Click it and Unblock the Notifications
മാറ്റങ്ങളോടെ ബിഎസ് VI Ninja 400 അവതരിപ്പിച്ച് Kawasaki; വില 4.99 ലക്ഷം രൂപ
ബിഎസ് VI മലിനീകരണ മാനദണ്ഡങ്ങള് പ്രാബല്യത്തില് വന്ന (2020 ഏപ്രില്) മുതല്, ഇന്ത്യയില് തങ്ങളുടെ പോര്ട്ട്ഫോളിയോ വിപുലീകരിക്കാന് കവസാക്കി സ്ഥിരമായി പ്രവര്ത്തിച്ചുകൊണ്ടിരിക്കുകയാണ്.
മിക്ക മോഡലുകളും 2020-2021 ല് ബിഎസ് VI-ലേക്ക് കമ്പനി അപ്ഡേറ്റ് ചെയ്യുകയും ചെയ്തിട്ടുണ്ട്. എന്നാല് നിഞ്ച 400-ന്റെ ബിഎസ് VI പതിപ്പിനെ മാത്രം കമ്പനി വിപണിയില് എത്തിച്ചിരുന്നില്ല. ഇപ്പോഴിതാ ഈ പതിപ്പിന്റെ നവീകരിച്ച പതിപ്പിനെയും എത്തിച്ചിരിക്കുകയാണ് കവസാക്കി ഇപ്പോള്.
കവസാക്കി അടുത്തിടെ അന്താരാഷ്ട്ര വിപണികളില് നിഞ്ച 400-ന്റെ യൂറോ 5 പതിപ്പ് പുറത്തിറക്കിയിരുന്നു. യൂറോപ്പില്, കവസാക്കി Z400-നെ യൂറോ 5 നിലവാരത്തിലേക്ക് അപ്ഡേറ്റ് ചെയ്തു. ഇപ്പോള് അവര് അപ്ഡേറ്റ് ചെയ്ത ബിഎസ് VI നിഞ്ച 400 ഇന്ത്യയിലും അവതരിപ്പിച്ചിരിക്കുകയാണ്.
ഔദ്യോഗിക വെബ്സൈറ്റ് അനുസരിച്ച്, 2023 നിഞ്ച 400-ന് ഇന്ത്യയില് 4.99 ലക്ഷം രൂപയാണ് എക്സ്ഷോറൂം വില വരുന്നത്. ബിഎസ് IV നിഞ്ച 400 നിര്ത്തലാക്കുന്നതിന് മുമ്പ് ലഭ്യമായ അതേ വിലയാണിതെന്നതാണ് മറ്റൊരു ശ്രദ്ധേയ ഘടകം.
കവസാക്കി നിഞ്ച ബൈക്കുകള് രൂപകല്പന ചെയ്തിരിക്കുന്നത് അതിമനോഹരമായിട്ടാണ്, പുതിയ നിഞ്ച 400 ആ പാരമ്പര്യത്തെ മുന്നോട്ട് കൊണ്ടുപോകുന്നുവെന്ന് വേണം പറയാന്. നിഞ്ച H2-ല് നിന്ന് കുറച്ച് സ്റ്റൈലിംഗ് ബിറ്റുകള് പുതിയ പതിപ്പിനായി കടമെടുത്തിട്ടുണ്ട്.
MOST READ: Passion Xtec അവതരിപ്പിച്ച് Hero; വില 74,590 രൂപ
സ്ലിം ഡ്യുവല് എല്ഇഡി ഹെഡ്ലാമ്പുകള്, സ്ലീക്ക് എല്ഇഡി ഡിആര്എല്ലുകള്, സുതാര്യമായ വിന്ഡ്സ്ക്രീന്, ഫ്രണ്ട് കൗള് മൗണ്ടഡ് ഫങ്കി റിയര് വ്യൂ മിററുകള്, ലോ-സെറ്റ്, വൈഡ് ഹാന്ഡില്ബാര്, സ്കല്പ്റ്റഡ് ഫ്യുവല് ടാങ്ക്, സ്പ്ലിറ്റ്-സീറ്റ് ഡിസൈന്, അപ്സ്വെപ്പ് എക്സ്ഹോസ്റ്റ് എന്നിവ ചില പ്രധാന സവിശേഷതകളില് ഉള്പ്പെടുകയും ചെയ്യുന്നു.
ബോഡി വര്ക്ക് കാര്യമായ വോളിയം ചേര്ക്കുന്നു, ഇത് നിഞ്ച 400-ന് വലിയ ബൈക്ക് രൂപവും ഭാവവും ഉറപ്പാക്കുന്നു. നിഞ്ച 400-ന്റെ കളര് ഓപ്ഷനുകളില് ലൈം ഗ്രീന്, മെറ്റാലിക് കാര്ബണ് ഗ്രേ എന്നിവ ഉള്പ്പെടുന്നു.
