ഹോണ്ടയുടെ പുത്തൻ അഡ്വഞ്ചർ ടൂറർ CB 500X -ന്റെ റിവ്യൂ വിശേഷങ്ങൾ

ഹൈവേകളിൽ ഇത് എത്രത്തോളം മികച്ചതാണെന്നും, ട്വിസ്റ്റികളെ എങ്ങനെ കൈകാര്യം ചെയ്യുന്നുവെന്നും, ഏറ്റവും പ്രധാനമായി ADV പ്രേക്ഷകർക്കായി ഇതിന്റെ ഓഫ്-റോഡ് മികവ് എത്രത്തോളമുണ്ടെന്നും നമുക്ക് നോക്കാം?

ഹോണ്ട CB 500X ആദ്യമായി 2013 -ലാണ് പുറത്തിറക്കിയത്, ഇത് രൂപകൽപ്പന, റൈഡിംഗ് മികവ്, പ്രായോഗികത എന്നിവയിൽ എല്ലാവരേയും ആകർഷിച്ചു. ഹോണ്ട പിന്നീട് 2016 -ൽ മോട്ടോർസൈക്കിൾ അപ്ഡേറ്റ് ചെയ്യുകയും 2019 -ൽ ഇതിന് ചില പ്രധാന അപ്‌ഡേറ്റുകൾ നൽകുകയും ചെയ്തു.

അതിനു ശേഷം കുറച്ച് വർഷങ്ങളായി ഇന്ത്യൻ വിപണിയിലെത്തുമെന്ന് പ്രതീക്ഷിച്ചിരുന്ന മോട്ടോർസൈക്കിൾ ഹോണ്ട ഒടുവിൽ ഇന്ത്യയിൽ ഇപ്പോൾ അവതരിപ്പിച്ചിരിക്കുകയാണ്.

ഡിസൈനും സ്റ്റൈലിംഗും

ലേയേർഡ് ഡിസൈനോടുകൂടിയ ആംഗുലാർ ബോഡി വർക്ക് ഹോണ്ട CB 500X അവതരിപ്പിക്കുന്നു. വലിയ ആഫ്രിക്ക ട്വിൻ പോലെ, ഷാർപ്പ് ഡിസൈൻ ലൈനുകളും ഒഴുകുന്ന പാനലുകളും ഇതിലുണ്ട്. എൽഇഡി ഡിആർഎല്ലുകളുള്ള എൽഇഡി ഹെഡ്‌ലാമ്പാണ് നിർമ്മാതാക്കൾ ഒരുക്കിയിരിക്കുന്നത്. അതിനു മുകളിലായി ഉയരം ക്രമീകരിക്കാവുന്ന വിൻഡ്‌സ്ക്രീനും നൽകിയിരിക്കുന്നു.

എക്സ്റ്റെൻഡഡ് റേഡിയേറ്റർ ഷ്രൗഡുകളും വലിയ ഫ്യുവൽ ടാങ്കും ഇതിലുണ്ട്. പിൻ‌വശം ലളിതമായ രൂപകൽപ്പനയാണ് വഹിക്കുന്നത്. രൂപകൽപ്പനയിലും സ്റ്റൈലിംഗിലും എഞ്ചിനും ഒരു പ്രധാന പങ്ക് വഹിക്കുന്നു. എക്‌സ്‌ഹോസ്റ്റ് ഡൗൺ‌പൈപ്പുകൾ‌ ഒരു കലാസൃഷ്ടി പോലെ കാണപ്പെടുന്നു.

ഹോണ്ട CB 500X ബ്രാൻഡിന്റെ നിലവിലെ ഡിസൈൻ ശൈലി പിന്തുടരുന്നു. എൽഇഡി ഹെഡ്‌ലാമ്പിനാൽ ഒരു ഫ്രണ്ട്ലി ഫെയ്സാണ് വാഹനത്തിനുള്ളത്. മാറ്റ് ഗൺപൗഡർ ബ്ലാക്ക് മെറ്റാലിക്, ഗ്രാൻഡ് പ്രിക്സ് റെഡ് എന്നീ രണ്ട് കളർ ഓപ്ഷനുകളിലാണ് മോട്ടോർസൈക്കിൾ ലഭ്യമാക്കിയിരിക്കുന്നത്.

