റോയല്‍ എന്‍ഫീല്‍ഡ് നിരയിലെ ക്ലാസിക് താരം; ബിഎസ് VI ഇന്റര്‍സെപ്റ്റര്‍ 650 റിവ്യൂ വിശേഷങ്ങള്‍ ഇതാ

പ്രത്യേകിച്ച് 2018 നവംബറില്‍, റോയല്‍ എന്‍ഫീല്‍ഡ് പുറത്തിറക്കിയ ഇന്റര്‍സെപ്റ്റര്‍ 650 & കോണ്ടിനെന്റല്‍ ജിടി 650 മോഡലുകള്‍ ഇന്ന് ആഗോള വിപണിയില്‍ പോലും വമ്പന്‍ ഹിറ്റായിരിക്കുകയാണ്. 650 ഇരട്ടകളെന്നാണ് വിപണി ഇവയെ സ്‌നേഹപൂര്‍വ്വം വിളിക്കുന്നത്.

വിപണിയില്‍ എത്തി അധികം വൈകാതെ തന്നെ ഇന്റര്‍സെപ്റ്റര്‍ 650-ന്റെ ആയിരക്കണക്കിന് യൂണിറ്റുകള്‍ വിറ്റഴിക്കനും കമ്പനിക്ക് സാധിച്ചു. ഇപ്പോഴിതാ നവീകരണങ്ങളോടെ ബിഎസ് VI പതിപ്പിനെ കമ്പനി വിപണിയില്‍ അവതരിപ്പിച്ചിരിക്കുകയാണ്. ബിഎസ് VI നവീകരണങ്ങളോടെ എത്തിയിരിക്കുന്ന മോഡലിന്റെ ടെസ്റ്റ് ട്രൈവ് വിശേഷങ്ങളാണ് ഇവിടെ പങ്കുവെയ്ക്കുന്നത്.

ഡിസൈന്‍ & സ്റ്റൈല്‍

സ്‌റ്റൈലിംഗിന്റെ കാര്യത്തില്‍ ഇന്റര്‍സെപ്റ്റര്‍ 650 ല്‍ വലിയ മാറ്റമൊന്നും വന്നിട്ടില്ലെന്ന് വേണം പറയാന്‍. വൃത്താകൃതിയിലുള്ള ഹെഡ്‌ലാമ്പും മുന്‍വശത്ത് വൃത്തിയുള്ള രേഖകളും നിലനിര്‍ത്തി, അതേ റെട്രോ ഡിസൈന്‍ തന്നെയാണ് കമ്പനി മുന്നോട്ട് കൊണ്ടുപോകുന്നത്.

വൃത്താകൃതിയിലുള്ള ഹെഡ്‌ലാമ്പ് ക്രോമിലാണ് പൂര്‍ത്തിയാക്കിയിരിക്കുന്നത്. സൂക്ഷ്മമായി പരിശോധിക്കുമ്പോള്‍, ഹാലൊജെന്‍-പവര്‍ഡ് ഹെഡ്‌ലാമ്പിനുള്ളില്‍ ഒരു ചെറിയ എല്‍ഇഡി പൊസിഷന്‍ ലാമ്പ് ഉണ്ടെന്ന് കാണാന്‍ സാധിക്കും.

എന്നിരുന്നാലും, ഇന്റര്‍സെപ്റ്റര്‍ 650 എപ്പോഴും ഹെഡ്‌ലാമ്പ് ഓണ്‍ (AHO) സവിശേഷതയുമായി വരുന്നു, അതിന്റെ ഫലമായി, ചെറിയ എല്‍ഇഡി ലൈറ്റ് എല്ലായ്‌പ്പോഴും ശോഭയുള്ള ഹാലൊജെന്‍ ബള്‍ബിനെ മറികടക്കുന്നു.

