കൊറോണയില്‍ അടിപതറി റോയല്‍ എന്‍ഫീല്‍ഡ്; പ്രാദേശിക ഓഫീസുകള്‍ പൂട്ടുന്നു

പകര്‍ച്ചവ്യാധി രൂക്ഷമാകുന്ന പശ്ചാത്തലത്തില്‍ ചെലവ് ചുരുക്കല്‍ ലക്ഷ്യമിട്ട് പ്രാദേശിക ഓഫീസുകളുടെ പ്രവര്‍ത്തനം അവസാനിപ്പിക്കാന്‍ ഒരുങ്ങുകയാണ് റോയല്‍ എന്‍ഫീല്‍ഡ്. ഒരു ഡസനോളം പ്രാദേശിക ഓഫീസുകള്‍ അടച്ചുപൂട്ടാനാണ് കമ്പനിയുടെ ആലോചന.

ജീവനക്കാര്‍ക്ക് നല്‍കിയ ആഭ്യന്തര സര്‍ക്കുലറിലൂടെയാണ് തീരുമാനം കമ്പനി പുറത്തുവിട്ടതെന്ന് വിവിധ മാധ്യമങ്ങള്‍ റിപ്പോര്‍ട്ട് ചെയ്തിരിക്കുന്നത്. ഗുഡ്ഗാവ്, ചെന്നൈ, ബാംഗ്ലൂര്‍, മുംബൈ, ത്സാര്‍ഖണ്ഡ്, ഹൈദരാബാദ്, ഭുവനേശ്വര്‍ തുടങ്ങിയ ഓഫീസുകളാകും ഉടന്‍ അടച്ചുപൂട്ടുക.

MOST READ: ഓണ്‍-ഓണ്‍ലൈന്‍ ഹിറ്റെന്ന് മഹീന്ദ്ര; സന്ദര്‍ശിച്ചത് 1.6 ലക്ഷത്തില്‍ അധികം ആളുകള്‍

ഈ പ്രദേശങ്ങളിലെ വില്‍പ്പന, മറ്റ് സേവനങ്ങള്‍ തുടങ്ങിയ മേഖലയില്‍ ജോലി ചെയ്യുന്നവര്‍ക്ക് വീട്ടില്‍ നിന്ന് ജോലി ചെയ്യുന്ന നില തുടരാമെന്ന് കമ്പനി സര്‍ക്കുലറില്‍ പറയുന്നു.

അതേസമയം 2020 മെയ് മാസത്തില്‍ 18,429 യൂണിറ്റുകളുടെ വില്‍പ്പനയാണ് കമ്പനിക്ക് ലഭിച്ചത്. പോയ വര്‍ഷത്തെ വില്‍പ്പനയുമായി താരതമ്യം ചെയ്താല്‍ 69 ശതമാനത്തിന്റെ ഇടിവാണ് ഉണ്ടായിരിക്കുന്നതെന്ന് നിര്‍മ്മാതാക്കള്‍ അറിയിച്ചു.

MOST READ: ടാറ്റ സുമോ നിരത്തൊഴിഞ്ഞത് 25 വര്‍ഷത്തെ ചരിത്രവുമായി; അറിഞ്ഞിരിക്കണം ഈ 5 കാര്യങ്ങള്‍

2019 മെയ് മാസത്തില്‍ 60,211 യൂണിറ്റുകള്‍ കമ്പനി രാജ്യത്ത് വിറ്റഴിച്ചപ്പോള്‍, 2,160 യൂണിറ്റുകളാണ് വിദേശ വിപണിയില്‍ വിറ്റഴിച്ചത്. 2020 ഏപ്രില്‍ മാസത്തില്‍ ഒറ്റ യൂണിറ്റ് പോലും വില്‍ക്കാനാവാതെ വലിയ പ്രതിസന്ധിയാണ് ഈ മേഖലയില്‍ ഉണ്ടായത്.

മാര്‍ച്ച് 25-ന് ആരംഭിച്ച ലോക്ക്ഡൗണ്‍ മൂലമുള്ള നിയന്ത്രണങ്ങളുടെ ഭാഗമായി മാസം മുഴുവന്‍ ഡീലര്‍ഷിപ്പുകള്‍ പൂട്ടിക്കിടന്നതാണ് ഏപ്രില്‍ മാസത്തെ വാഹന വില്‍പ്പന പൂര്‍ണമായും നഷ്ടമാക്കിയത്.

MOST READ: ടാറ്റയുടേതായി വിപണിയിൽ എത്തുന്ന അടുത്ത മോഡൽ ഗ്രാവിറ്റാസ് എസ്‌യുവി

റോയല്‍ എന്‍ഫീല്‍ഡിന്റെ മറ്റ് വാര്‍ത്തകള്‍ പരിശോധിച്ചാല്‍, നിരവധി മോഡലുകള്‍ വിപണിയില്‍ അരങ്ങേറ്റത്തിനായി ഒരുങ്ങുന്നു. അതോടൊപ്പം ചില മോഡലുകളുടെ വില കമ്പനി വര്‍ധിപ്പിച്ചു, തുടങ്ങിയ വാര്‍ത്തകള്‍ ഒക്കെ കാണാന്‍ സാധിക്കും.

ഏറെ പ്രതീക്ഷയോടെയാണ് റോയല്‍ എന്‍ഫീല്‍ഡ് ആരാധകര്‍ മെറ്റിയര്‍ 350 -യുടെ വരവ് നോക്കി കാണുന്നത്. ഇതിനോടകം തന്നെ പരീക്ഷണയോട്ടം നടത്തുന്ന വാഹനത്തിന്റെ ചിത്രങ്ങള്‍ പുറത്തുവന്നിട്ടുണ്ട്.

MOST READ: ആവശ്യക്കാര്‍ കുറഞ്ഞു; JTP എഡിഷനുകളുടെ വില്‍പ്പന അവസാനിപ്പിക്കാനൊരുങ്ങി ടാറ്റ

2020 ജൂണ്‍ മാസത്തോടെ ബൈക്ക് വിപണിയില്‍ എത്തിയേക്കുമെന്നാണ് സൂചന. നിലവിലെ സാഹചര്യത്തിന്റെ ബുദ്ധിമുട്ട് കൊണ്ടാണ് ബൈക്കിന്റെ അവതരണം വൈകുന്നതെന്നാണ് റിപ്പോര്‍ട്ട്. തണ്ടര്‍ബേര്‍ഡിന്റെ പകരക്കാരനായിട്ടാണ് മെറ്റിയര്‍ 350 എത്തുന്നത്.