വ്യത്യസ്തമായ ടാങ്ക് എക്സ്റ്റെൻഷനുകളും സാധാരണ ഹോണ്ട റെഡ് ഗ്ലോസി പെയിന്റ് സ്കീമും ഉപയോഗിച്ച് ഗ്രാൻഡ് പ്രിക്സ് റെഡ് തീർച്ചയായും വേറിട്ടുനിൽക്കുന്നു.

എന്നിരുന്നാലും, മാറ്റ് ഗൺപൗഡർ ബ്ലാക്ക് മെറ്റാലിക് അതിന്റെ മാറ്റ് ബ്ലാക്ക് പെയിന്റ് സ്കീം, ഗ്രേ ടാങ്ക് എക്സ്റ്റെൻഷനുകൾ, ഇന്ധന ടാങ്കിലെ ഡാർക്ക് റെഡ് ഗ്രാഫിക്സ് മുതലായവയിൽ വളരെ മികച്ച ലുക്ക് കൈവരിക്കുന്നു.

സിൽവർ ഘടകങ്ങളും എക്‌സ്‌ഹോസ്റ്റിലെ ക്രോം ബിറ്റുകളും മോട്ടോർസൈക്കിളിനെ വേറിട്ടു നിർത്തുന്നു. മുന്നിലും പിന്നിലുമുള്ള പെറ്റൽ ഡിസ്കുകളും ഡിസൈനിനും സ്റ്റൈലിംഗിനും ആക്കം കൂട്ടുന്നു.

എഞ്ചിനും പെർഫോമെൻസും

ലിക്വിഡ്-കൂൾഡ്, 471 സിസി പാരലൽ-ട്വിൻ എഞ്ചിനാണ് ഹോണ്ട CB 500X -ന്റെ ഹൃദയം. 8,500 rpm -ൽ 46.93 bhp കരുത്തും 6,500 rpm -ൽ 43.2 Nm torque ഉം ഇത് വികസിപ്പിക്കുന്നു. ആറ് സ്പീഡ് ഗിയർബോക്സ് ഒരു സ്ലിപ്പ്, അസിസ്റ്റ് ക്ലച്ച് വഴി പിൻ വീലിലേക്ക് പവർ അയയ്ക്കുന്നു.

സ്റ്റാർ‌ട്ടർ‌ ബട്ടൺ‌ അമർത്തി കഴിഞ്ഞാൽ‌, ആഴത്തിലുള്ളതും ശാന്തവുമായ ഒരു മുരൾച്ചയുമായിട്ടാണ് ബൈക്ക് നമ്മേ സ്വാഗതം ചെയ്യുന്നത്. ത്രോട്ടിൽ തിരിക്കുമ്പോൾ, സൗണ്ട്ട്രാക്ക് ലോ, ബാസ്സി എന്നിവയിൽ നിന്ന്, അഗ്രസ്സീവ് മുരൾച്ചയിലേക്ക് മാറുന്നു.

ഇത് റെഡ്‌ലൈനിനടുത്തെത്തുമ്പോൾ, ശബ്‌ദം സ്‌ക്രീച്ചായി മാറുന്നു. ക്രൂയിസിംഗ് വേഗതയ്ക്ക് മുകളിൽ മോട്ടോർ സൈക്കിൾ എത്തുന്നതുവരെ ആക്സിലറേഷൻ ലീനിയറും അനായാസവുമാണ്.

പവർ കണക്കുകൾ പേപ്പറിൽ വളരെ മികച്ചതായി തോന്നുന്നില്ല. എന്നിരുന്നാലും, യഥാർഥത്തിൽ കാര്യങ്ങൾ തികച്ചും വ്യത്യസ്തമാണ്. 2,500 rpm -നും 6,500 rpm -നുമിടയിലാണ് ഈ എഞ്ചിൻ ഏറ്റവും മികച്ച പെർഫോമെൻസ് വാഗ്ദാനം ചെയ്യുന്നത്.