ഹെഡ്‌ലാമ്പിന് മുകളില്‍ സ്ഥാപിച്ചിരിക്കുന്നത് ഡിജിറ്റല്‍ അനലോഗ് ഇന്‍സ്ട്രുമെന്റ് ക്ലസ്റ്ററാണ്. ഇടതുവശത്ത് സ്പീഡോമീറ്ററും വലതുവശത്ത് ടാക്കോമീറ്ററും ഉണ്ട്. ടാക്കോമീറ്റര്‍ ബിന്നക്കിളിനുള്ളില്‍ കുറച്ച് ടെല്‍-ടെയില്‍ ലൈറ്റുകള്‍ ഉണ്ട്, സ്പീഡോമീറ്റര്‍ ബിന്നക്കിളിനുള്ളില്‍ ഫ്യുവല്‍ ഗേജ്, ട്രിപ്പ് മീറ്റര്‍, ഓഡോമീറ്റര്‍ എന്നിവ പ്രദര്‍ശിപ്പിക്കുന്ന ഒരു ചെറിയ എല്‍സിഡി സ്‌ക്രീനും ലഭിക്കും.

ഫ്രണ്ട് സസ്‌പെന്‍ഷനിലെ ഫോര്‍ക്ക് ഗേറ്ററുകള്‍ ഫ്രണ്ട് എന്‍ഡ് പൂര്‍ണ്ണമായി കാണുമ്പോള്‍ ക്രോം ചെയ്ത മിററുകള്‍ ഇതിന് പ്രീമിയം അനുഭവം നല്‍കുന്നു. സൈഡ് പ്രൊഫൈലില്‍ നിന്ന് നോക്കുമ്പോള്‍, നിരവധി ഡിസൈന്‍ ഘടകങ്ങള്‍ വേറിട്ടുനില്‍ക്കുന്നു, കൂടാതെ ഫ്യുവല്‍ ടാങ്കാണ് ഏറ്റവും കൂടുതല്‍ ശ്രദ്ധ ആകര്‍ഷിക്കുന്നത്.

റോയല്‍ എന്‍ഫീല്‍ഡ് ലോഗോയോടുകൂടി മനോഹരമായി പൂര്‍ത്തിയാക്കിയ ഫ്യുവല്‍ ടാങ്ക് ഇന്റര്‍സെപ്റ്റര്‍ 650 ന് ലഭിക്കുന്നു. മോണ്‍സ സ്‌റ്റൈല്‍ ഫ്യുവല്‍ ഫില്ലര്‍ ക്യാപ് ക്രോമില്‍ പൂര്‍ത്തിയാക്കിയിരിക്കുന്നു.

വെഞ്ചുറ ബ്ലൂ നിറത്തിലുള്ള മോഡലാണ് ടെസ്റ്റ് ഡ്രൈവിനായി ലഭിച്ചത്. മോട്ടോര്‍സൈക്കിളിന്റെ രൂപകല്‍പ്പനയ്ക്ക് അനുസൃതമായി, നീളമുള്ള സിംഗിള്‍-പീസ് സീറ്റാണ് മറ്റൊരു സവിശേഷത. മോട്ടോര്‍സൈക്കിളിന്റെ മറ്റൊരു പ്രധാന ഡിസൈന്‍ സൗന്ദര്യം എക്സ്ഹോസ്റ്റാണ്.

വലിയ സമാന്തര-ഇരട്ട എഞ്ചിനും ക്രോമില്‍ പൂര്‍ത്തിയാക്കിയ ഇരട്ട എക്‌സോസ്റ്റ് പൈപ്പുകളും ഇന്റര്‍സെപ്റ്റര്‍ 650 ന്റെ സൗന്ദര്യത്തില്‍ വലിയ പങ്കു വഹിക്കുന്നു. എഞ്ചിന്റെ സൈഡ് കവറുകള്‍ ക്രോമിലും സിലിണ്ടറുകള്‍ ബ്ലാക്ക് നിറത്തിലും എഞ്ചിന്‍ ഹെഡ് സില്‍വറിലും പൂര്‍ത്തിയാക്കിയിരിക്കുന്നു. ഇത് മനോഹരമായ ഒരു ദൃശ്യതീവ്രത സൃഷ്ടിക്കുന്നു. സൈഡ് പാനലുകള്‍ ബ്ലാക്കില്‍ പൂര്‍ത്തിയാക്കി, അവയില്‍ ഇന്റര്‍സെപ്റ്റര്‍ ലോഗോ ലഭിക്കും.

