ഇലക്ട്രിക് ഇരുചക്ര വാഹന ബാറ്ററികള്‍ ചാര്‍ജ് ചെയ്യാന്‍ സൗരോര്‍ജ്ജം; പദ്ധതിയുമായി ഇബൈക്ക്‌ഗോ

ഈ പദ്ധതിയുടെ ഭാഗമായി ഇബൈക്ക്‌ഗോ തങ്ങളുടെ മുഴുവന്‍ വാഹനങ്ങളും സൗരോര്‍ജ്ജമുപയോഗിച്ച് ചാര്‍ജ് ചെയ്ത ബാറ്ററികളുമായി പരിവര്‍ത്തനം ചെയ്യുന്നു. ഇപ്രകാരം, കാര്‍ബണ്‍ പുറന്തള്ളുന്നത് ഒഴിവാക്കാന്‍ ഇബൈക്ക്‌ഗോയുടെ എല്ലാ വാഹനങ്ങളുടെയും ബാറ്ററികള്‍ സൗരോര്‍ജ്ജത്തിലൂടെ ചാര്‍ജ് ചെയ്യും.

ഇബൈക്ക്‌ഗോ, SKS ക്ലീന്‍ടെക്കുമായി സഹകരിച്ച് സോളാര്‍ പാനലുകള്‍ സ്ഥാപിക്കും. അവിടെ ബാറ്ററികള്‍ സൗരോര്‍ജ്ജം ഉപയോഗിച്ച് ചാര്‍ജ് ചെയ്യും, വാഹനങ്ങള്‍ വന്ന് ബാറ്ററികള്‍ സ്വാപ്പ് ചെയ്യാനും സാധിക്കും.

MOST READ: ഷെവർലെ ഉപഭോക്താക്കൾക്ക് ആശ്വസിക്കാം; ഇന്ത്യയിലെ വിൽപ്പനാനന്തര സേവനങ്ങൾ തുടരും

ഈ സോളാര്‍ പാനലുകള്‍ കെട്ടിടങ്ങളില്‍ സ്ഥാപിക്കുകയും അവയുടെ ഇവിയില്‍ ഉപയോഗിക്കുന്ന ബാറ്ററികള്‍ 100 ശതമാനം സൗരോര്‍ജ്ജം ഉപയോഗിക്കുകയും ചെയ്യും.

ഫോസില്‍ ഇന്ധനങ്ങള്‍ നല്‍കുന്ന ഫാക്ടറിയില്‍ ബാറ്ററികള്‍ നിര്‍മ്മിക്കുകയാണെങ്കില്‍, ഇലക്ട്രിക് വാഹനങ്ങള്‍ക്കുള്ള ബാറ്ററി ഉത്പാദനം കാര്യക്ഷമമായ പരമ്പരാഗത കാറിനേക്കാള്‍ 74 ശതമാനം വരെ കൂടുതല്‍ കാര്‍ബണ്‍ ഡൈ ഓക്‌സൈഡ് ഉത്പാദിപ്പിക്കുമെന്ന് ഗവേഷകര്‍ കണ്ടെത്തിയതായി സ്റ്റാര്‍ട്ടഅപ്പ് പറയുന്നു.

MOST READ: ഫോർഡ് കാറുകളുടെ വില കൂടി; ഇനി മുതൽ അധികം മുടക്കേണ്ടത് 4,000 മുതൽ 35,000 രൂപ വരെ

ഈ മഹാമാരിയുടെ കാലത്തും, നമുക്ക് ചുറ്റും വൃക്ഷത്തൈകള്‍ നട്ടുപിടിപ്പിച്ച് പരിസ്ഥിതി സൗഹാര്‍ദ്ദപരമായി മാറുകയും കാര്‍ബണ്‍ നെഗറ്റീവ് ആകുന്നതിന് പരിസ്ഥിതിയെക്കുറിച്ച് കൂടുതല്‍ ബോധവാന്മാരാകുകയും ചെയ്താല്‍, അടുത്ത തലമുറയ്ക്കായി മാതൃഭൂമിയെ സംരക്ഷിക്കാന്‍ കഴിയുമെന്ന് ഇബൈക്ക്‌ഗോ സ്ഥാപകനും സിഇഒയുമായ ഡോ. ഇര്‍ഫാന്‍ ഖാന്‍ പറഞ്ഞു.