റോൾ-ഓൺ ആക്‌സിലറേഷനുകൾ എളുപ്പത്തിൽ കൈകാര്യം ചെയ്യുന്നു. ആറാമത്തെ ഗിയറിൽ മണിക്കൂറിൽ 70-100 കിലോമീറ്റർ വേഗത കൈവരിക്കാൻ വെറും 5.0 സെക്കൻഡുകൾ മാത്രമേ ബൈക്ക് എടുക്കൂ, ടോപ്പ് ഗിയറിൽ 70-120 കിലോമീറ്റർ വേഗത 7.0 സെക്കൻഡിനുള്ളിൽ കൈവരിക്കും.

ഹോണ്ട CB 500 X -ന്റെ ഒരു ടോപ്പ് സ്പീഡ് റൺ നടത്താൻ ഞങ്ങൾക്ക് കഴിയില്ല, എന്നാൽ ബൈക്ക് മണിക്കൂറിൽ 170 കിലോമീറ്റർ വേഗ കൈവരിക്കുമെന്ന് ഞങ്ങൾ പ്രതീക്ഷിക്കുന്നു.

റൈഡ് & ഹാന്‍ഡ്‌ലിംഗ്

ഒരു ADV ടൂററിൽ‌ നിന്നുള്ള പ്രാഥമിക ആവശ്യകത ദീർഘ ദൂരത്തേക്കുള്ള കംഫർട്ടാണ്, ഹോണ്ട CB 500X ഇക്കാര്യത്തിൽ വളരെ മികവുറ്റതാണ്. സീറ്റിംഗ് മൃദുവും മികച്ചതുമാണ്, കൂടാതെ സസ്പെൻഷൻ മിക്കവാറും എല്ലാ റോഡുകളും അനുയോജ്യമായതാണ്.

നേരത്തെ സൂചിപ്പിച്ചതുപോലെ, മൂന്ന് അക്ക വേഗതയിൽ സഞ്ചരിക്കുന്നത് ഈ മോട്ടോർസൈക്കിളിന്റെ പ്ലസ് പോയിന്റാണ്, ഈ വേഗതയിൽ, സസ്പെൻഷൻ എല്ലാ കുണ്ടും കുഴിയും മികച്ച രീതിയിൽ താണ്ടുന്നു. ഹൈവേയിൽ നിന്ന്, ഈ മോട്ടോർസൈക്കിൾ ഒരു സ്റ്റാറാണ്.

മോട്ടോർസൈക്കിൾ കൃത്യമായി ഒരു കോർണർ കാർവർ അല്ല, പക്ഷേ ഇത് റൈഡർക്ക് കോണുകളിൽ പോലും ധാരാളം ആത്മവിശ്വാസം നൽകുന്നു. വളവും തിരിവും നിറഞ്ഞ റോഡുകളിൽ, 4,500 rpm -ന് മുകളിൽ ഓടിക്കുമ്പോൾ, ഹോണ്ട CB 500X റൈഡറുടെ മുഖത്ത് പുഞ്ചിരി വിടർത്തും.

സസ്പെൻഷൻ കൂടുതൽ ഓഫ്-റോഡ് തരമാണ്, അതിനാൽ കഠിനമായി ബ്രേക്കിംഗ് ചെയ്യുമ്പോൾ ചെറിയ തരത്തിൽ നോസ് ഡൈവ് അനുഭവപ്പെടാം. മിഡ് കോർണർ കറക്ഷനുകൾ വരുത്തുന്നത് ശരിക്കും എളുപ്പമല്ല.

ഹോണ്ട CB 500X -നെക്കുറിച്ച് ചോദിക്കുന്ന ഏറ്റവും ജനപ്രിയമായ ചോദ്യങ്ങളിലൊന്ന് അതിന്റെ ഓഫ്-റോഡ് കഴിവിനെക്കുറിച്ചാണ്. ഇത് ഒരു ഹാർഡ്‌കോർ ഓഫ്‌റോഡ് മോട്ടോർസൈക്കിളല്ല, മറിച്ച് സോഫ്റ്റ്-റോഡർ ആണ്.

തകർന്ന റോഡുകൾ എളുപ്പത്തിൽ ബൈക്ക് കൈകാര്യം ചെയ്യുന്നു, റോഡ് തീരുമ്പോഴും ഹോണ്ട CB 500X റൈഡറിനെയും പില്യണിനെയും സുഖകരമായി നിലനിർത്തുന്നു.

