ജയലളിതയുടെ അത്യാഡംബര സ്പോർട് യൂട്ടിലിറ്റി

2982 സിസി ശേഷിയുള്ള ഒരു ഡീസല്‍ എന്‍ജിന്‍ ഘടിപ്പിച്ചാണ് ലാന്‍ഡ് ക്രൂയിസര്‍ പ്രാഡോ എസ്‌യുവി വിപണിയിലെത്തുന്നത്.

3400 ആര്‍പിഎമ്മില്‍ 170 കുതിരകളുടെ കരുത്ത് പകരാനുള്ള ശേഷിയുണ്ട് ജയലളിതയുടെ വാഹനത്തിന്. 1600 ആര്‍പിഎമ്മില്‍ 410 എന്‍എം ആണ് ചക്രവീര്യം (ടോര്‍ക്ക്).

എന്‍ജിനോടൊപ്പം ഘടിപ്പിച്ചിരിക്കുന്നത് ഒരു 5 സ്പീഡ് ഓട്ടോമാറ്റിക് ഗിയര്‍ബോക്‌സാണ്. 87 ലിറ്റര്‍ സംഭരണശേഷിയുണ്ട് ഇന്ധനടാങ്കിന്.

ബ്ലാക്ക്, ഡാര്‍ക്ക് ബ്ലൂ മെറ്റാലിക്, േ്രഗ മെറ്റാലിക്ക്, പേള്‍ വൈറ്റ് ക്രിസ്റ്റല്‍ ഷൈന്‍, സില്‍വര്‍ മെറ്റാലിക് എന്നീ നിറങ്ങളില്‍ ലാന്‍ഡ് ക്രൂയിസര്‍ പ്രാഡോ ലഭിക്കുന്നു.

ജയലളിതയുടെ പക്കലുള്ളത് പേള്‍ വൈറ്റ് ക്രിസ്റ്റല്‍ ഷൈന്‍ നിറത്തിലുള്ള പ്രാഡോയാണ്.

4780 മില്ലിമീറ്റര്‍ നീളമാണ് ലാന്‍ഡ് ക്രൂയിസര്‍ പ്രാഡോയ്ക്കുള്ളത്. 1885 മില്ലിമീറ്റര്‍ വീതിയും വാഹനത്തിനുണ്ട്. ഉയരം 1880 എംഎം.

വാഹനത്തിന്റെ വീല്‍ബേസ് 1790 എംഎം ആണ്. 220 മില്ലിമീറ്ററെന്ന മികവുറ്റ ഗ്രൗണ്ട് ക്ലിയറന്‍സ് ഈ എസ്‌യുവിക്കുമ്ട്.

ഏഴ് യാത്രക്കാര്‍ക്ക് സുഖമായി ഇരുന്ന് സഞ്ചരിക്കാം ജയലളിതയുടെ കാറില്‍.

എയര്‍ബാഗുകള്‍, സെന്‍ട്രല്‍ ലോക്കിങ്, ചൈല്‍ഡ് സേഫ്റ്റി ലോക്ക്, ആന്റിലോക്ക് ബ്രേക്കിങ് സിസ്റ്റം, ഇബിഡി, ഇഎസ്പി തുടങ്ങിയ സുരക്ഷാ സംവിധാനങ്ങളുണ്ട് ജയയുടെ കാറില്‍.

ലാന്‍ഡ് ക്രൂയിസര്‍ പ്രാഡോയുടെ ഒരു പതിപ്പു മാത്രമേ ഇന്ത്യയില്‍ ലഭിക്കുകയുള്ളൂ. കര്‍ണാടക മുൻ മുഖ്യമന്ത്രി യെഡ്യൂരപ്പയും ഇതേ മോഡലാണ് ഉപയോഗിച്ചിരുന്നത്.

കൊച്ചിയിലെ എക്‌സ്‌ഷോറൂം നിരക്ക് പ്രകാരം 84,57,635 രൂപയാണ് ലാന്‍ഡ് ക്രൂയിസര്‍ പ്രാഡോയുടെ വില.

ഈ കാറിന് ആര്‍ടിഒ, ഇന്‍ഷൂറന്‍സ് തുടങ്ങിയ ചെലവുകള്‍ കഴിഞ്ഞ് റോഡിലിറങ്ങുമ്പോള്‍ 1,02,96,836 രൂപ വില വരും!

ജയലളിതയുടെ പ്രചാരണവാഹനം.