ഹൈഡ്രജൻ-ഇലക്ട്രിക് ഹൈബ്രിഡ് മോട്ടോർസൈക്കിൾ കൺസെപ്റ്റുമായി ഷവോമി

99 പ്രീ-ബുക്കിംഗുകളിൽ എത്തിക്കഴിഞ്ഞാൽ മോട്ടോർസൈക്കിളിനായി ക്രൗഡ് ഫണ്ടിംഗ് ആരംഭിക്കുമെന്നാണ് കമ്പനി ഇപ്പോൾ വ്യക്തമാക്കിയിരിക്കുന്നത്. അപെക്സ് H2 പ്രൊഡക്ഷൻ പതിപ്പിലേക്ക് എത്തുമ്പോൾ 69,999 CNY ആയിരിക്കും വില.

അതായത് ഏകദേശം 7.84 ലക്ഷം രൂപ. എന്തായാലും ഈ കൺസെപ്റ്റ് പതിപ്പ് യാഥാർഥ്യമാകാൻ രണ്ട് വർഷത്തോളം എടുക്കുമെന്നാണ് സെഗ്‌വേ-നിൻ‌ബോട്ട് അഭിപ്രായപ്പെടുന്നത്. എന്തായാലും 2023 ഓടെ ഹൈഡ്രജൻ-ഇലക്ട്രിക് ഹൈബ്രിഡ് മോട്ടോർസൈക്കിൾ വിൽപ്പനയ്ക്ക് സജ്ജമാകും.

MOST READ: ഏപ്രിൽ മാസത്തിലും മോഡലുകളിൽ മികച്ച ഓഫറുകൾ പ്രഖ്യാപിച്ച് ഫോർഡ്

സെഗ്‌വേ അപെക്സ് H2 കൺസെപ്റ്റിന് കരുത്ത് പകരുന്നത് ഒരു ഹൈഡ്രജൻ-ഇലക്ട്രിക് ഹൈബ്രിഡ് എഞ്ചിനാണ്. ഇത് 81.5 bhp പവർ ഉത്പാദിപ്പിക്കാൻ കഴിവുള്ളതാണ്. നാല് സെക്കൻഡിനുള്ളിൽ 0-100 കിലോമീറ്റർ വേഗത കൈവരിക്കാൻ പ്രാപ്തമായ മോഡലിന്റെ പരമാവധി വേഗത 150 കിലോമീറ്ററാണെന്നും കമ്പനി അവകാശപ്പെടുന്നു.

ബൈക്കിന്റെ സ്റ്റോറേജ് കണ്ടെയ്നറിന് കേടുപാടുകൾ സംഭവിക്കുകയാണെങ്കിൽ അത് പൊട്ടിത്തെറിക്കാൻ സാധ്യതയുള്ളതിനാൽ ഹൈഡ്രജൻ സ്റ്റോറേജ് അന്തർലീനമാണ്. അതിനാൽ ഇത് പരിഹരിക്കുന്നതിനായി മോട്ടോർസൈക്കിളിനെ ശക്തിപ്പെടുത്തുന്നതിനായി വാട്ടർ ബോട്ടിലിനേക്കാൾ വലിയ ഒരു സോളിഡ് അലോയ് ഹൈഡ്രജൻ സിലിണ്ടർ ഉപയോഗിക്കുന്നുവെന്ന് സെഗ്‌വേ അവകാശപ്പെടുന്നു.

MOST READ: മാർച്ചിൽ തിളങ്ങി കോംപാക്ട് എസ്‌യുവി സെഗ്മെന്റ്; വിൽപ്പന കണക്കുകൾ ഇങ്ങനെ

ഒരു ഗ്രാം ഹൈഡ്രജൻ ഒരു കിലോമീറ്റർ പരിധി വാഗ്ദാനം ചെയ്യുന്നു. സ്ലിക്കുകൾ കൊണ്ട് പൊതിഞ്ഞ സോളിഡ് വീലുകളിലാണ് ഹൈബ്രിഡ് ബൈക്ക് കൺസെപ്റ്റ് പൂർത്തിയാക്കിയിരിക്കുന്നത്. ഹബ്-സെന്റർ സ്റ്റിയറിംഗ് ഉപയോഗിച്ച് രണ്ട് അറ്റത്തും സവിശേഷമായ സിംഗിൾ-സൈഡഡ് സ്വിംഗാർമും ഇതിന് ലഭിക്കുന്നു.

എന്നാൽ പ്രൊഡക്ഷൻ മോഡൽ കൂടുതൽ‌ പരമ്പരാഗത സംവിധാനങ്ങൾ ഉപയോഗിച്ചേക്കാം. ഒരുപക്ഷേ ഇൻവേർട്ടഡ് ഫ്രണ്ട് ഫോർക്ക്, പിൻ‌ മോണോഷോക്ക് സജ്ജീകരണം, അലോയ് വീലുകൾ‌ക്കൊപ്പം സ്ട്രീറ്റ് ഓറിയന്റഡ് ടയറുകൾ എന്നിവ അപെക്സ് H2 ഉപയോഗിച്ചേക്കാം.

MOST READ: സുസുക്കി ഇന്ത്യയുടെ വെബ്സൈറ്റിൽ ഇടംപിടിച്ച് പുത്തൻ ഹയാബൂസ, അരങ്ങേറ്റം ഉടൻ

കൺസെപ്റ്റ് പതിപ്പ് പോലെ അന്തിമ നിർമാണ മോഡലും 7 ഇഞ്ച് വലിയ സ്‌ക്രീനും എല്ലാ എൽഇഡി ലൈറ്റിംഗ് സിസ്റ്റവും അവതരിപ്പിക്കാൻ സാധ്യതയുണ്ട്.

സോളിഡ് അലോയ് കാപ്സ്യൂളുകളുള്ള ഒരു ഹൈഡ്രജൻ-ഇലക്ട്രിക് പവർട്രെയിനിന്റെ മുഴുവൻ ആശയവും രണ്ട് വർഷത്തിനുള്ളിൽ വൻതോതിലുള്ള ഉത്‌പാദനം നേടാൻ സാധിച്ചേക്കില്ല. സെഗ്‌വേ-നിൻ‌ബോട്ട് ഉൽ‌പ്പന്നങ്ങൾ‌ പലപ്പോഴും ഷവോമിയുമായി പുനർ‌നാമകരണം ചെയ്യപ്പെടുന്നതിനാൽ‌ ഉടൻ‌ തന്നെ ബൈക്ക് ഏഷ്യൻ‌ നിരത്തുകൾ അടക്കി വാണേക്കാം.