കങ്കണയുടെ വണ്ടിയും വിശേഷങ്ങളും

ബിഎംഡബ്ലിയു 7 സീരീസ് കോര്‍പറേറ്റുകള്‍ തെരഞ്ഞടുക്കുന്ന വാഹനങ്ങളിലൊന്നാണ്.

കാഴ്ചയില്‍ 7 സീരീസ് ഉല്‍പാദിപ്പിക്കുന്ന 'സീരിയസ്‍നെസ്' ആണ് ഇതിന് കാരണമെന്ന് ചൂണ്ടിക്കാണിക്കപ്പെടുന്നുണ്ട്. കങ്കണ ഈ കാര്‍ തെരഞ്ഞെടുത്തതിന്‍റെ കാരണവും ഇതുതന്നെയാകാം. കാര്യങ്ങളെ അല്‍പം ഗൗരവത്തോടെ സമീപിക്കുന്നയാളാണ് കങ്കണ.

7 സീരീസ് വില തുടങ്ങുന്നത് 85,00,000 രൂപയിലാണ്. 1,35,00,000 രൂപയില്‍ അവസാനിക്കുന്നു.

ആത്മവിശ്വാസം നിറഞ്ഞ ശരീരഭാഷയാണ് കങ്കണയുടേത്. 7 സീരീസ് തീര്‍ച്ചയായും അവര്‍ക്ക് ചേര്‍ന്ന വണ്ടിയാണെന്ന് പറയാം.

407 കുതിരശക്തി പകരുന്ന ട്വിന്‍ ടര്‍ബോ എന്‍ജിനാണ് 7 സീരീസിനുള്ളത്.

1750-4500 ആര്‍പിഎമ്മിനിടയില്‍ 600 എന്‍എം എന്ന അതറുന്ന ചക്രവീര്യം ഈ എന്‍ജിന്‍ പകരുന്നു.

100 കിമി വേഗം പിടിക്കാന്‍ 5.3 സെക്കന്‍ഡാണ് വാഹനം എടുക്കുക.

വാഹനത്തിന്‍റെ സാന്നിധ്യം വര്‍ധിപ്പിക്കുന്ന ബോള്‍ഡ് ലുക്കാണ് 7 സീരീസിന്‍റെ മറ്റൊരു പ്രത്യേകത. മുന്‍വശത്ത് വലിപ്പമേറിയ കിഡ്നി ഗ്രില്ലുകള്‍ നല്‍കുന്ന കാഴ്ചയുടെ രസം വളരെ വലുതാണ്. മികവുറ്റ ബാലന്‍സിംഗ്, ഭാരക്രമീകരണം എന്നിവ 7 സീരീസിന്‍റെ പ്രത്യേകതകളാണ്. മികച്ച ഉള്‍സൗകര്യമാണ് 7 സീരീസിന്‍റെ എടുത്തുകാണിക്കേണ്ട മറ്റൊരു പ്രത്യേകത.