വടിവേലുവിന് എന്താണ് സിയേറയോട് ഇത്രയടുപ്പം?

ചിത്രങ്ങളിലൂടെ നീങ്ങുക.

1991 മുതല്‍ 98 വരെയുള്ള കാലയളവില്‍ ഉല്‍പാദനത്തിലുണ്ടായിരുന്ന എസ്‌യുവിയാണ് സിയേറ. ചില വിദേശവിപണികളിലും ഈ വാഹനം വിറ്റഴിച്ചിരുന്നു. ഡീസല്‍ കാറുകള്‍ സ്വകാര്യം യാത്രാവാഹനങ്ങളായി ഉപയോഗിക്കാന്‍ ഇന്ത്യന്‍ ഉപഭോക്താക്കള്‍ക്ക് വിമുഖതയുണ്ടായിരുന്ന കാലത്താണ് ഈ എസ്‌യുവിയുടെ രംഗപ്രവേശം.

ഇന്ത്യന്‍ വാഹനങ്ങളില്‍, ക്രമീകരിക്കാവുന്ന സ്റ്റീയറിങ് വീല്‍ ആദ്യമായി ഘടിപ്പിച്ചു കാണുന്നത് സിയേറയിലാണ്. പവര്‍ വിന്‍ഡോകള്‍, പവര്‍ സ്റ്റീയറിങ് തുടങ്ങിയ സവിശേഷതകളും ഈ കാറിനെ വേറിട്ടു നിറുത്തി.

1948സിസി ശേഷിയുള്ള എന്‍ജിനാണ് ഈ വാഹനത്തിലുണ്ടായിരുന്നത്. 4500 ആര്‍പിഎമ്മില്‍ 90 പിഎസ് കരുത്തുല്‍പാദിപ്പിക്കാന്‍ ഈ എന്‍ജിന് ശേഷിയുണ്ടായിരുന്നു. 2500 ആര്‍പിഎണ്മില്‍ 190 എന്‍എം ചക്രവീര്യം ഉല്‍പാദിപ്പിക്കുന്നു ഈ എന്‍ജിന്‍.

തുടക്കത്തില്‍ ഒരു സാധാരണ 1.9 ലിറ്റര്‍ എന്‍ജിന്‍ മാത്രമായി വിപണിയിലെത്തിയ സിയേറയില്‍ പിന്നീട് ടര്‍ബോചാര്‍ജര്‍ ഘടിപ്പിച്ചു. ഇന്ത്യയില്‍ ഡിസൈന്‍ ചെയ്ത് നിര്‍മിച്ച ആദ്യത്തെ കാറാണ് സിയേറ എന്നും അറിയുക.