സിഇഒമാർക്ക് മാന്യമായ ശമ്പളം കിട്ടുന്നുണ്ടോ?

അലന്‍ മുല്ലാലി

ഫോഡ് സിഇഒ ആയ അലന്‍ മുല്ലാലിയാണ് ഇക്കൂട്ടത്തില്‍ ഏറ്റവുമധികം ശമ്പളം പറ്റുന്നത്. 21 ദശലക്ഷം ഡോളറാണ് 2012ല്‍ മുല്ലാലി ഫോഡില്‍ നിന്ന് വീട്ടിലേക്ക് കൊണ്ടുപോയത്.

മാര്‍ടിന്‍ വിന്‍റര്‍കോണ്‍

ഫോക്സ്‍വാഗണ്‍ ഗ്രൂപ്പിന്‍റെ സിഇഒ മാര്‍ടിന്‍ വിന്‍റര്‍കോണ്‍ വര്‍ഷത്തില്‍ വാങ്ങുന്ന ശമ്പളം 19 ദശലക്ഷം ഡോളറാണ്.

ഡാന്‍ അകേഴ്സന്‍

ജനറല്‍ മോട്ടോഴ്സിന്‍റെ ഡാന്‍ അകേഴ്സന്‍ 11 ദശലക്ഷം ഡോളര്‍ ശമ്പളം പറ്റുന്നു.

ഡീറ്റര്‍ സെറ്റ്ഷെ

ഡയംലര്‍ സിഇഒ ഡീറ്റര്‍ സെറ്റ്ഷെ 10.6 ദശലക്ഷം ഡോളറാണ് ശമ്പളമായി വാങ്ങുന്നത്.

കാര്‍ലസ് ഗോസന്‍

ജപ്പാന്‍ കമ്പനിയായ നിസ്സാന്‍ മോട്ടോര്‍ സിഇഒ കാര്‍ലസ് ഗോസന്‍ വാങ്ങുന്നത് 10 ദശലക്ഷം ഡോളറാണ്.

അകിയോ ടൊയോഡ

മേല്‍പ്പറഞ്ഞവരുമായെല്ലാം താരതമ്യം ചെയ്യാന്‍ പോലും കഴിയാത്തതാണ് അകിയോ ടൊയോഡയുടെ ശമ്പളം. 1.9 ദശലക്ഷം ഡോളര്‍ മാത്രമാണ് ഇദ്ദേഹത്തിന് അവസാനവര്‍ഷം ശമ്പളമായി ലഭിച്ചത്. ഇത് അതിന് മുമ്പുള്ള വര്‍ഷത്തേതിനെക്കാള്‍ 35 ശതമാനം ശമ്പളവര്‍ധന ലഭിച്ചതിന് ശേഷമുള്ള കണക്കാണ്. അകിയോ ടൊയോഡ കമ്പനിയില്‍ നിന്ന് രാജി വെക്കാന്‍ എന്തുകൊണ്ടാണ് ഇത്രയും വൈകിയത് എന്നതാണ് ശരിയായ ചോദ്യം.

ടൊയോട്ട കമ്പനിയില്‍ അകിയോയ്ക്ക് 0.13 ശതമാനം ഓഹരികളുള്ളത് പക്ഷെ ഇക്കൂട്ടത്തില്‍ പരിഗണിക്കാനാവില്ല. എങ്കിലും പറയട്ടെ, ഈ വഴിക്ക് കഴിഞ്ഞ സാമ്പത്തിക വര്‍ഷം അവസാനത്തില്‍ 4.2 ദശലക്ഷം ഡോളര്‍ ഡിവിഡന്‍ഡായി ലഭിച്ചിരുന്നു.