പിന്നില്‍, റോയല്‍ എന്‍ഫീല്‍ഡ് ഇന്റര്‍സെപ്റ്റര്‍ 650 വളരെ ലളിതമായ സജ്ജീകരണത്തോടെയാണ് വരുന്നത്. ഹാലോജന്‍ ബള്‍ബില്‍ പ്രവര്‍ത്തിക്കുന്ന ടെയില്‍ ലാമ്പും ഇന്‍ഡിക്കേറ്ററുകളും രജിസ്‌ട്രേഷന്‍ നമ്പര്‍ പ്ലേറ്റും പിന്‍ ഫെന്‍ഡറില്‍ ഘടിപ്പിച്ചിരിക്കുന്നു.

പുറകില്‍ നിന്ന് നോക്കുമ്പോള്‍, ഇരട്ട എക്സ്ഹോസ്റ്റ് ഔട്ട്ലെറ്റുകള്‍, ഒരു വലിയ ബൈക്കിന്റെ ലുക്കാണ് സമ്മാനിക്കുന്നത്. മൊത്തത്തില്‍, ഇന്റര്‍സെപ്റ്റര്‍ 650 മികച്ചതായി കാണപ്പെടുന്നു, കൂടാതെ ഡിസൈനര്‍മാര്‍ കാര്യങ്ങള്‍ ലളിതവും മികച്ചതുമാക്കിയെന്ന് വേണം പറയാന്‍.

എഞ്ചിന്‍ & പെര്‍ഫോമെന്‍സ്

2021 റോയല്‍ എന്‍ഫീല്‍ഡ് ഇന്റര്‍സെപ്റ്റര്‍ 650 ബിഎസ് VI പതിപ്പ് ഒരു എയര്‍, ഓയില്‍-കൂള്‍ഡ്, 648 സിസി, പാരലല്‍-ട്വിന്‍ എഞ്ചിനുമായാണ് എത്തുന്നത്. ബിഎസ് VI മലിനീകരണ മാനദണ്ഡങ്ങള്‍ പാലിക്കുന്നുണ്ടെങ്കിലും, പവര്‍, ടോര്‍ക്ക് ഔട്ട്പുട്ട് സമാനമാണ്.

7,150 rpm-ല്‍ 47 bhp പരമാവധി കരുത്തും 5,250 rpm-ല്‍ 52 Nm പരമാവധി ടോര്‍ക്കും സൃഷ്ടിക്കുന്നു. സമ്മര്‍ദ്ദമില്ലാത്ത എഞ്ചിനായതുകൊണ്ട് തന്നെ ഇത് എളുപ്പത്തില്‍ പോകാന്‍ കഴിയും.

ട്രാന്‍സ്മിഷന്‍ ചുമതലകള്‍ കൈകാര്യം ചെയ്യുന്നത് 6-സ്പീഡ് ഗിയര്‍ബോക്‌സാണ്, സ്ലിപ്പര്‍ ക്ലച്ചിന്റെ സഹായത്തോടെയാണ് ഇത് വരുന്നത്. റൈഡര്‍ക്ക് കാര്യങ്ങള്‍ എളുപ്പമാക്കുന്നതില്‍ റോയല്‍ എന്‍ഫീല്‍ഡ് ശരിക്കും പ്രവര്‍ത്തിച്ചിട്ടുണ്ടെന്ന് വേണം പറയാന്‍. ക്ലച്ച് ലിവറിലെ ലൈറ്റ് ഫീല്‍ ഇതിന് ഉദാഹരണമാണ്.

വലിയ ക്രൂയിസര്‍ മോട്ടോര്‍സൈക്കിളുകളെപ്പോലെ ആദ്യത്തെ ഗിയറിലേക്ക് സ്ലോട്ട് ചെയ്യുമ്പോള്‍ അത് ശബ്ദമുണ്ടാക്കുന്നു. ക്ലച്ച് ലിവര്‍ പതുക്കെ റിലീസ് ചെയ്യുമ്പോള്‍, പാരലല്‍-ട്വിന്‍ മോട്ടോര്‍ നിര്‍മ്മിച്ച ലോ-എന്‍ഡ് ടോര്‍ക്ക് കാരണം മോട്ടോര്‍സൈക്കിള്‍ യാതൊരു ത്രോട്ടില്‍ ഇന്‍പുട്ടും ഇല്ലാതെ പോകുന്നു.

