സാഹസികതയിലേക്ക് ഇറങ്ങിച്ചെല്ലാം; Moto Morini X-Cape 650X റിവ്യു

ഇപ്പോള്‍ ആദിശ്വര്‍ ഓട്ടോ റൈഡ് ഇന്ത്യയുടെ പുതിയ മോട്ടോ വോള്‍ട്ട് മള്‍ട്ടി-ബ്രാന്‍ഡ് മോട്ടോര്‍സൈക്കിള്‍ ഫ്രാഞ്ചൈസിയുടെ ഭാഗമായി മോട്ടോ മോറിനി ഇന്ത്യന്‍ വിപണിയില്‍ പ്രവേശിച്ചു. സീമെസ്സോ സ്‌ക്രംബ്ലര്‍, X-കേപ് 650, X-കേപ്പ് 650X അഡ്വഞ്ചര്‍ എന്നീ മോഡലുകളാണ് മോട്ടോ മൊറിനി ഇന്ത്യയില്‍ അവതരിപ്പിച്ചത്.

കാവസാക്കി വേര്‍സിസ് 650, സുസുക്കി V-സ്‌റ്റോം 650XT, ട്രയംഫ് ടൈഗര്‍ 660 എന്നീ എതിരാളികളോട് മുട്ടിനില്‍ക്കാന്‍ മോട്ടോ മോറിനിയുടെ ഫ്‌ലാഗ്ഷിപ്പ് മോഡലിന് സാധിക്കുമോ എന്നറിയാന്‍ ഹൈദരാബാദില്‍ വെച്ച് ഞങ്ങള്‍ X-കേപ്പ് 650X ഓടിച്ച് നോക്കി.

മോട്ടോ മോറിനി X-കേപ്പ് 650X മോറിനി ഡിസൈനും ഫീച്ചറുകളും

വളരെ വ്യതിരിക്തവും ഗംഭീരവുമായാണ് മോട്ടോ മോറിനി X-കേപ്പ് 650X രൂപകല്‍പ്പന ചെയ്തിരിക്കുന്നത്. കോണാകൃതിയിലുള്ള ട്വിന്‍ ഹെഡ്ലാമ്പുകളോടുകൂടിയ ഉയര്‍ന്ന സെറ്റ് ഫെയറിംഗാണ് മുന്‍ഭാഗം അലങ്കരിക്കുന്നത്. അതിന് മുകളില്‍ ക്രമീകരിക്കാവുന്ന വിന്‍ഡ്സ്‌ക്രീനും ആധിപത്യം പുലര്‍ത്തുന്നു.

സാഹസിക ബൈക്കിന്റെ സൈഡ് ഫെയറിംഗില്‍ ഭംഗിയായി ലയിക്കുന്ന ഇന്ധന ടാങ്കാണ് വശങ്ങളില്‍ ആധിപത്യം പുലര്‍ത്തുന്നത്. തടിച്ച സൈഡ് എക്സ്ഹോസ്റ്റ്, വീതിയേറിയ സ്പ്ലിറ്റ് സീറ്റ്, സ്പോക്ക്ഡ് വീലുകള്‍, പോയിന്റി റിയര്‍ എന്‍ഡ് എന്നിവയാണ് 650X-ന്റെ മറ്റ് ഡിസൈന്‍ ഹൈലൈറ്റുകള്‍.

ബ്ലൂടൂത്ത് കണക്റ്റിവിറ്റി വാഗ്ദാനം ചെയ്യുന്ന വലിയ 7 ഇഞ്ച് TFT ഡിസ്പ്ലേയാണ് X-കേപ്പ് 650X-ന്റെ മറ്റൊരു പ്രധാന സവിശേഷത. TFT ഡിസ്പ്ലേ മികച്ചതും ഉപയോഗിക്കാന്‍ എളുപ്പമുള്ളതും ഒന്നിലധികം തീമുകള്‍ വാഗ്ദാനം ചെയ്യുന്നതുമാണ്. ഇരട്ട യുഎസ്ബി ചാര്‍ജിംഗ് പോര്‍ട്ടുകളും ഓഫറിലുണ്ട്. മാന്യമായ പ്ലാസ്റ്റിക്ക് മോട്ടോ മോറിനി X-കേപ്പ് 650X ബില്‍ഡ് ക്വാളിറ്റി മികച്ചതാക്കുന്നു. ബാക്ക്‌ലിറ്റ് സ്വിച്ച് ഗിയറും മികവ് പുലര്‍ത്തുന്നു.

