ശേഷി കൂടിയ ബൈക്കുകൾക്ക് പ്രത്യേക ലൈസൻസിങ് സംവിധാനം വരുന്നു

നിരവധി വിദേശരാജ്യങ്ങളിൽ ഈ സംവിധാനം നിലവിലുണ്ട്. ഇന്ത്യയിൽ 500സിസിക്കു മുകളിൽ ശേഷിയുള്ള ബൈക്കുകൾക്ക് പ്രത്യേകമായ ലൈസൻസിങ് സംവിധാനം കൊണ്ടുവരാനാണ് നീക്കം.

നിലവിൽ പ്രത്യേകിച്ച് നിയന്ത്രണങ്ങളൊന്നും നിലവിലില്ല. ഉള്ളത് ഗിയറുള്ളതും ഇല്ലാത്തതുമായ വാഹനങ്ങളുടെ കാര്യത്തിൽ മാത്രമാണ്. ഗിയറുള്ള ബൈക്കിന്റെ ലൈസൻസെടുത്തയാൾക്ക് എത്ര ഉയർന്ന എൻജിൻ ശേഷിയുള്ള വാഹനവും ഓടിക്കാൻ നിയമപരമായ അനുമതിയുണ്ട് എന്നതാണ് സ്ഥിതി.

ഉയർന്ന ശേഷിയുള്ള എൻജിൻ ഘടിപ്പിച്ച ബൈക്കുകളോടിക്കാൻ പ്രത്യേക പരിശീലനം തന്നെ ആവശ്യമാണ്. ചില ബൈക്ക് നിർമാതാക്കൾ സൂപ്പർബൈക്കുകൾ വിൽക്കുമ്പോൾ ഇത്തരം പരിശീലനം നൽകിവരുന്നുണ്ട്. ഇതുപക്ഷെ എല്ലാവരും പിന്തുടരുന്ന ഒരു കാര്യമല്ല. എല്ലാ മോഡലുകളുടെയും കാര്യത്തിൽ ഇത് പ്രയാഗികമല്ലാത്തതിനാൽ പലരും ഏറ്റവും ഉയർന്ന ശേഷിയുള്ളവ വാങ്ങുമ്പോൾ മാത്രമേ ഇത്തരം പരിശീലനം നൽകാറുള്ളൂ.

ഉയർന്ന ശേഷിയുള്ള വാഹനങ്ങളുൾപെട്ട നിരവധി അപകടങ്ങൾ ഇടയുത്തകാലത്ത് നടക്കുകയുണ്ടായി. ഇന്ത്യൻ നിരത്തുകളിൽ സൂപ്പർബൈക്കുകളുടെ സാന്നിധ്യം വർധിച്ചുവരികയാണ്. സർക്കാർ ഇടപെടൽ അത്യാവശ്യമാണെന്ന് നേരത്തെതന്നെ അഭിപ്രായമുയർന്നിരുന്നു.

ചെറിയ ശേഷിയുള്ള എൻജിൻ ഘടിപ്പിച്ച വാഹനങ്ങളിൽ നിന്ന് ഉയർന്ന ശേഷിയുള്ളവയിലേക്ക് മാറുന്ന വിധത്തിലായിരിക്കണം ലൈസൻസിങ് സംവിധാനമെന്ന് അഭിപ്രായമുണ്ട്. പരിചയസമ്പത്തുള്ളവരുടെ കൈയിലേക്കു മാത്രമേ എൻജിൻ ശേഷി കൂടിയ ബൈക്കുകൾ എത്താവൂ എന്നതായിരിക്കണം പുതിയ സംവിധാനത്തിന്റെ അടിസ്ഥാനതത്വം.

കൂടുതൽ

ബെനെല്ലി ടിഎൻടി 600ഐ ലിമിറ്റഡ് എഡിഷൻ ലോഞ്ച് ചെയ്തു

ട്രയംഫ് ടൈഗർ 800 എക്സ്‌സിഎ ലോഞ്ച് ചെയ്തു; വില 13.75 ലക്ഷം