തകർന്ന പാതയിൽ നിന്ന് പുറത്തുകടക്കുമ്പോൾ, ഹോണ്ട CB 500X ഒരു മടിയും കാണിക്കില്ല. ഇത് ഡൻ‌ലോപ്പ് ട്രെയിൽ‌മാക്സ് ടയറുകളുമായി വരുന്നു, ഈ ടയറുകൾ‌ ഓഫ്-റോഡിംഗിനെ പിന്തുണയ്ക്കുന്നതാണെങ്കിലും റോഡിലും വളരെ ആകർഷണീയമാണ്.

മുന്നിൽ ഒരു പരമ്പരാഗത ടെലിസ്‌കോപ്പിക് ഫോർക്ക് പിന്നിൽ 9-സ്റ്റെപ്പ് ക്രമീകരിക്കാവുന്ന മോണോഷോക്കുമാണ് സസ്പെൻ ഡ്യൂട്ടികൾ നിർവ്വഹിക്കുന്നത്. ക്രമീകരിക്കാവുന്ന പിൻ സസ്പെൻഷൻ കൂടുതൽ വഴക്കം അനുവദിക്കുന്നു. 19 ഇഞ്ച് ഫ്രണ്ട്, 17 ഇഞ്ച് റിയർ വീൽ സജ്ജീകരണം മോട്ടോർ സൈക്കിൾ റോഡിൽ നന്നായി ഹാന്‍ഡിൽ ചെയ്യുന്നുവെന്ന് ഉറപ്പാക്കുന്നു.

മുന്നിൽ 310 mm പെറ്റൽ ഡിസ്കും പിന്നിൽ 240 mm ഡിസ്കും ബ്രേക്കിംഗ് ഡ്യൂട്ടികൾ കൈകാര്യം ചെയ്യുന്നു. ബ്രേക്കുകൾ മാന്യമായ ബൈറ്റ് വാഗ്ദാനം ചെയ്യുകയും റൈഡറിന് ധാരാളം ഫീഡ്‌ബാക്ക് നൽകുകയും ചെയ്യുന്നു.

ഹോണ്ട CB 500X തികച്ചും നേരായ റൈഡിംഗ് പൊസിഷൻ ഒരുക്കുന്നു, ഒപ്പം ഫുട്പെഗുകൾ ഒരു സ്റ്റാൻഡ്-അപ്പ് റൈഡിംഗ് സ്ഥാനം നൽകുന്നതിനായി സ്ഥാപിച്ചിരിക്കുന്നു.

830 mm സീറ്റ് ഉയരം അതിന്റെ സെഗ്‌മെന്റിലെ മറ്റ് അഡ്വഞ്ചർ ടൂറിംഗ് മോട്ടോർസൈക്കിളുകളുമായി തുല്യമാണ്. ഏകദേശം 5 '8" ഉയരമുള്ള വ്യക്തിക്ക് ഇരു കാലുകളും നിലത്ത് സുഖമായി ഉറപ്പിക്കാൻ കഴിയും. ഏകദേശം 199 കിലോഗ്രാം ഭാരമാണ് ബൈക്കിനുള്ളത്, ഇത് എതിരാളികളേക്കാൾ ഭാരം കുറവാണ്. അയഞ്ഞ നിലത്ത് മോട്ടോർ സൈക്കിൾ സ്ലൈഡുചെയ്യുന്നത് രസകരമായിരുന്നു.

പ്രധാന സവിശേഷതകൾ:

ഡ്യുവൽ ചാനൽ ABS, ഇമോബിലൈസറുള്ള ഹോണ്ട ഇഗ്നിഷൻ സെക്യൂരിറ്റി സിസ്റ്റം (HISS), ഫുൾ എൽഇഡി ലൈറ്റിംഗ്, അനലോഗ്-ഡിജിറ്റൽ ഇൻസ്ട്രുമെന്റേഷൻ തുടങ്ങിയ ചില പ്രധാന സവിശേഷതകളുമായാണ് ഹോണ്ട CB 500X വരുന്നത്.