ഈ വര്‍ഷം വായു മലിനീകരണം കുറച്ച് ശുദ്ധവുമായ വായുവിലേക്ക് പ്രവര്‍ത്തിക്കുകയാണ് ഞങ്ങളുടെ ലക്ഷ്യം, അതിനാലാണ് 2021 ജനുവരിയില്‍ ഈ സൗകര്യം സ്ഥാപിക്കാന്‍ പദ്ധതിയിടുന്നതെന്നും അദ്ദേഹം പറഞ്ഞു.

MOST READ: നിരത്തിലേക്ക് എത്താൻ വൈകില്ല, പുത്തൻ സഫാരിയുടെ നിർമാണവും ആരംഭിച്ച് ടാറ്റ

പ്രാരംഭ പദ്ധതിയായതുകൊണ്ട് മുംബൈയില്‍ തുടക്കം കുറിക്കുമെന്നും പിന്നീട് മറ്റ് നഗരങ്ങളിലേക്ക് വ്യാപിപ്പിക്കുമെന്നും കമ്പനി അറിയിച്ചു. ആരംഭം മുതല്‍ അവസാനം വരെ, എല്ലാ അതിവേഗ വാഹനങ്ങളും 2 കിലോവാട്ട് ബാറ്ററികളാണ് ഉപയോഗിക്കുന്നത്.

ഓരോ ബാറ്ററിയും ചാര്‍ജ് ചെയ്യുന്നതിന് 2 യൂണിറ്റ് പവര്‍ ആവശ്യമാണ്, അത് പ്രതിദിനം ഏകദേശം 2 കിലോ ബാറ്ററി പുറപ്പെടുവിക്കുന്നു. ബാറ്ററികള്‍ ചാര്‍ജ് ചെയ്യാന്‍ സൗരോര്‍ജ്ജം ഉപയോഗിക്കുന്നതിലൂടെ, പൂജ്യം അല്ലെങ്കില്‍ ശുദ്ധമായ കാര്‍ബണ്‍ പുറന്തള്ളുന്ന ആദ്യത്തെ കമ്പനിയായി ഇബൈക്ക്‌ഗോ മാറും.

MOST READ: ഇപ്പോള്‍ വാങ്ങാം! ഓഫറുകളും ആനുകൂല്യങ്ങളുമായി റോനോ

നേരിട്ടുള്ള വൈദ്യുതി ഉപയോഗിക്കുന്നതിനാല്‍ സാധാരണ വൈദ്യുതിയെക്കാള്‍ 30 ശതമാനം വേഗത്തില്‍ സൗരോര്‍ജ്ജം ചാര്‍ജ് ചെയ്യും, 1 കിലോവാട്ട് സോളാര്‍ പാനല്‍ സ്ഥാപിക്കാന്‍ 100 ചതുരശ്ര അടി വിസ്തീര്‍ണ്ണം ആവശ്യമാണ്.

ഇതിനോടൊപ്പം തന്നെ അടുത്ത മൂന്ന് വര്‍ഷത്തിനുള്ളില്‍ രാജ്യത്തെ ഏഴ് നഗരങ്ങളിലായി 30,000 ത്തിലധികം ഇലക്ട്രിക് ബൈക്കുകള്‍ വിന്യസിക്കുമെന്ന് ഇലക്ട്രിക് മൊബിലിറ്റി സ്റ്റാര്‍ട്ടപ്പ് വ്യക്തമാക്കിയിരുന്നു.

ഇതിന്റെ ഭാഗമായി ASSAR (അഡ്വാന്‍സ് സര്‍വീസസ് ഫോര്‍ സോഷ്യല്‍ ആന്റ് അഡ്മിനിസ്‌ട്രേറ്റീവ് റിഫോംസ്) യുമായി ഇബൈക്ക്ഗോ പങ്കാളിത്തം പ്രഖ്യാപിക്കുകയും ചെയ്തു. പുതിയ പദ്ധതിയുടെ ഭാഗമായി പതിനായിരത്തിലധികം ആളുകള്‍ക്ക് ജോലികള്‍ വാഗ്ദാനം ചെയ്യുമെന്നും റിപ്പോര്‍ട്ടില്‍ പറയുന്നു.