ടോര്‍ക്കിന്റെ 80 ശതമാനത്തിലധികം 3,000 rpm-ല്‍ താഴെയാണ് വരുന്നത്, ഇത് കുറഞ്ഞ വേഗതയിലും യാത്ര മികച്ചതാക്കുന്നു. കൂടാതെ, ഏത് ഗിയറിലും വേഗത എടുക്കുന്നത് വളരെ എളുപ്പമാണ്.

ഏകദേശം 7 സെക്കന്‍ഡില്‍ ഇന്റര്‍സെപ്റ്റര്‍ 650 പൂജ്യത്തില്‍ നിന്നും 100 കിലോമീറ്റര്‍ വേഗത കൈവരിക്കും. 160 കിലോമീറ്ററാണ് മോട്ടോര്‍സൈക്കിളിന്റെ പരമാവധി വേഗത്. നഗരത്തില്‍, ഇത് 23 കിലോമീറ്റര്‍ ഇന്ധനക്ഷമത നല്‍കുമെങ്കില്‍, ഹൈവേയില്‍ ഏകദേശം 28 കിലോമീറ്റര്‍ വരെ ഇന്ധനക്ഷമത ലഭിക്കുന്നുവെന്ന് വേണം പറയാന്‍.

റൈഡ് & ഹാന്‍ഡ്‌ലിംഗ്

ലോഞ്ച് ചെയ്ത കാലം മുതല്‍, റോയല്‍ എന്‍ഫീല്‍ഡ് ഇന്റര്‍സെപ്റ്റര്‍ 650-യ്ക്ക് വലിയ സ്വീകാര്യതയാണ് ലഭിക്കുന്നത്. മോട്ടോര്‍സൈക്കിളിന്റെ റൈഡിംഗ് അനുഭവം മിച്ചതെന്ന് വേണം പറയാന്‍. ഇത് തന്നെയാണ് മോഡലിനെ വ്യത്യസ്തനാക്കുന്നതും.

ഇത് ശരിക്കും രസകരവും മനോഹരവുമായ ഒരു മോട്ടോര്‍സൈക്കിള്‍ ആണ്, കൂടാതെ ആരും ആസ്വദിക്കുന്ന ഒരു റൈഡിംഗ് അനുഭവം നല്‍കുകയും ചെയ്യുന്നു. 2018 ല്‍ ഇത് ആദ്യമായി അവതരിപ്പിച്ചപ്പോള്‍, 650 ഇരട്ടകള്‍ക്ക് പിറെല്ലി ഫാന്റം സ്‌പോര്‍ട്ട്‌കോമ്പ് ടയറുകളാണ് ലഭിച്ചിരുന്നത്. ഇപ്പോള്‍, ടയര്‍ ഇറക്കുമതി നിയന്ത്രണങ്ങള്‍ വന്നതോടെ, പിറെല്ലിസിന് പകരം സിയറ്റ് ടയറുകളാണ് മോട്ടോര്‍സൈക്കിളില്‍ ഉപയോഗിക്കുന്നത്.

സിയറ്റ് സൂം ക്രൂസ് ടയറുകള്‍ ആദ്യം പിറെല്ലിസില്‍ നിന്ന് ഒരു വലിയ ചുവടുവെപ്പ് പോലെ തോന്നുമെങ്കിലും അവ നല്ല ഗ്രിപ്പ് ലെവലുകള്‍ വാഗ്ദാനം ചെയ്യുന്നു. ഉണങ്ങിയ ടാര്‍മാക്കില്‍, ടയറുകള്‍ മികച്ചതാണ്, റോഡുകള്‍ നനഞ്ഞാല്‍ മാത്രമേ ഗ്രിപ്പ് ലെവലുകള്‍ ചെറുതായി കുറയുകയുള്ളൂ.

സസ്‌പെന്‍ഷന്‍ ചുമതലകള്‍ കൈകാര്യം ചെയ്യുന്നതിന് മുന്‍വശത്ത് ടെലിസ്‌കോപിക് ഫോര്‍ക്കുകളും, പിന്നില്‍ ഇരട്ട ഷോക്കുമാണ്. റിയര്‍ ഷോക്കുകള്‍ പ്രീലോഡിനായി ക്രമീകരിക്കാവുന്നതാണ്.

