് മാറ്റങ്ങള്‍ മാത്രമാണ് മോഡലില്‍ വരുത്തിയിരിക്കുന്നത്.

അതേസമയം എഞ്ചിനിലും കമ്പനി മാറ്റങ്ങള്‍ ഒന്നും വരുത്തിയിട്ടില്ല. ബിഎസ് VI പതിപ്പിന് സമാനമായി തന്നെ തുടരുന്നു.

MOST READ: ഫോർഡ് കാറുകളുടെ വില കൂടി; ഇനി മുതൽ അധികം മുടക്കേണ്ടത് 4,000 മുതൽ 35,000 രൂപ വരെ

എഞ്ചിന്‍ പരിഷ്‌കാരത്തോടൊപ്പം തന്നെ സ്‌റ്റൈലിലും അല്‍പ്പം മാറ്റവും, കൂടുതല്‍ ഫീച്ചറുകളും നിറച്ചാണ് ഡിയോയെ ഹോണ്ട ഈ വര്‍ഷം അവതരിപ്പിച്ചിരിക്കുന്നത്.

വലിയ മുന്‍ എപ്രോണ്‍, ഹാന്‍ഡില്‍ ബാറില്‍ ഘടിപ്പിച്ചിരുന്ന എല്‍ഇഡി ഡേ ടൈം റണ്ണിങ് ലാമ്പുകള്‍, എല്‍ഇഡി ഹെഡ്‌ലാമ്പുകള്‍ എന്നിവ പുതിയ പതിപ്പിന്റെ സവിശേഷതകളാണ്. പൂര്‍ണ്ണ് ഡിജിറ്റല്‍ ഇന്‍സ്ട്രുമെന്റ് ക്ലസ്റ്ററും സ്‌കൂട്ടറിന്റെ സവിശേഷത പട്ടികയില്‍ ഇടംപിടിക്കുന്നു.

MOST READ: നിരത്തിലേക്ക് എത്താൻ വൈകില്ല, പുത്തൻ സഫാരിയുടെ നിർമാണവും ആരംഭിച്ച് ടാറ്റ

റിയല്‍ ടൈം മൈലേജ്, എത്ര ദൂരം സഞ്ചരിക്കാം തുടങ്ങിയ വിവരങ്ങളും ഡിജിറ്റല്‍ ഇന്‍സ്ട്രുമെന്റ് ക്ലസ്റ്റര്‍ ലഭിക്കും. എഞ്ചിന്‍ കട്ട്-ഓഫ് സ്വിച്ച് ഉള്ള ഒരു സൈഡ് സ്റ്റാന്‍ഡ് ഇന്‍ഡിക്കേറ്റര്‍, സ്പ്ലിറ്റ് ഗ്രാബ് റെയില്‍, എഞ്ചിന്‍ കില്‍ സ്വിച്ച്, 3-ഘട്ട ഇക്കോ ഇന്‍ഡിക്കേറ്റര്‍ എന്നിവയും പുതിയ വാഹനത്തിന്റെ സവിശേഷതകളാണ്.

കാര്‍ബുറേറ്ററിനു പകരം ഫ്യുവല്‍ ഇഞ്ചക്ട് സാങ്കേതിക വിദ്യയോടെയാണ് പുതിയ പതിപ്പ് വിപണിയില്‍ എത്തുന്നത്. 8,000 rpm -ല്‍ 7.68 bhp കരുത്തും 5,250 rpm -ല്‍ 8.79 Nm torque ഉം സൃഷ്ടിക്കുന്ന 109 സിസി സിംഗിള്‍ സിലിണ്ടര്‍ എഞ്ചിനാണ് ഡിയോയുടെ കരുത്ത്.

MOST READ: പുതുവര്‍ഷത്തില്‍ പ്രതീക്ഷകളോടെ ബിഎംഡബ്ല്യു; 2020 ഡിസംബറിലെ വില്‍പ്പന കണക്കുകള്‍ ഇങ്ങനെ

സൈലന്റ്-സ്റ്റാര്‍ട്ട് സംവിധാനവും ഹോണ്ട പുത്തന്‍ ഡിയോയില്‍ ക്രമീകരിച്ചിട്ടുണ്ട്. ഇതിനായി സ്റ്റാര്‍ട്ടര്‍ മോട്ടോറിനുപകരം എസി ജനറേറ്റര്‍ ഉപയോഗിക്കുന്ന ഹോണ്ടയുടെ എസിജി സ്റ്റാര്‍ട്ടര്‍ മോട്ടോറാണ് ഉള്‍പ്പെടുത്തിയിരിക്കുന്നത്.

സൈഡ് സ്റ്റാന്‍ഡ് ഇന്‍ഡിക്കേറ്റര്‍ ഓപ്ഷണലായി തെരഞ്ഞെടുക്കാം. പുതിയ ടെലിസ്‌കോപ്പിക് ഫോര്‍ക്കും 12 ഇഞ്ച് ഫ്രണ്ട് വീലും പുതിയ പതിപ്പിന്റെ സവിശേഷതയാണ്. മൂന്ന് ഘട്ടമായി പ്രീലോഡ് ക്രമീകരിക്കാവുന്ന പിന്‍ മോണോഷോക്കും പുതിയ ഡിയോയുടെ പ്രത്യേകതയാണ്.

മാറ്റ് ആക്‌സിസ് ഗ്രേ മെറ്റാലിക്, കാന്‍ഡി ജാസി ബ്ലൂ, സ്‌പോര്‍ട്‌സ് റെഡ്, വൈബ്രന്റ് ഓറഞ്ച് എന്നിങ്ങനെ നാലു നിറങ്ങളിലാണ് സ്റ്റാന്‍ഡേര്‍ഡ് പതിപ്പ് എത്തുന്നത്.

മാറ്റ് സാന്‍ഗ്രിയ റെഡ് മെറ്റാലിക്, ഡാസില്‍ യെല്ലോ മെറ്റാലിക്, മാറ്റ് ആക്‌സിസ് ഗ്രേ മെറ്റാലിക് എന്നിവയാണ് ഡീലക്സ് പതിപ്പില്‍ ലഭിക്കുന്ന നിറങ്ങള്‍.