റോഡിൽ കൃഷ്ണമൃഗത്തെ ആക്രമിക്കുന്ന സിംഹങ്ങൾ

By Santheep

Published: Monday, July 20, 2015, 10:54 [IST]

കാട്ടിലൂടെയുള്ള പാതകളിൽ മനുഷ്യർ അതീവശ്രദ്ധ പുലർത്തേണ്ടതുണ്ട്. മനുഷ്യർ നിർമിച്ചിട്ടുള്ള നിയമങ്ങളനുസരിക്കാൻ യാതൊരു ബാധ്യതയുമില്ലാത്ത മൃഗങ്ങളുടെ വഴിത്താരകളെ മുറിച്ചുകൊണ്ടാണ് നമ്മൾ റോഡുണ്ടാക്കുന്നത്. രാത്രികാലങ്ങളിൽ വാഹനമിടിച്ച് മൃഗങ്ങൾ കൊല്ലപ്പെടുന്ന സാഹചര്യമുണ്ടായപ്പോൾ കോഴിക്കോട് - കൊല്ലഗൽ പാതയിൽ രാത്രിയാത്രാ നിരോധനം ഏർപെടുത്തിയത് ഓർക്കുക.

ഇവിടെ മൃഗങ്ങൾ സ്വൈര്യസഞ്ചാരം നടത്തുന്ന ഒരു റോഡിനെക്കുറിച്ചാണ് നമ്മൾ ചർച്ച ചെയ്യുന്നത്. പക്ഷെ, ഇത് ഒരു നിയന്ത്രിതമേഖലയാണെന്നു മാത്രം. ദക്ഷിണാഫ്രിക്കയിലെ ക്രുഗർ നാഷണൽ പാർക്കിലാണ് സംഭവം നടക്കുന്നത്.
Photo credit: Carolyn Dunford

റോഡിൽ കൃഷ്ണമൃഗത്തെ ആക്രമിക്കുന്ന സിംഹങ്ങൾ

ക്രുഗർ നാഷണൽ പാർക്കിലൂടെ ടൂറിസ്റ്റുകൾ തങ്ങളുടെ വാഹനങ്ങളിലൂടെ നീങ്ങുമ്പോഴാണ് ഈ അപൂർവ കാഴ്ചയ്ക്ക് അവസരമുണ്ടായത്. ഒരു കൃഷ്ണമ‌ൃഗത്തെ സിംഹങ്ങൾ ഓടിച്ചിട്ട് പിടിച്ച് കൊല്ലുകയായിരുന്നു.

റോഡിനു നടുവിൽ വെച്ചാണ് കൃഷ്ണമൃഗത്തെ പിടികൂടാൻ സിംഹങ്ങൾക്കായത്. ഇത് വാഹനത്തിലിരുന്ന ടൂറിസ്റ്റുകൾക്ക് ഒരു പുതിയ അനുഭവമായി മാറി.

ബ്രിടൻ കരോലിൻ ഡൺഫോഡ് എന്ന 23കാരിയായ ഫോട്ടോഗ്രാഫറാണ് ഈ ചിത്രങ്ങൾ പകർത്തിയത്.

ടൂറിസ്റ്റ് വാഹനങ്ങളിലൊന്നിലിരിക്കുകയായിരുന്ന ഇവർ അവസരം കൃത്യമായി മുതലാക്കി.

ക്രുഗർ നാഷണൽ പാർക്കിൽ ഇന്റേൺഷിപ്പ് ചെയ്യുകയാണ് കരോലിൻ. ടൂറിസ്റ്റുകൾ കാറിന്റെ ജനാല പൂർണമായും തുറന്നിട്ട് ഈ കാഴ്ച കാണുന്നത് ഫോട്ടാകളിലുണ്ട്.

ഇത് അങ്ങേയറ്റം അപകടകരമായ ഒരു പ്രവണതയാണ്. ഈയടുത്ത കാലത്താണ് ബങ്കളുരു ബന്നേർഗട്ട നാഷണൽ പാർക്കിൽ വാഹനത്തിൽ സഞ്ചരിക്കവേ ഒരു കുട്ടിയ കടുവ ആക്രമിച്ചത്.

ക്രുഗർ നാഷണൽ പാർക്കിൽ തന്നെ കഴിഞ്ഞ മാസം ഒരു സ്ത്രീയെ കാറിന്റെ തുറന്നിട്ട വിൻഡോയിലൂടെ വലിച്ച് പുറത്തിട്ട് കൊന്നിരുന്നു.

കൃഷ്ണമൃഗം കാട്ടിനുള്ളിൽ നിന്ന് റോഡിലേക്ക് പെട്ടെന്ന് ഓടിവരികയായിരുന്നുവെന്ന് ദൃക്സാക്ഷികൾ പറയുന്നു. പിന്നാലെ വന്ന സിംഹം റോഡിലൽവെച്ചുതന്നെ മാനിനെ പിടികൂടി. ഒരു സിംഹം കഴുത്തിന് പിടിച്ചപ്പോൾ മറ്റേത് പിന്നിൽ പിടികൂടി.