Click it and Unblock the Notifications
നിരത്തുകളിലേക്ക് Kawasaki Versys 650 എത്തുന്നു; ഡെലിവറി ഉടന്
2022 വെര്സിസ് 650-യുടെ ഡെലിവറി ഇന്ത്യന് വിപണിയില് ആരംഭിച്ച് ജാപ്പനീസ് മോട്ടോര്സൈക്കിള് നിര്മ്മാതാക്കളായ കവസാക്കി. ഈ മോട്ടോര്സൈക്കിള് ആദ്യമായി ഇറ്റലിയില് നടന്ന 2021 EICMA മോട്ടോര്സൈക്കിള് ഷോയില് അനാച്ഛാദനം ചെയ്യുകയും 2022 ജൂണില് ഇന്ത്യയില് അവതരിപ്പിക്കുകയും ചെയ്തു.
2022 വെര്സിസ് 650 രണ്ട് കളര് ഓപ്ഷനുകളിലും ഒരൊറ്റ വേരിയന്റിലുമാണ് വിപണിയില് അവതരിപ്പിച്ചിരിക്കുന്നത്. കാന്ഡി ലൈം ഗ്രീന്, മെറ്റാലിക് ഫാന്റം സില്വര് എന്നിവ കളര് ഓപ്ഷനുകളില് ഉള്പ്പെടുന്നു.
നവീകരണങ്ങളോടെ എത്തുന്ന മോഡലിന് 7.36 ലക്ഷം രൂപയാണ് പ്രാരംഭ എക്സ്ഷോറൂം വില. വിലയുടെ കാര്യം പരിശോധിക്കുകയാണെങ്കില്, നവീകരണങ്ങളോടെ എത്തുന്നുണ്ടെങ്കിലും, ഇത് മുമ്പത്തേതിനേക്കാള് 21,000 രൂപ കുറവാണ് എന്നത് ശ്രദ്ധേയമാണ്. കൂടാതെ, പുതുക്കിയ വെര്സിസ് 650-യുടെ ഡെലിവറി അടുത്ത മാസത്തോടെ ആരംഭിക്കുമെന്ന് സ്ഥിരീകരിച്ചിരിക്കുകയാണ് കവസാക്കി ഇപ്പോള്.
മുമ്പത്തേതിനെ അപേക്ഷിച്ച് പുതിയ വെര്സിസ് ഗണ്യമായി പരിഷ്കരിച്ചിരിക്കുന്നു. വലിയ വെര്സിസ് 1000-ല് നിന്ന് ട്വിന്-പോഡ് ഹെഡ്ലൈറ്റ് സ്വീകരിച്ചിരിക്കുന്നു. മെച്ചപ്പെടുത്തിയ അഡ്ജസ്റ്റ്മെന്റ് മെക്കാനിസവും കളര് TFT ഡിസ്പ്ലേയും ഉള്ള ഉയരമുള്ള വിന്ഡ്സ്ക്രീനും പുതിയ മോട്ടോര്സൈക്കിളില് ചേര്ത്തിട്ടുണ്ട്.
എന്നിരുന്നാലും, ബാക്കിയുള്ള ഡിസൈനുകള് ഏതാണ്ട് മാറ്റമില്ലാതെ തുടരുന്നു. മുമ്പ് സജ്ജീകരിച്ച 21 ലിറ്റര് ഇന്ധന ടാങ്ക്, സിംഗിള് പീസ് സ്റ്റെപ്പ്-അപ്പ് സീറ്റ്, അലുമിനിയം സ്വിംഗ് ആം, 17 ഇഞ്ച് അലോയ് വീലുകള് എന്നിവയുമായാണ് ഇത് വരുന്നത്.
MOST READ: 10 ലക്ഷം രൂപയില് താഴെ യൂസ്ഡ് വിപണിയില് നിന്നും വാങ്ങാവുന്ന ബിഎസ് VI മോഡലുകള് ഇതൊക്കെ
കവസാക്കി ട്രാക്ഷന് കണ്ട്രോള് സിസ്റ്റം, സ്മാര്ട്ട്ഫോണ് കണക്റ്റിവിറ്റി, ഷാര്പ്പര് ഫ്രണ്ട് കൗള് സ്റ്റൈലിംഗ്, പുതിയ സ്വിച്ച് ഗിയര് എന്നിവയും നവീകരിച്ച സവിശേഷതകളില് ഉള്പ്പെടുന്നു.
ബ്ലൂടൂത്ത് കണക്റ്റിവിറ്റി ഉള്ളതിനാല് കണക്റ്റഡ് റൈഡിംഗ് അനുഭവം പ്രദാനം ചെയ്യുന്ന TFT കളര് ഡിസ്പ്ലേയാണ് മോട്ടോര്സൈക്കിളിന്റെ പ്രധാന ഹൈലൈറ്റ്. SMS, കോളുകള്, മറ്റ് പ്രധാന അലേര്ട്ടുകള് എന്നിവ സ്ക്രീനില് കാണാന് കഴിയും.