മോട്ടോ മോറിനി X-കേപ്പ് 650X-പവര്‍ട്രെയിന്‍

മോട്ടോ മോറിനി X-കേപ്പ് 650X-ന് കരുത്തേകുന്നത് ലിക്വിഡ് കൂള്‍ഡ് 649 സിസി ട്വിന്‍ സിലിണ്ടര്‍ എഞ്ചിനാണ്. 8,250 rpm-ല്‍ 59 bhp-യും 7,000 rpm-ല്‍ 54 Nm പീക്ക് ടോര്‍ക്കും നല്‍കുന്നു. 6 സ്പീഡ് ഗിയര്‍ബോക്‌സുമായി എഞ്ചിന്‍ ജോടിയാക്കിയിരിക്കുന്നു.

മോട്ടോ മോറിനി X-കേപ്പ് 650X-ന് പൂര്‍ണ്ണമായി ക്രമീകരിക്കാവുന്ന മാര്‍സോച്ചി അപ്സൈഡ്-ഡൗണ്‍ ഫോര്‍ക്ക് സസ്‌പെന്‍ഡ് ചെയ്ത സ്റ്റീല്‍ ട്യൂബുലാര്‍ ഫ്രെയിമും പ്രീ-ലോഡും റീബൗണ്ട് അഡ്ജസ്റ്റ്‌മെന്റും ഉള്ള കയാബ മോണോ-ഷോക്കും ഉണ്ട്. മുന്‍വശത്ത് നാല് പിസ്റ്റണ്‍ കാലിപ്പറുകളുള്ള ഡ്യുവല്‍ 298 എംഎം ഫ്‌ലോട്ടിംഗ് ഡിസ്‌കുകളാണ് ബ്രേക്കിംഗ് ഡ്യൂട്ടി നിര്‍വഹിക്കുന്നത്. പിന്‍ഭാഗത്ത് രണ്ട് പിസ്റ്റണ്‍ കാലിപ്പറുകളുള്ള സിംഗിള്‍ 255 എംഎം ഡിസ്‌കാണ്. ഡ്യുവല്‍-ചാനല്‍ എബിഎസും ലഭ്യമാണ്.

മുന്‍വശത്ത് 19 ഇഞ്ച് വീലും പിന്നില്‍ 17 ഇഞ്ച് യൂണിറ്റും ഉള്ള സ്റ്റേഗര്‍ഡ് വീല്‍ സെറ്റപ്പാണ് 650X ന്റെ സവിശേഷത. പിറെല്ലി സ്‌കോര്‍പിയോണ്‍ STR ട്യൂബ്ലെസ് ടയറുകള്‍ സ്റ്റാന്‍ഡേഡായി ലഭ്യമാണ്. 110/80-19 (മുന്‍വശം), 150/70-17 (പിന്‍വശം) എന്നിവയാണ് ടയര്‍ സൈസ്.

2,200 എംഎം നീളവും 900 എംഎം വീതിയും 1,390 എംഎം ഉയരവുമുണ്ട് മോട്ടോ മോറിനി X-കേപ്പ് 650X-ന്. 1,490 എംഎം ആണ് വീല്‍ബേസ്. ഈ അഡ്വഞ്ചര്‍ ബൈക്കിന് 215 കിലോഗ്രാം ഭാരമുണ്ട്. 650X 175 എംഎം ഗ്രൗണ്ട് ക്ലിയറന്‍സും ഗ്രൗണ്ടില്‍ നിന്ന് 835 എംഎം സീറ്റ് റൈഡും വാഗ്ദാനം ചെയ്യുന്നു. 18 ലിറ്ററാണ് ഇന്ധടാങ്ക് ശേഷി.

മോട്ടോ മോറിനി X-കേപ്പ് 650X-റൈഡിംഗ് ഇംപ്രഷന്‍സ്

മോട്ടോ മോറിനി X-കേപ്പ് 650X-ന്റെ 649cc എഞ്ചിന്‍ 59bhp പവറും 54 Nm ടോര്‍ക്കും ഉത്പാദിപ്പിക്കുന്നുവെന്നത് കടലാസില്‍ മാത്രം ഒതുങ്ങുന്നതല്ലെന്നാണ് തോന്നുന്നത്. റോഡിലും ഓഫ് റോഡ് പാതയിലും ട്വിന്‍ സിലിണ്ടര്‍ മോട്ടോറില്‍ നിന്നുള്ള ഔട്ട്പുട്ട് അല്‍പ്പം കൂടുതലായി തോന്നി.