സുരക്ഷയ്ക്കായി മുന്നില്‍ 320 mm ഡിസ്‌കും പിന്നില്‍ 240 mm ഡിസ്‌കും ലഭിക്കുന്നു. ബ്രേക്കുകള്‍ ശക്തവും ലിവറുകളില്‍ നിന്നുള്ള മതിയായ ഫീഡ്ബാക്ക് വാഗ്ദാനം ചെയ്യുന്നു. സ്റ്റാന്‍ഡേര്‍ഡ് ഫീച്ചറായി ഡ്യുവല്‍ ചാനല്‍ എബിഎസും വാഗ്ദാനം ചെയ്യുന്നു.

റൈഡിംഗ് പൊസിഷന്‍ മികച്ചതും നേരായതുമാണ്. നഗരത്തില്‍, ഇത് റൈഡര്‍ക്ക് ബൈക്ക് ഇടുങ്ങിയ ഇടങ്ങളിലൂടെ കൈകാര്യം ചെയ്യാന്‍ ആവശ്യമായ വഴക്കം നല്‍കുന്നു. ഹൈവേയ്ക്ക് പുറത്ത്, ഇത് ദീര്‍ഘദൂരങ്ങള്‍ അനായാസം മറികടക്കാനും കഴിയും.

റോയല്‍ എന്‍ഫീല്‍ഡ് ഇന്റര്‍സെപ്റ്റര്‍ 650 ഞങ്ങള്‍ 300 കിലോമീറ്ററിലധികം ദൂരം സഞ്ചരിച്ചു. യാത്രയില്‍ അധികം മടുപ്പ് ഉണ്ടായില്ലെന്ന് വേണം പറയാന്‍. എന്നിരുന്നാലും, സീറ്റ് അല്‍പ്പം വീതിയും മൃദുവും ആയിരിക്കാമെന്ന് ഞങ്ങള്‍ക്ക് തോന്നി. കാരണം ഇത് റൈഡര്‍ക്ക് കൂടുതല്‍ ദൂരം കൂടുതല്‍ എളുപ്പത്തില്‍ സഞ്ചരിക്കാന്‍ സഹായിക്കും.

റോയല്‍ എന്‍ഫീല്‍ഡ് ഒരു ടൂറിംഗ് സീറ്റ് ഓപ്ഷണല്‍ എക്‌സ്ട്രാ ആയി വാഗ്ദാനം ചെയ്യുന്നു. മൊത്തത്തില്‍, റോയല്‍ എന്‍ഫീല്‍ഡ് ഇന്റര്‍സെപ്റ്റര്‍ 650 റോഡിന്റെ അവസ്ഥ കണക്കിലെടുക്കാതെ ഒരു മികച്ച മോട്ടോര്‍സൈക്കിളായി തുടരുന്നു.

ഫീച്ചറുകള്‍

സവിശേഷതകളുടെ കാര്യത്തില്‍, റോയല്‍ എന്‍ഫീല്‍ഡ് ഇന്റര്‍സെപ്റ്റര്‍ 650 നിര്‍ഭാഗ്യവശാല്‍ ഏകദേശം മൂന്ന് വര്‍ഷമായി വലിയ മാറ്റമൊന്നും വരുത്തിയിട്ടില്ല. ഇതിന് ഇപ്പോഴും കുറഞ്ഞ ശ്രേണിയിലുള്ള സവിശേഷതകള്‍ തന്നെയാണ് ലഭിക്കുന്നത്.

മുന്നില്‍, മുകളില്‍ പറഞ്ഞ ഡിജിറ്റല്‍-അനലോഗ് ഇന്‍സ്ട്രുമെന്റേഷന്‍ ലഭിക്കുന്നു. സ്പീഡോമീറ്ററിനുള്ളിലെ ചെറിയ എല്‍സിഡി സ്‌ക്രീന്‍ മാത്രമാണ് 2021 മുതല്‍ ഇത് ഒരു മോട്ടോര്‍സൈക്കിള്‍ ആണെന്ന് നമ്മെ ഓര്‍മ്മിപ്പിക്കുന്നത്.