MOST READ: ബേസ് മോഡലിനെ ടോപ്പ് വേരിയന്റാക്കാം, Harrier എസ്യുവിയിൽ കിടിലൻ ആക്സസറികളുമായി Tata
ഗിയര് ഷിഫ്റ്റ് ഇന്ഡിക്കേറ്ററുകള്, ഗിയര് പൊസിഷന് ഇന്ഡിക്കേറ്ററുകള്, ട്രാക്ഷന് കണ്ട്രോള് മോഡുകള്, കൂടാതെ റൈഡിംഗ് മോഡുകള് എന്നിവയും TFT ഡിസ്പ്ലേ കാണിക്കുന്നു. ഇടത് സ്വിച്ച് ട്യൂബിലെ ടോഗിള് സ്വിച്ചുകള് ഉപയോഗിച്ച്, റൈഡര്ക്ക് ഈ മോഡുകള്ക്കിടയില് എളുപ്പത്തില് മാറാനാകും.
മെക്കാനിക്കല് സ്പെസിഫിക്കേഷനുകളെക്കുറിച്ച് സംസാരിക്കുകയാണെങ്കില്, ഇവയും മാറ്റമില്ലാതെ തുടരുന്നുവെന്ന് വേണം പറയാന്. 2022 കവസാക്കി വെര്സിസ് 650-ന് ബിഎസ് VI നിലവാരത്തിലുള്ള 649 സിസി, പാരലല്-ട്വിന്, ലിക്വിഡ്-കൂള്ഡ് എഞ്ചിന് തന്നെയാണ് ലഭിക്കുന്നത്.
MOST READ: ഡയാന രാജകുമാരിക്കു വേണ്ടി ഫോര്ഡ് നിർമിച്ച കാർ; ലേലത്തില് പോയത് വമ്പന് തുകയ്ക്ക്
ഇത് ആറ്-സ്പീഡ് ഗിയര്ബോക്സുമായി ജോടിയാക്കിയിരിക്കുന്നു, കൂടാതെ 8,500 rpm-ല് 65 bhp കരുത്തും 7,000 rpm-ല് 61 Nm പീക്ക് ടോര്ക്കും സൃഷ്ടിക്കുന്നു. സ്പോര്ട്സ് റൈഡിംഗ് പ്രകടനം വര്ദ്ധിപ്പിക്കുകയും റൈഡര് ആത്മവിശ്വാസം വര്ദ്ധിപ്പിക്കുകയും ചെയ്യുന്ന നൂതന ട്രാക്ഷന് കണ്ട്രോള് സിസ്റ്റം കൊണ്ട് സജ്ജീകരിച്ചിരിക്കുന്ന കവസാക്കിയുടെ ആദ്യ മോഡലാണ് 2022 വെര്സിസ് 650.
പഴയ പതിപ്പില് കണ്ടിരിക്കുന്ന അതേ ഷാസിയും സസ്പെന്ഷനും തന്നെയാണ് പുതിയ ബൈക്കിലും കമ്പനി ഉപയോഗിച്ചിരിക്കുന്നത്. ഷോവയില് നിന്നുള്ള ക്രമീകരിക്കാവുന്ന സസ്പെന്ഷന് വെര്സിസ് 650 മോട്ടോര്സൈക്കിളിന്റെ ഏറ്റവും വലിയ ഹൈലൈറ്റുകളില് ഉള്പ്പെടുന്നു.
വിപണിയില് ബെനലി TRK 502, ബെനലി TRK 502X, ഹോണ്ട CB500X, സുസുക്കി V-സ്ട്രോം 650 XT, ട്രയംഫ് ടൈഗര് സ്പോര്ട്ട് 660 തുടങ്ങിയ മോട്ടോര്സൈക്കിളുകളുമായിട്ടാണ് മത്സരിക്കുന്നത്.
അതേസമയം ലഭിക്കുന്ന റിപ്പോര്ട്ട് അനുസരിച്ച്, കവസാക്കി വരും വര്ഷം നിരവധി സ്പോര്ട്സ്, റെട്രോ സ്പോര്ട്സ്, നേക്കഡ്, ക്രൂയിസര്, അഡ്വഞ്ചര് ടൂറിംഗ്, ഡ്യുവല് സ്പോര്ട്സ് മോഡലുകള് ഇന്ത്യന് ലൈനപ്പിലേക്ക് എത്തിക്കുമെന്നാണ് അറിയിച്ചിരിക്കുന്നത്. ഈ 2023 മോട്ടോര്സൈക്കിളുകള് വേനല്ക്കാല മാസങ്ങളില് കവസാക്കി ഡീലര്ഷിപ്പുകളില് എത്തും.
ഈ പ്രഖ്യാപനത്തില് ഉള്പ്പെടുത്തിയിരിക്കുന്ന മോഡലുകള് നിഞ്ച 1000SX, നിഞ്ച 400 and 400 ABS, Z H2, H2 SE, Z900RS, Z900RS കഫേ, Z400 ABS, Vulcan S, Vulcan 900 ലൈനപ്പുകള്, 1700 Voyager ABS, Versys-0X30X , കൂടാതെ KLR650 ലൈനപ്പും ഇന്ത്യയിലേക്ക് വരും വര്ഷം എത്തുമെന്നാണ് പ്രഖ്യാപിച്ചിരിക്കുന്നത്.
Continue with Google