എഞ്ചിൻ വേഗതയ്‌ക്കുള്ള അനലോഗ് ടാക്കോമീറ്ററും നെഗറ്റീവ് ബാക്ക്‌ലിറ്റ് എൽസിഡിയും സ്പീഡോമീറ്റർ, ഓഡോമീറ്റർ, ട്രിപ്പ് മീറ്റർ, ക്ലോക്ക്, ഗിയർ പൊസിഷൻ ഇൻഡിക്കേറ്റർ മുതലായ എല്ലാ ആവശ്യമായ റൈഡിംഗ് വിവരങ്ങളും സ്‌ക്രീൻ പ്രദർശിപ്പിക്കുന്നു.

എൽസിഡി സ്ക്രീനിന്റെ ചുവടെ വലതുവശത്ത് ഒരു ഡിജിറ്റൽ റെവ്വ്-കൗണ്ടറുമുണ്ട്. എമർജൻസി സ്റ്റോപ്പ് സിഗ്നൽ ഫംഗ്ഷനോടൊപ്പം ഹോഡാ CB 500X ഒരു സമർപ്പിത ഹസാർഡ് ലൈറ്റ്സ് സ്വിച്ച് നൽകുന്നു.

റൈഡർ വളരെ കഠിനമായി ബ്രേക്ക് ചെയ്യുമ്പോൾ, അത് ഒരു അടിയന്തര ബ്രേക്കിംഗ് സാഹചര്യമാണെന്ന് മോട്ടോർസൈക്കിൾ മനസ്സിലാക്കുകയും ഹസാർഡ് ലൈറ്റുകൾ ഓണാക്കുകയും ചെയ്യുന്നു. വളരെ ലളിതമായ ഒരു സവിശേഷതയാണിത്.

ഡ്രൈവ്സ്പാർക്കിന്റെ അഭിപ്രാം

വളരെ മനോഹരമായ മോട്ടോർ സൈക്കിളാണിത്, ദൂര യാത്രകൾക്കും സുഖകരമാണ്. ഇതിനൊരു മികച്ച എഞ്ചിനാണുള്ളത്, അത് ചുറ്റുമുള്ള അവസ്ഥകൾ എന്തുതന്നെയായാലും ബൈക്കിന്റെ ലൈഫ് സുഗമമാക്കുന്നു. എന്നിരുന്നാലം ഈ വിലയിൽ ലഭിക്കേണ്ട കുറച്ച് പ്രീമിയം സവിശേഷതകൾ ഇതിന് ഇല്ല എന്നുള്ളത് ചെറിയ പോരായ്മയാണ്.

6.87 ലക്ഷം രൂപയുടെ എക്‌സ്‌ഷോറൂം വിലയുള്ള ഹോണ്ട CB 500X ബെനെല്ലി TRK 502, സുസുക്കി V-സ്ട്രോം 650 എന്നിവയ്ക്കിടയിൽ സ്ഥാനം പിടിക്കുന്നു. ടോപ്പ്-സ്പെക്ക് സവിശേഷതകളുടെ അഭാവമുണ്ടെങ്കിലും, ഹോണ്ട CB 500 X അതിന്റെ മികച്ച എഞ്ചിനും റൈഡിംഗ് ഡൈനാമിക്സും കാരണം ഉപഭോക്താക്കൾക്ക് പണത്തിന് മൂല്യമുള്ളതായിരിക്കും.

ഈ ശ്രേണിയിൽ എത്രപേർ നിലവിൽ ഇന്ത്യൻ വിപണിയിൽ ആകൃഷ്ടരാണ് എന്നത് കണ്ടറിയണം. താമസിയാതെ ഹോണ്ട CB 500 F, CBR 500 R എന്നിവ ഇന്ത്യയിൽ വിപണിയിലെത്തിക്കും, ഇത് ഉയർന്ന പ്രാദേശികവൽക്കരണത്തിലേക്ക് നയിച്ചേക്കാം, ഇത് ഒരു ദിവസം മോട്ടോർസൈക്കിളുകളുടെ വില കുറയ്ക്കുന്നതിലേക്ക് നയിച്ചേക്കാം.