റോയല്‍ എന്‍ഫീല്‍ഡിന്റെ സ്വന്തം ട്രിപ്പര്‍ നാവിഗേഷന്‍ സംവിധാനത്തിലൂടെ പൂര്‍ണ്ണമായ ഒരു വലിയ എല്‍സിഡി അല്ലെങ്കില്‍ ടിഎഫ്ടി യൂണിറ്റ് പോലും ഞങ്ങള്‍ ആഗ്രഹിച്ചു. കളര്‍ ഓപ്ഷനുകളും സാധാരണയായി ഒരു സവിശേഷതയായി കണക്കാക്കില്ല, പക്ഷേ റോയല്‍ എന്‍ഫീല്‍ഡ് ഇന്റര്‍സെപ്റ്റര്‍ 650 ന്റെ ടാര്‍ഗെറ്റ് പ്രേക്ഷകര്‍ക്ക്, കളര്‍ ഓപ്ഷനുകള്‍ പ്രധാനമാണ്.

റോയല്‍ എന്‍ഫീല്‍ഡിന് ഇന്റര്‍സെപ്റ്റര്‍ 650 -നുള്ള വൈവിധ്യമാര്‍ന്ന നിറങ്ങളുണ്ട്. ഞങ്ങള്‍ക്ക് വെഞ്ചുറ ബ്ലൂ കളര്‍ ഓപ്ഷനാണ് ടെസ്റ്റ് ഡ്രൈവിനായി ലഭിച്ചത്. ഈ വര്‍ഷം ലൈനപ്പില്‍ കൂട്ടിച്ചേര്‍ത്ത നാല് പുതിയ നിറങ്ങളില്‍ ഒന്നാണിത്.

റോയല്‍ എന്‍ഫീല്‍ഡ് ഇന്റര്‍സെപ്റ്റര്‍ 650 കളര്‍ ഓപ്ഷനുകള്‍:

• - മാര്‍ക്ക് 2
• - കാന്യന്‍ റെഡ്
• - വെഞ്ചുറ ബ്ലൂ
• - ഓറഞ്ച് ക്രഷ്
• - ഡൗണ്‍ടൗണ്‍ ഡ്രാഗ്
• - ബേക്കര്‍ എക്‌സ്പ്രസ്
• - സണ്‍സെറ്റ് സ്ട്രിപ്പ്



ഞങ്ങളുടെ അഭിപ്രായത്തില്‍ ഡൗണ്‍ടൗണ്‍ ഡ്രാഗ് കളര്‍ സ്‌കീം മികച്ചതായി തോന്നുന്നു. എന്നാല്‍ തീര്‍ച്ചയായും, അത് ഓരോരുത്തരുടെയും വ്യക്തിപരമായ അഭിരുചിയെ ആശ്രയിച്ചിരിക്കുന്നു. മോട്ടോര്‍സൈക്കിളിന്റെ വിലയും തെരഞ്ഞെടുത്ത നിറത്തെ ആശ്രയിച്ചിരിക്കുന്നു.



എതിരാളികള്‍

എതിരാളികളുടെ കാര്യത്തില്‍, റോയല്‍ എന്‍ഫീല്‍ഡ് ഇന്റര്‍സെപ്റ്റര്‍ 650 ന്റെ നേരിട്ടുള്ള എതിരാളി അതിന്റെ ഇരട്ട മോഡല്‍ കോണ്ടിനെന്റല്‍ ജിടി 650 മാത്രമാണ്. വില കണക്കിലെടുക്കുമ്പോള്‍, ഇന്റര്‍സെപ്റ്റര്‍ 650, കെടിഎം 390 ഡ്യൂക്ക്, കവസാക്കി നിഞ്ച 300 എന്നിവയുമായി മത്സരിക്കുന്നു.



എന്നിരുന്നാലും, ഇത് ആപ്പിളിനെ ഓറഞ്ചുമായി താരതമ്യം ചെയ്യുന്നത് പോലെയാണെന്ന് വേണം പറയാന്‍. 650-നെ അപേക്ഷിച്ച് ഈ മോട്ടോര്‍സൈക്കിളുകള്‍ വളരെ വ്യത്യസ്തമാണ്.



സ്വഭാവവും മോട്ടോര്‍സൈക്കിള്‍ നിര്‍മ്മിച്ച രീതിയും കണക്കിലെടുക്കുമ്പോള്‍, ഇന്റര്‍സെപ്റ്റര്‍ 650 കാവസാക്കി W800, ട്രയംഫ് സ്ട്രീറ്റ് ട്വിന്‍ മുതലായവയ്ക്കെതിരെയും മത്സരം ഉയര്‍ത്തുന്നു.