MOST READ: ഏറ്റവും സുരക്ഷിതമായ ഇന്ത്യയിലെ മൂന്നുവരി യൂട്ടിലിറ്റി വാഹനങ്ങളെ പരിചയപ്പെടാം
രണ്ട് കളര് തീമുകളും ഒരുപോലെ ആകര്ഷകമാണ്, എന്നിരുന്നാലും ഗ്രേ പതിപ്പിന് കൂടുതല് സ്പോര്ട്ടിനെസ് ഉണ്ടെന്ന് വേണം പറയാന്. സിറ്റി റൈഡിലും ഇതിന്റെ സാന്നിധ്യം മികച്ചതായി കാണപ്പെടുന്നു. രണ്ട് കളര് വകഭേദങ്ങള്ക്കും സജീവമായ ഗ്രാഫിക്സ് ഉണ്ട്, അത് സ്പോര്ട്ടിനെസിന്റെ ഒരു അധിക ഡോസ് നല്കുകയും ചെയ്യുന്നു.
പുതിയ നിഞ്ച 400-ന് ഒരു ഹൈബ്രിഡ് കോക്ക്പിറ്റ് ഉണ്ട്, മധ്യഭാഗത്ത് ഒരു വലിയ അനലോഗ് ടാക്കോമീറ്റര് ഫീച്ചര് ചെയ്യുകയും ചെയ്യുന്നു. ലെഫ്റ്റ് സൈഡില് വാര്ണിംഗ് ലൈറ്റുകളും കാണാം. വലതുവശത്ത് മള്ട്ടി-ഫംഗ്ഷന് എല്സിഡി സ്ക്രീന് ഉണ്ട്. എളുപ്പത്തില് കാണുന്നതിന് ഗിയര് പൊസിഷന് ഇന്ഡിക്കേറ്റര് സെന്ററിലായി സ്ഥാപിച്ചിരിക്കുന്നു.
10,000 rpm-ല് പരമാവധി 45 bhp പവറും 8,000 rpm-ല് 37 Nm പീക്ക് ടോര്ക്കും സൃഷ്ടിക്കുന്ന 399 സിസി, ലിക്വിഡ് കൂള്ഡ്, പാരലല് ട്വിന്, ഡോച്ച്, 8 വാല്വ് മോട്ടോറാണ് കവസാക്കി നിഞ്ച 400 പവര് ചെയ്യുന്നത്.
ഇത് 6-സ്പീഡ് ട്രാന്സ്മിഷനുമായി ഘടിപ്പിച്ചിരിക്കുന്നു. സുഗമമായ പ്രതികരണത്തിനും നിയന്ത്രണത്തിനും ഒപ്പം റെവ് ശ്രേണിയിലുടനീളം ഒപ്റ്റിമല് പെര്ഫോമന്സ് നല്കുന്നതിനായി എഞ്ചിന് ട്യൂണ് ചെയ്തിട്ടുണ്ട്. കവസാക്കി എഞ്ചിന്റെ രൂപകല്പ്പനയും മെച്ചപ്പെടുത്തിയിട്ടുണ്ട്, ഇത് 250 സിസി മോട്ടോര് പോലെ ഒതുക്കമുള്ളതാക്കുന്നു.
മുന്വശത്ത് 41 mm ടെലിസ്കോപിക് ഫോര്ക്കുകളും പ്രീലോഡ് അഡ്ജസ്റ്റബിലിറ്റിയുള്ള ഗ്യാസ് ചാര്ജ്ഡ് മോണോഷോക്ക് സസ്പെന്ഷനുമായി സംയോജിപ്പിച്ചിരിക്കുന്ന ട്രെല്ലിസ് ഫ്രെയിം നിഞ്ച 400-ല് ഉപയോഗിക്കുന്നു.
മുന്നിലും പിന്നിലും യഥാക്രമം 310 mm, 220 mm പെറ്റല് ഡിസ്കുകളാണ് ബ്രേക്കിംഗ് കൈകാര്യം ചെയ്യുന്നത്. നിസിനില് നിന്നുള്ള ഡ്യുവല്-ചാനല് എബിഎസ് സ്റ്റാന്ഡേര്ഡായി വാഗ്ദാനം ചെയ്യുന്നു.
റിലാക്സ്ഡ് റൈഡര് ട്രയാംഗിളിനൊപ്പം, വൈവിധ്യമാര്ന്ന റൈഡര് വലുപ്പങ്ങള്ക്കും റൈഡിംഗ് പരിതസ്ഥിതികള്ക്കും അനുയോജ്യമാകും നിഞ്ച 400. ബൈക്കിന് എര്ഗണോമിക് ആയി ഹാന്ഡില്ബാറും അല്പ്പം മുന്നോട്ടുള്ള ഫുട് പെഗുകളും കാണാന് സാധിക്കും.
അത് സുഖപ്രദമായ റൈഡുകളും ഒപ്റ്റിമല് നിയന്ത്രണവും കൈകാര്യം ചെയ്യലും ഉറപ്പാക്കുന്നു. 785 mm സീറ്റ് ഉയരം ഉയരം കുറഞ്ഞ റൈഡറുകള്ക്ക് പോലും മികച്ച നിയന്ത്രണവും കൈകാര്യം ചെയ്യലും നേടാന് ഇത് സഹായിക്കുന്നുവെന്നും കമ്പനി പറയുന്നു.
Continue with Google