താഴ്ന്ന എഞ്ചിന്‍ സ്പീഡില്‍ ടോര്‍ക്കും വേഗതയും അതിനനുസരിച്ച് കുറയുന്നതായി തോന്നുന്നു. മറിച്ചയാല്‍ ബൈക്ക് വേഗത വര്‍ദ്ധിക്കുകയും അത് റെഡ്‌ലൈനിലേക്ക് പോകുകയും ചെയ്യുന്നു. റോഡില്‍ മോട്ടോ മോറിനി X-കേപ്പ് 650X നല്ല ഒരു മോട്ടോര്‍സൈക്കിളായി അനുഭവപ്പെടുന്നു. മാത്രമല്ല ഒട്ടും വിയര്‍ക്കാതെ തന്നെ മൂന്നക്ക വേഗത നിലനിര്‍ത്താനും കഴിയും.

മോട്ടോ മോറിനി X-കേപ്പ് 650X-ലെ റൈഡിംഗ് പൊസിഷന്‍ വളരെ കമാന്‍ഡിംഗ് ആണ്. കൂടാതെ ക്രമീകരിക്കാവുന്ന വിന്‍ഡ്സ്‌ക്രീന്‍ കാറ്റിനെ പ്രതിരോധിക്കുന്നു. X-കേപ്പ് 650X-ല്‍ നിന്നുകൊണ്ടുള്ള റൈഡിംഗ് ഒരു മികച്ച അനുഭവമാണ്. നിങ്ങള്‍ക്ക് ഇന്ധന ടാങ്കില്‍ എളുപ്പത്തില്‍ പിടിക്കാം.

ഈ അഡ്വഞ്ചര്‍ ബൈക്കിന്റെ സസ്‌പെന്‍ഷന്‍ സജ്ജീകരണം കുഴികളും സ്പീഡ്ബമ്പുകളും വളരെ എളുപ്പത്തില്‍ കൈകാര്യം ചെയ്യുന്നു. എന്നിരുന്നാലും, ഉയര്‍ന്ന വേഗതയില്‍ ദിശ മാറ്റാന്‍ മോട്ടോ മോറിനി X-കേപ്പ് 650X ഇഷ്ടപ്പെടുന്നില്ല. അതിനാല്‍ പെട്ടെന്നുള്ള ദിശ മാറ്റങ്ങള്‍ മുന്‍കൂട്ടി ആസൂത്രണം ചെയ്യണം.

ഓഫ് റോഡ് പാതയില്‍ എത്തിയാല്‍ മോട്ടോ മോറിനി X-കേപ്പ് 650X സജീവമാകും. പിന്‍ഭാഗം തെന്നാന്‍ സാധ്യതയുള്ളതിനാല്‍ ത്രോട്ടിലില്‍ അല്‍പം ശ്രദ്ധ വേണം. എന്നിരുന്നാലും ഞങ്ങള്‍ക്ക് ലഭിച്ച ചെറുതെങ്കിലും രസകരവുമായ ഓഫ്-റോഡ് ട്രാക്കിലെ ചെളി നിറഞ്ഞ കുഴികളിലൂടെ സ്ലൈഡുചെയ്യാനും തെറിപ്പിക്കാനും ഞങ്ങള്‍ക്ക് കഴിഞ്ഞു. മോട്ടോ മോറിനി X-കേപ്പ് 650X തികച്ചും കഴിവുറ്റ ഒരു ജമ്പര്‍ ആണെന്നും തെളിയിച്ചു.

എന്നിരുന്നാലും ചില പോരായ്മകളും ഉണ്ട്. ഇരട്ട സിലിണ്ടര്‍ എഞ്ചിന്‍ വളരെ വേഗത്തില്‍ ചൂടാക്കുകയും അതില്‍ നിന്ന് പുറപ്പെടുന്ന ചൂട് ട്രാഫിക്കില്‍ അല്‍പ്പം അസഹനീയമാവുകയും ചെയ്യും. കുറച്ച് വൈബ്രേഷന്‍ അനുഭവപ്പെടുന്നുണ്ട്. എന്നിരുന്നാലും അതുമായി വേഗം പൊരുത്തപ്പെടുന്നതിനാല്‍ അത്ര ഗൗരവത്തില്‍ എടുത്തേക്കില്ല.

മോട്ടോ മോറിനി X-കേപ്പ് 650X നെക്കുറിച്ചുള്ള അന്തിമ അഭിപ്രായം

മോട്ടോ മോറിനി X-കേപ്പ് 650X ഒരു ശരിയായ ഒരു അഡ്വഞ്ചര്‍ മോട്ടോര്‍ സൈക്കിള്‍ ആണ്. നിങ്ങള്‍ വളരെ ഗൗരവമായി എടുക്കേണ്ട ഒന്നാണിത്. കുറച്ച് കൂടുതല്‍ സമയം ചെലവഴിക്കാന്‍ ഞങ്ങള്‍ ആഗ്രഹിച്ചുപോയ മോട്ടോര്‍സൈക്കിളാണിത്.