വില, വാറന്റി & റോഡ്‌സൈഡ് അസിസ്റ്റ്

മുകളില്‍ സൂചിപ്പിച്ചതുപോലെ, റോയല്‍ എന്‍ഫീല്‍ഡ് ഇന്റര്‍സെപ്റ്റര്‍ 650 ന്റെ നിറം അനുസരിച്ചാണ് മോഡലുകളുടെ വില.

2021 Royal Enfield Interceptor 650 Colour	Price
RE Interceptor 650 Canyon Red	₹2.81 Lakh
RE Interceptor 650 Orange Crush	₹2.81 Lakh
RE Interceptor 650 Ventura Blue	₹2.81 Lakh
RE Interceptor 650 Sunset Strip	₹2.89 Lakh
RE Interceptor 650 Downtown Drag	₹2.89 Lakh
RE Interceptor 650 Baker Express	₹2.89 Lakh
RE Interceptor 650 Mark 2	₹3.03 Lakh



മോട്ടോര്‍സൈക്കിളിന് 2 വര്‍ഷത്തെ / 40,000 കിലോമീറ്റര്‍ വാറന്റിയും സ്റ്റാന്‍ഡേര്‍ഡായി ലഭിക്കും കൂടാതെ വാങ്ങുന്നവര്‍ക്ക് 2 വര്‍ഷം / 20,000 കിലോമീറ്റര്‍ വിപുലീകരിച്ച വാറണ്ടിയും തെരഞ്ഞെടുക്കാം. മോട്ടോര്‍സൈക്കിളിന് 1 വര്‍ഷത്തെ റോഡ്‌സൈഡ് അസിസ്റ്റ് പാക്കേജും സ്റ്റാന്‍ഡേര്‍ഡായി ലഭിക്കും.



മേക്ക് ഇറ്റ് യുവര്‍സ് കസ്റ്റമൈസേഷന്‍ പ്രോഗ്രാമും റോയല്‍ എന്‍ഫീല്‍ഡിനുണ്ട്. ഇന്റര്‍സെപ്റ്റര്‍ 650 വാങ്ങുന്നവര്‍ക്ക് അവരുടെ അഭിരുചിക്കനുസരിച്ച് വൈവിധ്യമാര്‍ന്ന ആക്സസറികള്‍ ഉപയോഗിച്ച് മോട്ടോര്‍സൈക്കിള്‍ ഇഷ്ടാനുസൃതമാക്കാന്‍ കഴിയും.



ഡ്രൈവ്‌സ്പാര്‍ക്കിന്റെ അഭിപ്രായം

2018 ല്‍ ഞങ്ങള്‍ മോട്ടോര്‍സൈക്കിള്‍ ഓടിച്ചപ്പോള്‍, റോയല്‍ എന്‍ഫീല്‍ഡിന്റെ വിജയകരമായ ഒരു അധ്യായത്തിന്റെ തുടക്കമാണിതെന്ന് ഞങ്ങള്‍ പറഞ്ഞിരുന്നു. ഞങ്ങള്‍ പറഞ്ഞത് ശരിയാണെന്ന് തെളിഞ്ഞുവെന്ന് വേണം പറയാന്‍.



എല്‍ഇഡി ലൈറ്റിംഗും ടിഎഫ്ടി സ്‌ക്രീനും പോലുള്ള കൂടുതല്‍ സാങ്കേതികവിദ്യകള്‍ ഉപയോഗിച്ച് റോയല്‍ എന്‍ഫീല്‍ഡ് സജ്ജമാക്കണമെന്ന് ഞങ്ങള്‍ ആഗ്രഹിക്കുന്നു. ഈ രണ്ട് ഫീച്ചര്‍ കൂട്ടിച്ചേര്‍ക്കലുകളോടെ, ഇന്റര്‍സെപ്റ്റര്‍ 650 ശ്രേണിയില്‍ മികച്ചതായി മാറുകയും, വിപണിയില്‍ കൂടുതല്‍ ജനപ്രീയമായി മാറുകയും ചെയ്യാം.