പള്‍സര്‍ സിഎസ്400, എസ്എസ്400 എക്സ്പോയിൽ

പള്‍സര്‍ സൂപ്പര്‍ സ്‌പോര്‍ട്‌സ്, ക്രൂയിസിംഗ് സ്‌പോര്‍ട്‌സ് ബൈക്കുകള്‍ ഇന്ത്യന്‍ ഓട്ടോ എക്‌സ്‌പോയില്‍ അവതരിപ്പിക്കപ്പെട്ടു. നേരത്തെ പള്‍സര്‍ 375 എന്ന പേരില്‍ നെറ്റിലെമ്പാടും പരന്നിരുന്ന വാര്‍ത്തകള്‍ക്ക് ഇതോടെ അവസാനമായി. കെടിഎം ഡ്യൂക്ക് എന്‍ജിനും പേറിയാണ് ഈ രണ്ട് ബൈക്കുകളും വന്നിരിക്കുന്നത്.

രണ്ട് ബൈക്കുകളെയും അടുത്തുകാണാം.

എന്‍ജിന്‍

375സിസി ലിക്യുഡ് കൂള്‍ഡ് 4 വാല്‍വ് എന്‍ജിനാണ് 6 സ്പീഡ് ഗിയര്‍ബോക്‌സ് ചെര്‍ത്ത് ഈ വാഹനങ്ങളില്‍ ചേര്‍ത്തിരിക്കുന്നത്.

ബജാജ് പള്‍സര്‍ സിഎസ്400

ഇതൊരു നേക്കഡ് സ്ട്രീറ്റ്‌ഫൈറ്റര്‍ ബൈക്കാണ്. കെടിഎം 390-യുടെ എന്‍ജിന്‍ സ്വീകരിച്ചും സാങ്കേതികത പിന്തുടര്‍ന്നുമാണ് ഈ ബൈക്ക് നിര്‍മിച്ചിരിക്കുന്നത്.

പള്‍സര്‍ എസ്എസ്400

ഫെയറിംഗ് ഘടിപ്പിച്ചിട്ടുണ്ട് എന്നതല്ലാതെ സാങ്കേതികമായി സിഎസ് പതിപ്പില്‍ നിന്ന് കാര്യമായ വ്യത്യാസമൊന്നും ഈ ബൈക്കിനില്ല.

പള്‍സര്‍ എസ്എസ്400

ഇരുവശങ്ങളിലും പ്രൊജക്ടര്‍ ഹെഡ്‌ലാമ്പുകള്‍ ഒരല്‍പം അഗ്രസീവായ ഡിസൈനില്‍ നല്‍കിയിരിക്കുന്നത് പള്‍സര്‍ ആരാധകരെ ആകര്‍ഷിക്കാതിരിക്കില്ല.

ഇന്ധനക്ഷമത

ഇന്ധനക്ഷമതയിലും സിറ്റി റോഡുകളിലെ കൈകാര്യക്ഷമതയിലും ഈ വാഹനങ്ങള്‍ മികച്ച പ്രകടനം നടത്തുമെന്നാണ് കരുതേണ്ടത്.

എബിഎസ്

രണ്ട് ബൈക്കുകളിലും എബിഎസ് ചേര്‍ത്തിട്ടുണ്ട്. ഇന്‍സ്ട്രുമെന്റ് കണ്‍സോള്‍ ഡിജിറ്റലാണ്. പള്‍സര്‍ സിഎസ്400 നേക്കഡ് ബൈക്കിന് കാഴ്ചയില്‍ പള്‍സര്‍200-മായി സാമ്യം തോന്നാം.