ബാഹുബലി നായകൻ പ്രഭാസിന്റെ അത്യാഡംബര കാർ

പ്രഭാസിന്റെ പക്കലുള്ളത് ഒരു ജാഗ്വർ എക്സ്‌ജെ മോഡലാണ്. ടാറ്റയുടെ ഉടമസ്ഥതയിലേക്ക് ജാഗ്വർ മാറിയതിനു ശേഷമാണ് എക്സ്‌ജെ സെഡാൻ ഇന്ത്യയിലെത്തുന്നത്.

ഇന്ത്യയിൽ അഞ്ച് എക്സ്‌ജെ വേരിയന്റുകൾ വിൽപനയിലുണ്ട്. ഇവയിൽ ഒരെണ്ണം പെട്രോൾ എൻജിൻ ഘടിപ്പിച്ച് വരുന്നു. 2 ലിറ്റർ ശേഷിയുള്ള പെട്രോൾ എൻജിൻ ലിറ്ററിന് 10.5 കിലോമീറ്റർ മൈലേജാണ് നൽകുന്നത്.

ബാക്കി നാല് വേരിയന്റുകളും 3.0 ലിറ്റർ ഡീസൽ എൻജിൻ ഘടിപ്പിച്ചാണ് എത്തുന്നത്. പ്രഭാസിന്റെ പക്കലുള്ളത് ഡീസൽ എൻജിൻ പതിപ്പാണ്.

റോഡിയം സിൽവർ നിറത്തിലുള്ള ജാഗ്വർ എക്സ്‌ജെ പതിപ്പാണ് പ്രഭാസ് സ്വന്തമാക്കിയിരിക്കുന്നത്. ടാറ്റ കാപിറ്റൽ ലിമിറ്റഡ് നൽകിയ ഫിനാൻസിങ്ങും ഇദ്ദേഹം കാർ വാങ്ങുന്നതിനായി ഉപയോഗപ്പെടുത്തിയിട്ടുണ്ട് എന്നറിയുന്നു. ഹൈദരാബാദിലാണ് കാർ രജിസ്റ്റർ ചെയ്തിരിക്കുന്നത്.

ജാഗ്വർ എക്സ്‌ജെയുടെ പെട്രോൾ എൻജിൻ പതിപ്പിന് 95.97 ലക്ഷം രൂപയാണ് എക്സ്ഷോറൂം നിരക്ക്.

ഡീസൽ പതിപ്പുകൾക്ക് 94.81 ലക്ഷം രൂപയിൽ വിലകൾ തുടങ്ങുന്നു. ഏറ്റവും ഉയർന്ന വേരിയൻറിന് 2.08 കോടി രൂപ വിലവരും.

എല്ലാ പതിപ്പുകളും ഓട്ടോമാറ്റിക് ട്രാൻസ്മിഷനിൽ വരുന്നു. ലിറ്ററിന് 10.5 കിലോമീറ്ററാണ് മൈലേജ്.

ഏഴ് വ്യത്യസ്ത നിറങ്ങളിൽ ജാഗ്വർ എക്സ്‌ജെ കാർ വിപണിയിൽ ലഭ്യമാക്കിയിട്ടുണ്ട് കമ്പനി.

പ്രകടനശേഷി, സ്റ്റൈലിങ് തുടങ്ങിയ കാര്യങ്ങളിൽ ആഡംബരക്കാറുകൾക്കിടയിൽ മുൻപന്തിയിൽ തന്നെയാണ് ജാഗ്വർ നിൽപുറപ്പിച്ചിട്ടുള്ളത്. നഗരത്തിരക്കുകൾക്കിടയിൽ കാഴ്ചക്കാരുടെ കണ്ണുകളെ തന്നിലേക്കു വലിച്ചടുപ്പിക്കാൻ ശേഷിയുണ്ട് ഈ കാറിന്റെ ഡിസൈൻ ഭംഗിക്ക്.

രജനികാന്തിന്‍റെ കാറുകള്‍

ലംബോര്‍ഗിനി അവന്‍റഡോര്‍ കോരിത്തരിച്ചപ്പോള്‍

ഇളയ ദളപതിയുടെ എല്ലാ കാറുകളും കാണാം

മമ്മൂക്കയും ഓഡി എ7 സ്പോര്‍ട്ബാക്കും

സല്‍മാന്‍റെ ഡിസി വാനിറ്റി വാന്‍

ചെ ഗുവേരയുടെ മോട്ടോര്‍സൈക്കിള്‍